1 Pyɛr 2:1 - Kálara Zyɛ̌m Edwán é mpʉ̌n

¹ Ebe no, myaha ga bɨsyɛɛla biʼ bibyɛh: bɨn, e bɨlwib bɨkʉʉŋʉ, e bɨlwib bɨba bɨba, e zii ndwe e mɨmbi movoʼ mimyɛh.

Kálar Nzyɛ̌m : Ejwán é Sáá

¹ Myahaa gá bé bisyɛ́ɛla bîʼ bíbyɛ̂h: ebébe é léme, mimbi mímyɛ̂h, bilwǐb míkóo, mimbi mímyɛ̂h, bilwǐb bíbá bíbá, nzwíí ti e mesyɛ́ɛla mimbi mímyɛ̂h.

1 Pyɛr 2:1 ပူးပေါင်းရင်းမြစ်များ

Éfɛsɔs 4:31

Pɛʼɛ ga edwie e leme e l'empime é mɨleme min. Adi ga okpɔɔ, e bʉr o montɛɛ ndwe e baanya-movoʼ. Pɛʼɛ ga mobebe mɨmɛh.

Jacques 1:21

Diʼe ga bʉr o ndɨ é cyɛʼ mɨnjwɨr ɨ. Pɛʼɛ ga ebɨ-leme ndwe e bɨsyɛɛla bibyɛh ndɨ elœʼ bɨn é mih mo Zyɛm ɨ. Yé ó, é laŋle buo! ǃBɨn si sa no nɛʼɛ, bɨn bé ógʉa nʉa lwib ocyecye Zyɛm a ntɨh é mɨleme min tʉŋlʉ ɨ. Lwib ye yaa ó ndɨ e nkul edwe bɨn tiʼ molu mo mpoʼ mɨmɛh.

Jacques 4:11

Obɨɔ ga bam aa! Mʉr asa ga movoʼ paʼra win. Waa nyiwɛh lé efœʼ mɨɔ we, nkʉ dwe nye mobe e, nye mu ó mpʉ sa lɛɛ, nyi bee etie mo Zyɛm e bɨgwɨh. Mbi mʉr waa, nye aka be lé edu motie me. Nye mu lé ejwɨʼ ó, nye ó mbɨra kʉ, motie mɛɛ lé eliʼ si.

1 Pyɛr 3:10

Ebe, yé ó tila ó: «Mʉr nyiwɛh lé egwɨm tiʼe mbɨmbɨa ndwe le ebee molu mo embɨa ɛ, nye beʼ l'alɛɛ sa ndɨ é bebe e. Nye gwaʼa bɨlwib bɨkʉʉŋʉ.

1 Pyɛr 4:4

Bʉr o ndɨ abuʼla onɨ, bé mu ó lé ekʉ jehe lé ebee ó, bɨn e boo nɔɔ, bé aka lɔʼba lé enyʉl monwoʼ, le edaʼre fwon é monyʉl mpʉ bɨn e boo nɔɔ, bé a sa-sa ɛ. Bé mu ó lé elwɨɨ bɨn tɨ.

1 Pyɛr 4:2

Mbi mʉr waa, wé óka tiʼe-tiʼe é si nwaʼ ó, njɨ lé eloŋlo gwɨma mo Zyɛm. É jɔʼ nye dina mʉr si nwaʼ ɛ, nye ákwoʼ ka loŋlo bɨgwɨma bɨ nyʉl bɨpuno.

Jacques 5:9

Obɨɔ ga bam aa! Asa ga bɨpura paʼra win, ebe, Zyɛm nkʉʼ be, atiʼe bɨn lɔb tɨ. Tiʼà mɨlɔb ga wina mu ó kunokuno le epyal!

Ebrœ̂ 12:1

É paʼ ga wina, bɨna ga bé ó é sama bʉr baa tʉŋlʉ. Bé ebʉmra bɨna ga é nka, lé eboʼlo lɔɔ Zyɛm. Mpʉ bɨna ga ndɨ no e, gʉa ó, bɨna bé ejala le eliʼe ga mɨmbeʼ modile mimyɛh pihe, ndwe e mɨsyem ndɨ ejɨ kwable bɨna ga ɛ, mimyɛh. Bɨna dihba ga lé esa jwɨʼla mɨkam mokʉ, to pyal é njɨ Zyɛm a tulo e.

1 Timotɛ 3:11

Bʉba bɔɔ nteme, bé ejala le ebe ó e modile, abe lé efœʼ bʉr. Bé ajala le efwaʼ monwoʼ. Bé ejala le ebe ó bʉr be ebuʼla é mɨpaʼ mimyɛh.

1 Pyɛr 2:22

«Nye a baasa syem. Nʉm we, wé a baapyɛl bɨlwib bɨkʉʉŋʉ.»

Títos 2:3

Lɛŋɨ mɨsile mɨ bʉba jwɨʼ gwar ó, bé kœʼœ mbi ebò e cyen ndɨ ejala e mʉr lé edwaabe Zyɛm ɨ. Bé l'ayi fœʼ bʉʉ bʉr. Bé l'ayi bɛble monwoʼ, nkʉ di molʉa mo tɨ. Bé dweʼ bʉr mɨmpaŋ motɨɨ.

1 Korɛnt 14:20

Obɨɔ ga bam aa! Daʼ pahle ga mpʉ bwɔɔncyom! Diʼe ga mpʉ bwɔɔncyom é nko paʼ ebɨ-leme. Sa gwar, é nko paʼ mɨpɛhla min, biʼe ga pɨʼ otamabʉr,

Rôm 1:29

Bé efwahle bɨsyɛɛla bibyɛh ndɨ ozyɛhozyɛh ɛ. Byé ó: jeele e laŋ, bɨgwɨma, bɨn, zii, ejwɨɨ e bʉr. Bé esa mpɔʼa monkɔm, bé e bɨkʉʉŋʉ e tíila ndwe e bɨbuʼa,

Lʉkas 6:42

Wáa mbi go ndɨ e nkul elɛɛ e mɨɔ go ó: “Mɨɔ wam, paʼ cyɛb, me pɛʼɛ go mpum ndɨ go é dih ɨ,” gwɔɔ yɛɛ apa bee, nkʉ pɛʼ pehe ndɨ é laa lo dih ɨ? Anya-bɨkʉʉŋʉ nwa, taara pɛʼ pehe ndɨ é dih lo e! É jɔʼ yaa ó go óbee é sʉlʉlʉ, pɛʼ mpum ndɨ mɨɔ go é dih le e.»

Mataos 23:28

Bɨn bʉr o tɨ, é mih mo bʉr, bɨn bé enyin ó, mpʉ ocɨcyel o bʉr. To kœb ó, bɨkʉʉŋʉ ndwe e l'ebebe, byé ó bɨn lwɨŋla é mɨleme.

Mataos 7:5

Anya-bɨkʉʉŋʉ nwa, taara pɛʼ pehe ndɨ é dih lo e! É jɔʼ yaa ó go óbee é sʉlʉlʉ, pɛʼ mpum ndɨ mɨɔ go é dih le e.

2 Korɛnt 12:20

ebe, me ekpɛɛ ó, me amu be, abâʼle bɔma e bɨn lé epyal lam mpʉ me lé egwɨm ɨ. Bɨn bé amu kœb me, abe mpʉ bɨn lé egwɨm ɨ. Yé amu be nteme ó, me kœbɨ bɨn lé esa mpɔʼa monkɔm, zii, mompime, zyee lé efuo bɨdia, movoʼ, mpuʼ, nkɛa nyʉl, le bɨntʉ.

Mɨngwiha 14:5

Bé asa mpʉl. Abe e sa ebebe mʉr a ngbaa nwahle be e tɨ.

1 Pyɛr 2:16

Zyɛm a sa ó, bɨn diʼe é dia otî. É dia otî yin yaa, yé ajala le efuʼla sa bɨn buuro ebɨ-leme lɨn e tɨʼ ɨ. Kœʼœ ga ebò e cyen lé elɛʼle mpʉ bɨn ndɨ molʉa mo Zyɛm ɨ.

Jacques 4:5

Kalara Zyɛm, nye elɛɛ ó: «Sisim Zyɛm a ntɨh bɨna ga ɛ, nye ó é bul mpam e we.» Anyamle toŋlo ga ó, sa Kalara Zyɛm lé elwib ɨ, yé ó mbɛh.

Jacques 3:14

Sa gwar, yé be ó, bɨn bé esiila paʼ win ndwe le esa zyee lé efuo bɨdia nɛʼɛ, adoʼo ga mbɛh e syɛɛla nɨ, nkʉ lɛɛ ó, bɨn ó ndɨ e buʼo, sa ndɨ abe e l'ocyecye e,

1 Tesalonika 2:3

É jɔʼ bɨh bé a baŋle bɨn ɨ, bɨh bé abe asyɛŋ mpaŋla waa e bɨgwìh, nkʉ e sa lé elœʼ mʉr é mih mo Zyɛm ɨ, nkʉ lé ecwɨɨ é mozi bɨkʉʉŋʉ.

1 Korɛnt 5:8

Bɨna l'ayi jeme ga ebʉʼ laa lé ede bler ndɨ e njʉ̌m levure ɨ. Bler yaa, yé ó dweʼle, sa lé elɛʼle ebɨ-leme ndwe e l'ebebe e. Bɨna jema ga ebʉʼ ga lɨna lé ede bler ndɨ ebubɔ, agbaŋɔ levure ɨ. Yiha bler, yé ó lwib ocyecye ndɨ eduho bɨna é mɨmo si ɨ.

Yʉanes 1:47

É jɔʼ Yesʉs a bee Natanaɛl lé eze nko nye a be e, nye ó: «Go bana kʉ be cyecye mʉr Ɨzraɛl, abe e bɨkʉʉŋʉ!»

Lʉkas 11:44

«A vwaʼ e bɨn, ebe, bɨn bé enwɨɨla ó e mofoo ndɨ é barada, aka nyin mobʉm ɨ. Bʉr, bé etibe-tibe mofoo maa ó, bɛɛ l'agʉa.»

Lʉkas 12:1

Lɛŋ ba jɔʼ, ntuntuma bʉr, yé ntɔʼ bâʼle fwal. Bé a be ó otɔɔyin otɔɔyin, baʼ bʉr dɨ tibe bʉʉ mokʉ. Yesʉs, nye le ompʉn be ó: «Diʼe ga ncye e l'oFarizyɛŋ é lɔb levure bé ndɨ e ye e. Yé ó bɨkʉʉŋʉ!

Markus 12:15

Yesʉs a be ó lé egʉa ó, bé a dî e nye ó, tia njɔŋ. No ó nye a dî e be ó: «Bɨn baanya-bɨkʉʉŋʉ ba! Ebe yé bɨn lé ejɨ saa elam me é mbi lwib me óbɨha e bɨn ɨ? Ntaʼ ga me e saŋ denie, me paʼ bee we e mih!»

Mataos 24:51

Nye ókab syɛl mosa waa bɨntɨʼa ó, byaa ndɨ é nyan nyan ɨ, jwɨʼ gwar e gwar e baanya-bɨkʉʉŋʉ, le ecen bɨbɛh é gumo bé ódɨ time le elwaare moje e.»

Mataos 15:7

Bɨn baanya-bɨkʉʉŋʉ ba, gʉŋa ga ó, Ezayi a be ó si kʉ gʉa gwih mɨlɔb min é jɔʼ nye a bɛa lɛɛ ó: