1 Pyɛr 1:8 - Kálara Zyɛ̌m Edwán é mpʉ̌n

⁸ Bɨn bé ekpɛl nye, bɨn l'apa bee yɛɛ nye. Bɨn bé ejyɛʼ taa buʼo yin boo nye, dam be ó bɨn bé apa bee nye, ze pyal é banana. Ebe no ó bɨn ndɨ lwɨŋla e bɨsʉhʉ, é mbi ndɨ ó, mʉr, nye abe e nkul etaŋle bye é lwib ɨ. Bɨn mu ó e kum, duho tɨ.

Kálar Nzyɛ̌m : Ejwán é Sáá

⁸ Bɨ̌n bé lɨ́ ekpɛl nyé, bɨ̌n l'apǎ bee yɨ́ɛ nye. Bɨ̌n bé lɨ́ edyɛ̂ʼwo e né, damá be ó bɨ̌n dína ó, apǎ bee nyê, nzě pyâl ɨ́ báánâ. Ɨ́ tɨ̂, diʼee gá lwɨ́ŋlá e bisʉhʉʉ. Sohaa gá ɨ́ mbi mʉ̂r dí abe e nkul ejwɨʼ, nkʉ̂ lɛ́ɛ byé wɨ́. Kûm, nyě e bɨ̌n tɨ̂.

1 Pyɛr 1:8 ပူးပေါင်းရင်းမြစ်များ

Yʉanes 20:29

Yesʉs, nye e nye ó: «Zê go lé ebuʼla ó, ebe, gɨ bee me ɛ? Mocyɛʼ mo mpom, mé ó e bʉr o ndɨ ebuʼla lɔɔ wam, abeɔ me e.»

2 Korɛnt 5:7

Bɨna bé ebi ga tiʼ molu mo mpoʼ mɨmɛh ó, ebe taa buʼo bɨna lé ejyɛʼ ga boo Krɨst ɨ. Mʉr, nye abi ye ebe ebee e mih me.

Rôm 15:13

No ó, Zyɛm lé egba bʉr mbɛla é mɨleme e, nye cyɛba bɨn é mɨleme, ó bɨn soha é jɔʼ yiyɛh. Mɨleme min, myé loŋla e motala ebe buʼo yin. No ó myé óloŋlo e mbɛla ebe nkul mo Mbɨambɨa Sisim ɨ.

Ebrœ̂ 11:1

Buʼo, yé ó sa go lé ebuʼla ó, yé ósyɛɛ, yɛɛ l'apa syɛɛlɨ ɨ. Buʼo, yé ó sa go lé egʉa ó, yé ó tɨ, go l'apa bee e.

Yʉanes 16:22

Jwɨʼ gwar e gwar yaa, banana, bɨn bɨ joʼo mompime ebe mpɔʼa ga wina. To kœb ó, me óbâʼle bee bɨn. Bɨn bé òjoʼo bɨsʉhʉ. Abe e mʉr óka pɛʼ bɨn bya é mɨleme.

2 Korɛnt 4:18

Bɨh bé agba mɨleme é bɨsa lé enyin ɨ, njɨ é bɨsa ndɨ anyin ɨ, ebe, byaa lé enyin ɨ, byé elaa mpʉ ngul mpaa. To kœb ó, byaa ndɨ anyin ɨ, byɛɛ ó ndɨ edi njʉmdia e njʉmdia.

1 Pyɛr 1:6

Bɨn mu ó lé ekʉ bul soho sa yaa é banana, bɨn yɛɛ lé elɛŋ ba ma jɔʼ lé ebɔma e mɨmbi mobʉbla mimyɛh. Myé ó sa ndɨ eliʼe bɨn é gœʼra-gœʼra e mocyɛʼ mo nyʉl ɨ.

Ebrœ̂ 11:27

É zi buʼo, nye a si duho é lal Egipten, akpɛɛ empime mo njwɨɨbʉr lal. Nye a kʉ cyɛb é mih me ó, é nkʉʼʉ, lé esa mpʉ sa lɛɛ ó, nye a bee-bee e mih me ó Zyɛm, waa ndɨ abe lé enyin ɨ.

1 Pyɛr 2:7

Bɨn bʉr o ndɨ e buʼo yaa ba ɔɔ! Bɨn mu ó lé ebi kum lé eduho boo Zyɛm ɨ. Baa ndɨ abe e buʼo e, bɛɛ, bé ebee nye ó, mpʉ «Ekoʼ ofim o mbɛr bé a pyeh ɨ, lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ.»

Filipi 4:4

Diʼe ga jɔʼ yiyɛh e bɨsʉhʉ ebe zyɛŋa win boo Da Yesʉs. Me ebâʼle lɛɛ ó, soha ga.

1 Pyɛr 5:4

É jɔʼ Kobla bɨntœme nɨnɨ óbâʼle nyin ɨ, nye ópaʼle bɨn syɛɛ yin yaa, le ebœr bɨn mopʉʼlʉ mo duu mɨn. Mé ódi-di ó, njɨ é ncyɛn-nti-ncyɛn, akuna-kuna.

Éfɛsɔs 6:24

Mocyɛʼ mo mpom mo Zyɛm, mé swɨŋɨ é mʉr nyiwɛh lé ekpɛl Tî ga wina Yesʉs-Krɨst kpɛl apurapura ɛ.

Filipi 1:25

Mɨ kʉ gʉa no, ndwe le egʉa nteme ó, me óto le etiʼe. Bɨna bé ódi ga é tiʼ. Yé óbe bɨn e nyɔm ó, bɨn toʼ dolo lé esoho é buʼo.

Rôm 14:17

Jwɨ̀ʼa mo Zyɛm, yé abul dwɛʼ lɔb ede le enyʉl. Yé ó jwɨ̀ʼa ocɨcyel, motala, ndwe e bɨsʉhʉ bɨna lé ebi ga é zi mo Mbɨambɨa Sisim ɨ.

Yʉanes 14:24

Mʉr ndɨ akpɛl me e, nye adu mokan me lé elɛɛ ɛ. Sa bɨn lé ejoʼo me lé elɛɛ nɨ, yé abe lɔɔ wam. Yé eduho ó boo Sɔŋ wam, mʉr a ntɨh me e.

Yʉanes 8:42

Yesʉs, nye e be ó: «Nkʉ Zyɛm a be ó be, be Sɔŋ win cyecye nɛʼɛ, mpa bɨn mu ó si kpɛl me, ebe, me a duho ó boo Zyɛm waa. No yaa ó me ndɨ wâʼ ɛ. Me a baaze kaʼ é gwɨma yam me mʉr tɨ, njɨ ebe gwɨma mo mʉr a lomo me e.

Filipi 3:3

Bɨna ga bɛɛ ó ndɨ e mpaŋ sɛa mpʉn. Bɨna ga ó lé edwiibɨ Zyɛm é zi Sisim we. Bɨna bé edoʼo ga ó, njɨ e lɔb mo Yesʉs-Krɨst. Bɨna bé ajyɛʼ ga taa buʼo yina é bɨpuno ga bina.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

2 Korɛnt 12:4

—É mpʉ nye a bɨnɔ, to pyal Paradis ɨ, no ó nye a joʼo mɨlɔb ndɨ abe e nkul elwibɔ ɛ. Yé mpene ó, mʉr alwib mɨlɔb myaa.

2 Korɛnt 9:15

Bɨna dweʼ ga Zyɛm ekiba é lɔb etʉm nye a ntɨh bɨna ga ɛ. Mombɨa ndɨ tɨʼ ɨ, mé abe e tolɔɔ.

2 Korɛnt 1:22

Nye nteme ó b'a ntɨh bɨna ga Mbɨambɨa Sisim. Naa yé ó, nyi gba mɨsisim ga mina luʼ, ntɔʼ ŋmɛh luʼ waa e sitam. Mojwɨʼ nye a gba é bɨna no e, mé ó dweʼle ndwe e bɛn, sa lé elɛʼle ó, nyi dwe bɨna ga tiʼ molu mo mpoʼ mɨmɛh ɛ.

Mɨlʉmlʉ 16:34

No ó nye a baʼle Pol bé e Silas, é mbɛr we, lé edwe be mode. Leme we, wé a si loŋlo e bɨsʉhʉ, bé e mbɛr bʉr we wiwɛh, ebe, bé a si jyɛʼ taa buʼo yɔɔ boo Zyɛm.

Yʉanes 14:21

«Mʉr lé ebaʼle mɨtiila myam le edu mye e, nye ó ndɨ ekpɛl me. Waa nyiwɛh ndɨ ekpɛl me e, nye ó waa Sɔŋ wam ókpɛl ɨ. Me nteme ókpɛl nye. Me ópyal boo nye.»

Yʉanes 14:15

«ǃBɨn si kpɛl me nɛʼɛ, bɨn nteme, bé ódu mɨtiila me lé etiile bɨn ɨ.

Mataos 10:37

«Waa lé ekpɛl sɔŋ, nkʉ nyɔŋ, laa bim nye ndɨ ekpɛl me e, nye é dwɛhba, ajala e me. Waa lé ekpɛl ma soho we, nkʉ sile we, laa bim nye ndɨ ekpɛl me e, nye é dwɛhba. Nye ajala e me.

1 Korɛnt 16:22

ǃƗ mʉr bé akpɛl Da Yesʉs nɛʼɛ, Zyɛm káala nye. Da, ntaʼ!

Éfɛsɔs 3:19

Me ejwɨʼla nteme e Zyɛm ó, bɨn gʉŋa mpwaʼ kpɛl mo Krɨst lé elaa sa yiyɛh bɨna ndɨ e nkul egʉa ga ɛ, to pyal é jɔʼ Zyɛm óbe si loŋlo bɨn mpʉ mo nye, mʉr ndɨ lwɨŋla ɛ.