1 Pyɛr 1:6 - Kálara Zyɛ̌m Edwán é mpʉ̌n

⁶ Bɨn mu ó lé ekʉ bul soho sa yaa é banana, bɨn yɛɛ lé elɛŋ ba ma jɔʼ lé ebɔma e mɨmbi mobʉbla mimyɛh. Myé ó sa ndɨ eliʼe bɨn é gœʼra-gœʼra e mocyɛʼ mo nyʉl ɨ.

Kálar Nzyɛ̌m : Ejwán é Sáá

⁶ Bɨ̌n mû ó lɨ́ ekʉ́ buú sohǒ sâ yaá ɨ́ báánâ, damá jóʼo bɨ́n dína lɨ́ elɛŋ bá mâ jɔʼ lɨ́ esia e mitúú e mindɛ̌l, duho ɨ́ mebʉ́blá bé dí ebóblo bɨ́n mimbi mimbi má.

1 Pyɛr 1:6 ပူးပေါင်းရင်းမြစ်များ

Jacques 1:2

Obɨɔ ga bam aa! É jɔʼ bɨn bé ebɔma e mobʉbla mɨmbi mimyɛh ɛ, bɨn bé à gʉa ó, yé ó bɨn jɔʼ bɨsʉhʉ,

1 Pyɛr 5:10

Zyɛm, nye ó mʉr lé elɛʼle bɨna ga ncwɨncwɨa we é bɨjɔʼ bibyɛh ɛ. Nye nteme ó b'a jebe bɨna ga ó, bɨna toʼ, to di ga é moncɛnba me é zi mo Krɨst. Moncɛnba maa, mé ódi njʉmdia e njʉmdia. ǃBɨn si sia e mɨtuu, tɔɔ ba ma peh jɔʼ nɛʼɛ, Zyɛm óbâʼle komlo bɨn. Nye cyelɨ bɨn mokʉ si é kpɨɨɨ. Nye bâʼla gba bɨn nkul é monyʉl. Nye fuma bɨn si é piʼi.

Rôm 12:12

Diʼe ga e bɨsʉhʉ ebe mbɛla ndɨ bɨn lwɨŋla é mɨleme e. Dihba ga mɨtuu e mɨndɛl. Gbaʼ ga monyʉl lé esa mɨnjwɨʼla.

Rôm 5:2

Yesʉs-Krɨst ó b'a kar zi é l'efu ó, Zyɛm nkʉʼ lɛʼle bɨna ga ncwɨncwɨa we. Bɨna mu ó lé ebi ga ncwɨncwɨa waa ó, é zi buʼo ga yina, lé ekʉ mɨɨla e mbɛla mu lé eloŋlo mɨleme ga mina ɛ. Bɨna bé ga e mbɛla é mɨleme ó, bɨna bé ópyal ga é dia kum mo Zyɛm.

Mataos 5:12

Soha ga! Mɨɨla ga, ebe, myɛna monɨnɨ le embɨa, byé ebono bɨn é jobo kʉ, ebe, bé ó b'a tíile nteme ogwiha o mɨlɔb bé a taare pyal e bɨn ɨ.»

Yʉanes 16:33

Me elɛɛ bɨn mɨlɔb mɨnɨ ó, bɨn nkʉʼ di é zyɛŋa ga wina, bɨn nkʉʼ di é motala. Bɨn bé ósia e mɨtuu lé edi é bebebebe si nwa. Dam be no, tʉmɨ ga monyʉl. Mɛm, mɨ ntaa nye é nkul!»

Yʉanes 16:22

Jwɨʼ gwar e gwar yaa, banana, bɨn bɨ joʼo mompime ebe mpɔʼa ga wina. To kœb ó, me óbâʼle bee bɨn. Bɨn bé òjoʼo bɨsʉhʉ. Abe e mʉr óka pɛʼ bɨn bya é mɨleme.

Mataos 11:28

«Ntaʼ ga boo me, bʉr bɨbɛh mu si cyɛʼ lé enkɛɛ bɨdiledile mɨmbeʼ e. Me ódwe bɨn egbala.

Rôm 5:11

Yé abe njɨ no, yé ome: bɨna mu lé emɨɨla ga nteme ó, dumo e Tî ga wina Yesʉs-Krɨst, é zyɛŋa ga wina boo Zyɛm. Nye ó b'a sa sàa paʼra ga wina boo Zyɛm é jɔʼ yi.

Mɨlʉmlʉ 14:22

Bé ze dwe ompʉn molele é mɨsisim, ndwe le etɨe be ó, bé toʼ dolo lé edu zi buʼo yɔɔ. Bé e be ó: «Yé é zi buobuo mokɔbla ó bɨna lé ekʉ jala le eni é jwɨ̀ʼa mo Zyɛm.»

Lʉkas 10:20

Sa gwar, abul soho ga ebe bɨbɨbla mɨsisim, byé esa bɨn mojoʼo. Kʉ bul soho ga yɛɛ njɨ, ebe, mie mɨn, mé mu ó mɨtila é jobo kʉ.»

1 Pyɛr 4:7

Efuʼla e bɨsa bibyɛh, lé mu ó kunokuno le epyal. Ebe no, pahla ga mɨlɔb mpʉ mɨpɨpɨʼ. Mɛrɨ ga mɨleme é l'efu ó, bɨn nkʉʼ gʉa sa mɨnjwɨʼla.

Jacques 4:9

Bɨn bé ejala le edi ó e l'empime, jɨŋɔ modwe, myɛɛle é mih é puba-puba. Siila ga bɨdwo bin e modwe. Siila ga bɨsʉhʉ bin e mompime.

2 Korɛnt 4:17

ebe, bwa o mɨtuu mɨ apyɛbpyɛb bɨh lé ebee é bananaʼ ɛ, myé elaa mpʉ ngul mpaa. Mɨtuu myaa, myé ó sa lé esa ó, bɨh biʼe buobuo kum ódi njʉmdia e njʉmdia ɛ.

Jacques 1:9

Mɨɔ wina é mbɛr Zyɛm ndɨ é l'enteʼe e, nye ejala le edoʼo e dia nɨnɨ Zyɛm a cyel nye tɨʼ ɨ.

Filipi 3:3

Bɨna ga bɛɛ ó ndɨ e mpaŋ sɛa mpʉn. Bɨna ga ó lé edwiibɨ Zyɛm é zi Sisim we. Bɨna bé edoʼo ga ó, njɨ e lɔb mo Yesʉs-Krɨst. Bɨna bé ajyɛʼ ga taa buʼo yina é bɨpuno ga bina.

2 Korɛnt 6:10

é jɔʼ bé sa ó, bɨh liʼɨ é gœʼra-gœʼra e mocyɛʼ mo nyʉl ɨ, bɨh bé eto dolo lé esoho é jɔʼ yiyɛh, é jɔʼ bɨh ndɨ é l'enteʼe, bɨh bɛɛ lé ekab buobuo bʉr mopoʼ e, é jɔʼ bɨh ndɨ é l'enteʼe e, bɨh bɛɛ yɛɛ lé entuʼba ɛ.

1 Tesalonika 1:6

Bɨn ntɔʼ nʉa dweʼle tiʼ yih, le yaa mo Da Yesʉs. Bɨn bé a si buʼla lɔɔ Zyɛm, dam be é mɨtuu bɨn bé a sia e mye e. Mbɨambɨa Sisim a be ó si loŋlo mɨleme min e bɨsʉhʉ, dam be mɨtuu min myaa.

Filipi 4:4

Diʼe ga jɔʼ yiyɛh e bɨsʉhʉ ebe zyɛŋa win boo Da Yesʉs. Me ebâʼle lɛɛ ó, soha ga.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

Rôm 9:2

Leme wam, wé ó lwɨŋla e l'empime. Wé nteme, wé ekpaa me é jɔʼ yiyɛh.

Filipi 2:26

Nye ekpɛl bee bɨn bɨbɛh. Nye a be nteme ó, lé esyɛl ba e bɨn, tiibe e mɨlɔɔ mɨ esyɛb le bɨn bé a joʼo e.

Lʉkas 2:10

No ó engles a ze lɛɛ e be ó: «Ajoʼo ga bʉa. Mbe ga: mɨ ze bɨn e Mbɨambɨa Lɔɔ! Bʉr o kul yin, bɨbɛh, bé óbul soho we.

Lʉkas 1:47

Leme wam, wé ó lwɨŋla e bɨsʉhʉ, ebe Zyɛm, Tiʼbʉr wam,

Mataos 26:37

No ó nye a ze jebe Pyɛr ndwe e bwan mo Zebede oba, bé e boo nɔɔ ntɔʼ to. Nyʉl mo Yesʉs ntɔʼ bil myoo. Nye ze taare lé esyɛl ba e nye mʉr tɨ.

1 Pyɛr 3:17

ǃƗ Zyɛm si gwɨm ó, nye kab ó go tuu nɛʼɛ, yé é bul mbɨa é nko paʼ go ó, go sia e tuu waa, duho é bɨsyɛɛla bɨ ncwɨncwɨa byo, byaa bʉr lé ebene e, abe ó, go sia e tuu waa duho é yʉʉ syɛɛla ebebe yo e.