1 Pyɛr 2:11 - Kálara Zyɛ̌m Edwán é mpʉ̌n

¹¹ Obɨɔ o kpɛl bam aa! Me ejwɨʼla e bɨn ó, bɨn diʼe mpʉ mɨndìndìl ndwe mɨngbaalaŋa é mɨlal mɨ si nwa. Diʼe ga é l'ecyooŋʉ, lé esyɛhle lɔb esa bɨsyɛɛla bɨpuno bin lé egwɨm, byaa ndɨ elwimla e mɨsisim min ɨ.

Kálar Nzyɛ̌m : Ejwán é Sáá

¹¹ Mě jɨʼlá e bɨ̌n, osó bâm ó, bɨ̌n díʼee mpʉ̌ sá lɛ́ɛ́, bɨ̌n bé ó milaa-nkpǎʼ, nkʉ̂ mpʉ ójwóo dí ɨ́ mesí mé sí yɨ̂ʼ bá. Ɨ́ nzɨ̌ nyaá ó bɨ́n ngá tí bísá bʉ̂r ó sí yɨ̂ʼ dí egwɨ̂m bí yɨ́. Bisâ byaá ó dí elwímla e misísǐm mín.

1 Pyɛr 2:11 ပူးပေါင်းရင်းမြစ်များ

Galásia 5:24

Bʉr o ndɨ baa mo Yesʉs-Krɨst ɨ, bé a si cyèl nyʉl bɨpuno wɔɔ é klos kʉ, bé e bɨbebebebe bɨgwɨma bye bibyɛh.

1 Pyɛr 4:2

Mbi mʉr waa, wé óka tiʼe-tiʼe é si nwaʼ ó, njɨ lé eloŋlo gwɨma mo Zyɛm. É jɔʼ nye dina mʉr si nwaʼ ɛ, nye ákwoʼ ka loŋlo bɨgwɨma bɨ nyʉl bɨpuno.

Ebrœ̂ 11:13

Bʉr onɨ bɨbɛh, bé a dwè ó, bé dina lé ejyɛʼ taa buʼo yɔɔ boo Zyɛm, bé l'apa bi yɛɛ sa nye a kɛʼ be e. Sa gwar, bé a bee sa nye a kɛʼ be ó, yé dina jaabe, bé ze soho ye. Bé a kʉ gʉa é l'ocyecye ó, bé ó ojyoo nkʉ mɨngbaalaŋa é si nwa.

Rôm 8:13

ǃBɨn si du bɨgwɨma bɨ nyʉl bɨpuno win nɛʼɛ, lɛɛ ó, bɨn bé ójala e l'ebebe laa. Sa gwar, ǃbɨn si lele nkul é zi Mbɨambɨa Sisim, ntɔʼ teʼle bɨsyɛɛla bɨ nyʉl bɨpuno nɛʼɛ, lɛɛ ó, bɨn bé óbi tiʼ molu mo mpoʼ mɨmɛh.

Jacques 4:1

Mogo, mé eduho nko? Bɨduʼo, byé epa kʉ duho nko paʼra win? Byé eduho ó, é bɨbebebebe bɨgwɨma bɨn ndɨ e bye, byaa ndɨ elwimla e bɨn é monyʉl tʉŋlʉ ɨ.

2 Timotɛ 2:22

Gʉa kʉ cɛra e bɨgwɨma bɨ oncyom. Duʼo njɨ bɨsa ndɨ cɨcyel ɨ. Buʼla Zyɛm. Lɛʼla bʉr ncwɨncwɨa. Gbaʼ motala paʼra bʉr e bʉr. Dɨʼe sa no, bɨn e bʉr bɨbɛh ndɨ ejwɨʼla e Da Yesʉs e mɨpɛhla mɨ leme ndɨ é pyɛɛɛ ɛ.

2 Korɛnt 7:1

Ebe no, obɨɔ o kpɛl bam aa! É mpʉ bɨna ga bé a bi ga monkɛʼ monɨ ɨ, bɨna puba bɨna ga bʉr o tɨ, lé epɛʼ sa ndɨ elœʼ monyʉl ga mɨna ndwe e mɨsisim ga mina é mih mo Zyɛm ɨ. Bɨna kœʼœ ga ebò e cyen bɨna ndɨ é pememe, laa ndɨ ejala e bʉr o ndɨ edwaabe Zyɛm ɨ.

Rôm 12:1

No ó, obɨɔ ga bam, me ejwɨʼla e bɨn é nkoo Zyɛm a jwɨʼ bɨna ga ɛ, ó bɨn timla nye monyʉl mɨn ntinɨ e ntinɨ, ebe, monyʉl mɨn, mé ó sa bɨn lé ejala le edwe nye tɔɔ mɨkubla motwina ndɨ ti é mih me e. Nye óbee bɨtiʼ bin byaa mbɨmbɨa. É jɔʼ bɨn bé ósa no e, bɨn bé ódwiibɨ nye é mbi nye ógwɨm ɨ, é mɨsisim min.

Éfɛsɔs 4:1

Ebe no, mɛm, mʉr ndɨ mbʉʼ é zyɛŋa wɔɔ boo Da Yesʉs ɨ, me ejwɨʼla e bɨn ó, bɨn kœʼœ mbɨambɨa ebò e cyen Zyɛm a lɛɛ bɨn ó, bɨn kœʼœ œ.

Rôm 7:23

To kœb ó, me ebee é bɨpeh bɨ nyʉl wam ó, yé e lʉʉ etie lé elwimla e l'etie lé eduho é mɨpɛhla mɨ leme wam ɨ. Syem ndɨ é me e, wé ó lé entaa ocyoo wam, me ntɔʼ lihba elʉa mo Syem ndɨ me é bɨfum bɨ nyʉl ɨ.

Mɨlʉmlʉ 15:29

Diʼe ga é l'ecyooŋʉ, lé esyɛhle lɔb ede tir a bàŋɔ é mpah bé ndɨ edwiibɨ ozyɛm bé a dɨ kpaʼ ɛ, lɔb ede motié, lɔb ede tir a baasyɛhɔ twii, motié pʉʼa ɛ, ndwe e lɔb esa bɨmala e mɨfyɛba. ǃBɨn si baʼle monyʉl mɨn mbɨmbɨa é mbi wiʼ nɛʼɛ, lɛɛ ó, bɨn bé ókʉ gʉa esa syɛɛla ndɨ é mbɨa ɛ. Diʼe ga mbɨmbɨa.

Lʉkas 21:34

«Diʼe ga ncye! Monyʉl mɨn, mé amu jaa cyɛʼ ebe mpwaʼ edɨɨ ndwe e mpur monwoʼ, nkʉ ebe mɨpɛhla mɨ tiʼ si nwa. Esie e mbi jɔʼ yi, lé amu jaa pyal bɨn motwɨra, mpʉ tir lé etwɨra é jɔʼ nyi bil é syɛm ɨ.

1 Pyɛr 1:17

É mpʉ bɨn lé esa Zyɛm mɨnjwɨʼla, ndwe le emɛʼle ó, nye etiʼe bʉr mɨlɔb, abe lé edwaabe bʉr é lɔb mompom mɔɔ, le egʉa ó, nye esa no lé edu mpʉ bɨsyɛɛla byɔɔ, byé a be e, gʉŋa ga nteme ó, bɨn bé ejala le elɛŋ tiʼ yin lé ekœʼ ebò e cyen lé elɛʼle ó, bɨn bé edwaabe nteme nye e. Dɨʼe sa ga no cye yiyɛh bɨn dina kʉ ɨ.

2 Korɛnt 6:1

No ó, mpʉ bɨh lé esea e Zyɛm syɛɛ gwar yaa ɛ, no nteme ó bɨh lé ejwɨʼla e bɨn ó, é mpʉ Zyɛm mu si lɛʼle bɨn ncwɨncwɨa no e, abi ga ncwɨncwɨa waa mbɛh,

2 Korɛnt 5:20

Ebe no ó bɨh ndɨ mɨlʉmlʉ mo Krɨst ɨ. É jɔʼ bɨh lé ejebe bɨn ɨ, yé ó mpʉ sa lɛɛ ó, Zyɛm nye mʉr tɨʼ ó ndɨ ejebe bɨn. Ebe no ó bɨh lé ejwɨʼla e bɨn é zyɛŋa wih boo Krɨst ó, mɛʼla ga ó, bɨn diʼe baa Zyɛm a de mpʉn e be e!

Mɨlʉmlʉ 15:20

Bɨna tila ga yɛɛ kalara ó, bé ejala le edi é l'ecyooŋʉ, lé esyɛhle mɨlɔb mɨnâ mi: lɔb ede tir a bàŋɔ é mpah bé ndɨ edwiibɨ bɨbaŋabaŋa bɨdweʼle e, lɔb esa bɨmala e mɨfyɛba, lɔb ede tir a baasyɛhɔ twii, motié pʉʼa ɛ, ndwe e lɔb ede motié.

1 Pyɛr 1:1

Mɛm, Pyɛr, lʉmlʉ mo Yesʉs-Krɨst ó lé etile bɨn kalara nwa. Me etile ó, bʉr o Zyɛm a pɛh, baa mu ojyoo, mu si myɛʼa, jala lal Pɔŋtos bé e waa Galat, e waa Kapadosia, ndwe e waa Azia, ka kɛl waa Bitini ɨ.

Éfɛsɔs 2:19

Ebe no, bɨn bé aka be mɨndìndìl nkʉ mɨngbaalaŋa. Bɨn mu ó bʉr mo Zyɛm jwɨʼ gwar e gwar e mɨsaŋ mɨ bʉr be. Bɨn e boo nɔɔ, bé mu ó bʉr o mbɛr bʉr mo Zyɛm.

Ebrœ̂ 6:9

Obɨɔ o kpɛl bam aa! Bɨh dam lwib no, mɨ kʉ gʉa é lɔb win ó, sa ndɨ é mbɨa, laa bɨkɔ́ɔlʉ le mosyomlʉ ndwe e modiʼe e, yé ó bɨn zi dolo. Sa yaa, yé ó mpaŋ tiʼ molu mo mpoʼ mɨmɛh.

1 Pyɛr 4:12

Obɨɔ o kpɛl bam aa! Atwɨra ga é jɔʼ bɨn mu lé esia e mobʉbla é nyan nyan ɨ. Mɨtuu myaa ó ndɨ epyal-pyal bɨna ga bɨbɛh.

2 Pyɛr 3:1

Obɨɔ o kpɛl bam aa! Kalara mba me lé etile bɨn ó nwa. Me etile-tile bɨn no ó, me nkʉʼ jɨm bɨn bɨtoŋla, bɨn nkʉʼ pahle-pahle bye é mɨleme ndɨ abe mbaʼra e bɨkʉʉŋʉ ɨ.