1 Pyɛr 1:21 - Kálara Zyɛ̌m Edwán é mpʉ̌n

²¹ Krɨst ó b'a sa ó, bɨn jyɛʼɛ taa buʼo yin boo Zyɛm, waa a pɛ̀h nye é foo, waa a dwiibɨ nye nteme e. Ebe no ó buʼo yin ndwe e mbɛla win lé etiibe njɨ e Zyɛm ɨ.

Kálar Nzyɛ̌m : Ejwán é Sáá

²¹ Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.

1 Pyɛr 1:21 ပူးပေါင်းရင်းမြစ်များ

Mɨlʉmlʉ 2:24

Zyɛm ze pɛ̀h nye é foo, pɛʼ nye é mokpaa mo efie, ebe, efie, lé a baabe e nkul mɛr nye é bɛabɛa,

Ebrœ̂ 2:9

Sa bɨna lé ekʉ gʉa bee ga ɛ, yé ó: é ma peh jɔʼ, Zyɛm a si taare fil Yesʉs si, beengles laa nye ba é duu. Pie tɨ, nyi ka bœr nye epʉʼlʉ é lʉ, le edwe nye kum ndwe e duu, ebe, nye a si sia e mɨtuu, ntɔʼ dwè. Sa nɨ yiyɛh é l'efu ó, Zyɛm lɛʼla bʉr bɨbɛh ncwɨncwɨa, lé esa ó, Yesʉs jala e be.

Yʉanes 12:44

Yesʉs ze tuno ó: «Mʉr lé ejyɛʼ taa buʼo ye boo me e, nye ajyɛʼ ye njɨ boo me ɔɔ! Nye ejyɛʼ ye nteme ó boo mʉr a ntɨh me nwa ɔɔ!

1 Pyɛr 3:22

Nye a si bere é jobo kʉ. Nye mu ó é mbo ejʉm mo Zyɛm Sɔŋ, gumo nye lé ejwɨʼ beengles, le mɨsisim ndɨ e mojwɨ̀ʼa ndwe e myaa ndɨ e nkul ɨ.

1 Pyɛr 1:11

Bé a be ó lé egwɨm gʉa mʉr Sisim mo Krɨst a lwib-lwib é lʉ we e, le jɔʼ mʉr waa óbɛm byɛl ɨ. Mbɨambɨa Sisim a boʼlo, tiibe e Lœma mulo mo Zyɛm ó, nye a jala ó, le esia e mɨtuu, ntɔʼ ni é kum we, pie tɨ. Nye a boʼlo no ó, bɨsyɛɛla bɨ tɨʼ apa syɛɛlɨ.

Ebrœ̂ 7:25

Ebe no, bʉr o ngo dihle kunokuno e Zyɛm dumo e nye e, nye e nkul edwe be tiʼ molu mo mpoʼ mɨmɛh. Nye ekʉ pɛʼ mobebe mɔɔ mɨmɛh. Mpʉ nye lé edi njʉmdia e njʉmdia ɛ, no nteme ó nye ndɨ e nkul esa Zyɛm mɨnjwɨʼla é l'efu lɔɔ é jɔʼ yiyɛh ɛ.

Éfɛsɔs 1:15

Me a si joʼo mpʉ bɨn ndɨ ejyɛʼ taa buʼo yin boo Da Yesʉs le ekpɛl mɨsaŋ mɨ bʉr mo Zyɛm mimyɛh ɛ. Taare é jɔʼ me a joʼo no e,

1 Timotɛ 1:1

Mɛm Pol lʉmlʉ mo Yesʉs-Krɨst, ó lé etile go kalara nwa. Zyɛm, Tiʼbʉr ga wina, bé e Yesʉs-Krɨst, waa lé egba bɨna ga mbɛla é mɨleme e, bé ó b'a nʉa tiʼa ó, me diʼe lʉmlʉ.

Kolosi 1:27

Zyɛm a be ó si bà jwɨʼ ndɨ e buobuo nyɔm é l'efu lɨn, bʉr o ndɨ abe oYʉden ɨ. Nye a be ó si gwih lwib odim ye ó, lé elɛʼle bʉr be ya. Nye a be si gwɨm ó, bé gʉŋa ye é kpɛhla. Lwib odim yaa, yé ó yi: Krɨst, nye mu ó é bɨn nteme! Mɨleme min, mi loŋlo e mbɛla ó, bɨn bé óbi kum tɨ.

Rôm 10:9

Yé ó tila é Kalara Zyɛm ó: go óbi tiʼ molu mo mpoʼ mɨmɛh nkʉ go ólɛɛ é nʉm go ó: «Yesʉs ó ndɨ Njwɨɨ» le ebuʼla é leme go tʉŋlʉ ó, Zyɛm a si pɛ̀h nye é foo,

Rôm 4:24

Mé a tilɔ nteme ó, é l'efu ga lɨna, bʉr o b'a jyɛʼ ga taa buʼo yina boo Zyɛm ɨ. Zyɛm, mʉr a pɛ̀h Tî ga wina Yesʉs é foo e, ónʉa bɨna ga ó, mpʉ ocɨcyel o bʉr.

Mɨlʉmlʉ 4:10

bɨn bɨbɛh le bwa b'Ɨzraɛl bɨbɛh, gʉŋa ga be ó, mʉr bɨn lé ebee lé ecyɛb cɨcyel nwa, nye mu mbɨmbɨa ó, é nkul die mo Yesʉs-Krɨst, mʉr Nazarɛt, waa bɨn bé a bomlo e mosen, bɨnɔ nye é klos kʉ ɨ. To kœb ó, Zyɛm a si pɛ̀h nye é foo!

Mɨlʉmlʉ 3:15

Bɨn ó b'a jʉ Etin e tiʼ; Zyɛm nyɛɛ ntɔʼ pɛ̀h nye é foo. Bɨh ó ndɨ eliʼ boʼlo lɔb waa.

Mɨlʉmlʉ 3:13

Nyi tiʼɔ mpʉnʉ ó, ebe Zyɛm mo Abraham, e Ɨzak ndwe e Yakɔb ndwe e bɨmpam ga bɨna. Nyɛɛ be ó si kpɛl ó, nye dwiibɨ syɛl mosa we Yesʉs. Bɨn bɛɛ, bé a si kɛha nye, ntɛŋɔ nye é mobo mo Pilat ó, nye jʉʼo nye. Bɨn bé a kɛha nye no ó, Pilat, nye osi tiʼe é leme we ó, nye bir ó nye.

Yʉanes 17:1

É jɔʼ Yesʉs a sil lwib no e, nye ze bɨn mih kʉ. Nye ó: «Da, ewala, lɨ pyal! Lɛʼla bʉr kum mo Mwan go, é mbi ndɨ ó, nye lɛʼla nteme bʉr kum go,

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Yʉanes 14:1

Yesʉs, nye e be ó: «Asyɛl ga ba. Bɨn bɨ jyɛʼ taa buʼo yin boo Zyɛm. Jyɛʼɛ ga nteme ye boo me.

Yʉanes 3:34

Mʉr Zyɛm a lomo e, nye lé entɛŋ ó, mokan mo Zyɛm, ebe, Zyɛm ó lé elomlo nye Mbɨambɨa Sisim, ntinɨ e ntinɨ.

Mataos 28:18

Yesʉs ntɔʼ dihle nko bé a be e. Nye e be ó: «Mɨ bi nkul mojwɨ̀ʼa mo kʉ ndwe e maa mo si nwaʼ nyiwɛh.

Ebrœ̂ 6:1

No ó, bɨna paʼ bir ga bɨsikʉlʉ bé lé etaare jwɨʼ é l'efoʼ, byaa lé etiibe e Krɨst ɨ. Bɨna dweela ga bɨsikʉlʉ lé esa ó, mʉr biʼe pɨʼ otamabʉr ɨ. Bɨh bé aŋa ka bâʼle yeʼle bɨn mɨlʉ mokan mi: egwɨma bɨbol bɨsyɛɛla, edwir leme, ejyɛʼ taa buʼo boo Zyɛm,

Yʉanes 17:5

No ó, Da! Banana, dweʼ me kum mpʉ waa me a be e nye go ye, é jɔʼ kʉ e si, byé a baapa cyeŋɔ ɛ.

Yʉanes 17:24

«Da, go a be ó si dwe me ba. Me ekpɛl ó, bé diʼe gumo me ódi ɨ. Bé óbee me é dia moncɛnba mam, dia go a bɛa dwe me ebe kpɛl yo, taare é jɔʼ kʉ e si, byé a baapa cyeŋɔ ɛ.

2 Korɛnt 6:15

Krɨst bé e Njwɨɨ moleme, bé ó e nkul etwe twii wáa mbi? Nkʉ ntɔʼ ó, wáa mbi nkɔb mbuʼla ndɨ e nkul ebi, bé e mʉr ndɨ abuʼla ɛ, jwɨʼ gwar ɨ?

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

1 Pyɛr 1:3

Bɨna gumla ga Zyɛm Sɔŋ mo Tî ga wina Yesʉs-Krɨst. Nyi bul jwɨʼ bɨna ga nkoo, ntɔʼ dwe bɨna ga nkul ebyɛl jɔʼ mba é l'efu ó, mɨleme ga mina, myé diʼe lwɨŋla e mbɛla. Mbɛla waa, wé ekubla é mɨleme ga mina. Wé eduho ó, é nkul pɛ̀ha nye a pɛ̀h Yesʉs-Krɨst é foo e.