1 Pyɛr 1:20 - Kálara Zyɛ̌m Edwán é mpʉ̌n

²⁰ Zyɛm Sɔŋ a be ó si bɛa gʉa ó, Krɨst ójɛna mobyaʼ maa, taare é jɔʼ kʉ e si, byé a baapa cyeŋɔ ɛ. Nye ze nyin é jɔʼ yi, é l'esie e mbi jɔʼ yiʼ ó, é l'efu lɨn.

Kálar Nzyɛ̌m : Ejwán é Sáá

²⁰ Nzyɛ̌m Sɔ́ŋ á si boo gʉ́a, kʉ́ e sí, byé l'apǎ bě kuhá ó, Krîst ólóŋlǒ syɛ́ɛ́ yaá. Nye nzě kǎ lɛ̂ʼle mɨ́ná gá nyǎ ɨ́ melú mé épíhe mâʼ lɨ́ esú lɨ́n.

1 Pyɛr 1:20 ပူးပေါင်းရင်းမြစ်များ

Éfɛsɔs 1:4

Nye esa bɨna ga no ó, bɨna gumla ga nye, ebe, nye a si bɛa pɛh bɨna ga, taare é jɔʼ kʉ e si, byé a baapa cyeŋɔ ɛ. Nye a pɛh bɨna ga ó, bɨna diʼe ga mɨsaŋ mɨ bʉr be, dumo e Krɨst, abe e sa ebebe nye a ngbaa nwahle bɨna ga e tɨ. Ebe nye ndɨ e leme ncwɨncwɨa ó

Ebrœ̂ 9:26

Nkʉ Krɨst a be ó be, be lé edwe Zyɛm nyʉl we zɔʼ e zɔʼ tɔɔ motwina nɛʼɛ, mpa nye a be ó si bee tuu zɔʼ e zɔʼ, duho é l'etɛɛrɨ e si nwaʼ ɛ. To kœb ó, nye a kʉ ka nyin é si nwaʼ ó njɨ é jɔʼ gwar e gwar é kpɔŋ. Yé a be ó é jɔʼ esie e mbi jɔʼ yi, lé a pyal bɨna ga ɛ. Nye ze kɛha nyʉl we, lé epɛʼ bʉr bɨbaa Zyɛm a niʼe be é lɔb mɨsyem myɔɔ é jɔʼ gwar é bɨjɔʼ bibyɛh.

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

Ebrœ̂ 1:2

No ó, é mpʉ esie e mbi jɔʼ yi, lé mu ó kunokuno le epyal ɨ, nye mu ka lwib e bɨna ga ó, cwɨɨ é Mwan we. Mwan we ó nye a kɛʼ ó, nye óbi bɨsa bibyɛh. É zi we ó Zyɛm a cye mosi mɨmɛh ɛ.

Kolosi 1:26

Wé a taare be ó é lwib odim, sa Zyɛm a fol e mɨmya mɨ bʉr é buobuo e. Nye ka ze lɛʼle we é kpɛŋlɛm boo mɨsaŋ mɨ bʉr be.

Éfɛsɔs 3:11

É jɔʼ kʉ e si, byé a baapa be e, Zyɛm a bɛa tiʼe é leme we ó, nye óze dira jwɨʼ ye ó, é zi mo Tî ga wina Yesʉs-Krɨst.

Éfɛsɔs 3:9

Nye a dwe me syɛɛ nteme ó, me pɛʼla lwib odim nye a bɛa fol ɨ, pyɛl ye é myɛn. Molu pihe, Zyɛm, waa a cye bɨsa bibyɛh ɛ, a be ó si taare fol jwɨʼ ye yaa.

Galásia 4:4

Yé ntɔʼ ka pyal é mbɨambɨa jɔʼ Zyɛm a bɛa cyel ɨ. É jɔʼ yaa ó nye a ntɨh Mwan we, ó nye ntaʼ, ze byɛl é mo mo nuu mʉma. Mwan waa a be ó é monkara mo mɛra motie.

1 Yʉanes 1:2

—ebe, Etin e tiʼ laa, lé a si kʉ nyin é si nwa. Bɨh bɨ bee nye, bɨh ntɔʼ taare lé eboʼlo mboʼla lé etiibe e mʉr waa ɛ. Ebe no ó bɨh lé eze gʉʼ bɨn ye e tuno lé etiibe e mʉr ndɨ edwe bɨna ga tiʼ molu mo mpoʼ mɨmɛh ɛ. Bé e Zyɛm Sɔŋ ó b'a be. Nyi ze nyin é si nwa.

Éfɛsɔs 1:10

Jwɨʼ ye yaa, yé a ka ze gwihɔ ó, pie bɨjɔʼ byé a jala le etaare laa ɛ, byé a si sil lé elaa. Zyɛm a bɛa tiʼe é leme we ó, bɨsa ndɨ é jobo e l'ejyoo le ebantɛn ɨ, bé e byaa bɨ si nwa, bibyɛh, byé ejala le efwal ó, é jwɨ̀ʼa mo mʉr ngwar, Krɨst.

Rôm 3:25

Zyɛm a ntɨh Yesʉs ó, nye ntaʼ, ze dwè, jala e mɨsyem ga mina é l'efu ó, efie le nkʉʼ leʼe empime mo Sɔŋ. Nye a dwè ó, nye nkʉʼ kɛm bʉr, ó bé jyɛʼɛ taa buʼo yɔɔ boo nye é lɔb ndwɛa motié waa ɛ. É zea Yesʉs-Krɨst a ze e, Zyɛm a si lɛʼle mpʉ nye ndɨ cɨcyel ɨ. Mɨsyem bʉr, bé a bɛa sa-sa ɛ, Zyɛm a si bul dihbe mye, kʉ lɛŋ mye é buobuo, alwib.

1 Yʉanes 3:8

Mʉr lé eto dolo lé esa mɨsyem ɨ, nyiha, nye ó waa mo Njwɨɨ moleme, ebe, Njwɨɨ moleme ó ndɨ etin e mɨsyem, duho é l'etɔɔrʉ. To kœb ó, Mwan mo Zyɛm a ze é si nwaʼ ó, nye nkʉʼ gbɛɛ bɨsyɛɛla mo Njwɨɨ moleme.

1 Yʉanes 3:5

Bɨn bé egʉa: Yesʉs-Krɨst a ze é si nwaʼ ó, nye nkʉʼ ze pɛʼ mɨsyem tɨ. Bɨn bé egʉa nteme ó, abe e guu syem ndɨ é nye.

Mataos 25:34

«É jɔʼ yaa, njwɨɨbʉr, wé ólɛɛ e baa ndɨ nye é mbo ejʉm ó: “Ntaʼ ga, bʉr Sɔŋ wam a sʉ mocyɛʼ mo mpom me e. Ntaʼ, ze nʉa ga bɨdia é jwɨ̀ʼa nye a bɛa komlo bɨn, duho é l'etɛɛrɨ e si nwaʼ ɛ,

Mɨlʉmlʉ 2:23

Zyɛm a bɛa gʉa ó, bɨn bé ókɛha nye é mobo mo bʉr o ndɨ entaa motie e. Bɨn bé a kʉ du ó, mpʉ nye a bɛa tiʼe é leme we e. Bé ze cyèl nye é klos kʉ, jʉŋɔ nye.

Rôm 8:29

Ebe, baa Zyɛm a bɛa gʉa ɛ, nye a bɛa tiile é leme ó, bé ódɨ kœʼ ebò e cyen mpʉ mo Mwan we. ǃBé si nʉa dweʼle tiʼ mo Mwan we nɛʼɛ, Mwan waa ófuʼla mwa modweʼe, e l'oncyom e l'okɛl é buobuo.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

Ebrœ̂ 2:14

Ebe no, mpʉ bwan nye lé elwib, tiibe e be e, bé ó bʉr o bɨpuno le motié e, é jwɨʼ gwar e gwar yaa nteme ó Yesʉs a byɛl mʉr ɨ, nye ntɔʼ dwè é l'efu ó, nye teʼla mʉr a be-be e nkul efie e. Mʉr waa, nye ó Njwɨɨ moleme!

1 Pyɛr 1:2

Zyɛm Sɔŋ ó b'a pɛh bɨn, bʉr o nye a bɛa gʉa ɛ. Jɨh tɨʼ nye a kʉ pɛh bɨn, Sisim we, wé ntɔʼ ze pubo bɨn. Wé a pubo bɨn ó, lé emyɛʼ bɨn e motié mo Yesʉs-Krɨst é l'efu ó, bɨn saʼ nye mojoʼo. Mocyɛʼ mo mpom le motala mo Zyɛm, mé swɨŋɨ é bɨn é ntuʼ-ntu-ntuʼ.