1 Pyɛr 1:23 - Kálara Zyɛ̌m Edwán é mpʉ̌n

²³ No ó, bɨn mu ó si bâʼle byɛl. Bɨn bé a baabyɛl ebe mpœʼ ndɨ e nkul ebo e. Mpœʼ yé a sa ó, bɨn byɛlɨ ɨ, yé ó mpœʼ ndɨ abe e nkul ebo e. Mpœʼ yaa, yé ó lwib mo Zyɛm. Yé ekubla bɨn é mɨleme. Abe e yʉʉ jɔʼ yé ópʉʼa tɨ.

Kálar Nzyɛ̌m : Ejwán é Sáá

²³ Nó, bɨ̌n mû ó sí báʼǎ byɛ̂l. Mpeʼ yé á beŋɔɔ ɨ́ milémé mín yɨ́, yé abě sá dí e nkul ebo yɨ́; yé ó lwǐb mé Nzyɛ̌m dí edǐ njʉ̌m dǐ e njʉ̌m dǐ yɨ́. Mpeʼ yé á beŋɔɔ ɨ́ bɨ̌n yɨ́, yé jaá di ó diʼée, acénecene.

1 Pyɛr 1:23 ပူးပေါင်းရင်းမြစ်များ

1 Pyɛr 1:3

Bɨna gumla ga Zyɛm Sɔŋ mo Tî ga wina Yesʉs-Krɨst. Nyi bul jwɨʼ bɨna ga nkoo, ntɔʼ dwe bɨna ga nkul ebyɛl jɔʼ mba é l'efu ó, mɨleme ga mina, myé diʼe lwɨŋla e mbɛla. Mbɛla waa, wé ekubla é mɨleme ga mina. Wé eduho ó, é nkul pɛ̀ha nye a pɛ̀h Yesʉs-Krɨst é foo e.

Ebrœ̂ 4:12

Lwib mo Zyɛm, yé ó sa ndɨ kublakubla ɛ. Yé ó e nkul. Yé nteme, yé é bɛbla, laa fòŋ ndɨ njèba mii mɨpaʼ mɨmba ɛ. É jɔʼ Zyɛm lé elwib ɨ, lwib ye, yé ekʉ bana syɛh mɨsʉn, to pyal é mobɨl, ntɔʼ pin bɨpeh bɨ nyʉl e mobʉo. Yé ekpahla gumo leme ndwe e sisim lé edira ɛ. Yé epahle le egba mbɛʼ paʼra mɨpɛhla ndwe e bɨjwɨʼ ga bina.

Yʉanes 3:3

Yesʉs, nye e nye ó: «Me elɛɛ go cyecye ó nɛɛ: ǃɨ mʉr si be, abâʼle byɛl nɛʼɛ, nye abe e nkul ebee Jwɨ̀ʼa mo Zyɛm.»

Yʉanes 1:13

Bé a baabyɛl bwan mo Zyɛm é zi bɨpuno, nkʉ é gwɨma bɨpuno byɔɔ, nkʉ ebe gwɨma mo mʉrʉm. Bé a byɛl ó byɛlɨ no, ebe gwɨma mo Zyɛm.

Yʉanes 6:63

Mbɨambɨa Sisim ó ndɨ edwe bʉr tiʼ molu mo mpoʼ mɨmɛh. Mʉr ákwoʼ dira nyɔm e bɨsyɛɛla bɨ nyʉl bɨpuno. Bɨlwib me lé elwib e bɨn bi, byé eduho ó boo Mbɨambɨa Sisim. Byé nteme, byé ó lé edwe bɨn tiʼ molu mo mpoʼ mɨmɛh.

1 Yʉanes 5:18

Bɨna bé egʉa ga ó, mʉr nyiwɛh mu mbyɛla é zi nkul mo Zyɛm ɨ, nye ákwoʼ ka to dolo lé esa syem. Mwan Zyɛm Sɔŋ a bya ɛ, nye ekamle e mbi mʉr waa. Ebe no, abe e sa gwar Bɨbla-mʉr ndɨ e nkul esa nye.

Jacques 1:18

Nye mʉr tɨʼ ó b'a bya bɨna ga é zi gwɨma ye. Nye a sa no ó, é jɔʼ nye a lɛʼle bɨna ga lwib ye ndɨ cyecye e, bɨna ntɔʼ buʼla ga ye. Ebe no, é nko paʼ mɨcyea bɨsa bibyɛh, bɨna ga ó ndɨ mpʉ tom nye a pɛʼ é peme ye e.

Yʉanes 3:5

Yesʉs, nye e nye ó: «Me elɛɛ go cyecye ó nɛɛ: ǃɨ mʉr si be, apa byɛl mbyɛla modibe e waa Sisim nɛʼɛ, gʉŋa ó, mʉr waa, nye ákwoʼ ni é jwɨ̀ʼa mo Zyɛm.

Mataos 24:35

Kʉ e si, byé ólaa; mɨlɔb myam myɛɛ, myé ódi njʉmdia e njʉmdia.»

1 Yʉanes 3:9

Mʉr nyiwɛh ndɨ mbyɛla é zi nkul mo Zyɛm ɨ, nye abe e nkul eto dolo lé esa mɨsyem, ebe, tiʼ lé eduho boo Zyɛm ɨ, yé ó é nye tʉŋlʉ. Nye abe e nkul eto dolo lé esa mɨsyem, ebe, nye a byɛl ó, é zi nkul mo Zyɛm.

1 Pyɛr 1:25

Lwib mo Da yɛɛ ó njʉmdia e njʉmdia.» To kœb ó, lwib yaa, yé ó Mbɨambɨa Lɔɔ bé a lɛɛ bɨn ɨ!

Yʉanes 1:3

Zyɛm a cye sa yiyɛh ó, é zi mo Lwib. Abe e yʉʉ sɔʼɔ yé a syɛɛ, Lwib abe.

Rôm 1:23

Laa ó, bé dwiibɨ Zyɛm, waa ndɨ abe e nkul edwè e, bé a fuo mɛʼle yɛɛ ó, bé dwiibɨ njɨ bɨbaŋabaŋa bɨdweʼle ndɨ mɨkpɛʼa ɛ. Bé a kpaʼ bɨsa byaa ó, lé edweʼle bʉr o ndɨ edwè-dwè e, bé e bɨnɔn, otir o mopɔrʉ, otir o motɔrʉ, nkʉ onyʉa.

Lʉkas 8:11

«Kɨkɛna nɨ, yé elɛɛ ó é mbi wi: Mpœʼ, yé ó lɔɔ Zyɛm.