1 Pyɛr 1:18 - Kálara Zyɛ̌m Edwán é mpʉ̌n

¹⁸ Zyɛm a baakʉr bɨn ebe ziila e bɨsa ndɨ eto le edimle odime wɔɔ ɛ, mpʉ nkoho mɔn nkʉ gol. Bɨn bé a kʉrɔ ó, é jɔʼ nye a dwih bɨn é baambɛhambɛha motum bɨmpam bin, byé a du-du ɨ.

Kálar Nzyɛ̌m : Ejwán é Sáá

¹⁸ Bɨ̌n bé á bé adwihɔɔ ɨ́ mpila ébébe ɨ́ lɔ̌b nzyɛ́ɛ́lá bisâ bi dí edímle ódimé wɔ́ɔ́ bí. Nzyɛ̌m á bé asyɛ́ɛlǎ nkóhó mɔnɨ́, nkʉ̂ gʉ̂l lɨ́ esú lé étáǎ góo ɨ́ lɔ̌b mébyaʼ mɨ́n. Bɨ̌n bé á dwihɔɔ ɨ́ mpila ébébe ó, jɔʼ myɛ́na ménɨ́nɨ́ɨ́, mé á jánɔɔ yɨ́. Bɨ̌n bé á duho ɨ́ mpila métum bímpám bín ó,

1 Pyɛr 1:18 ပူးပေါင်းရင်းမြစ်များ

1 Korɛnt 6:20

ebe, Zyɛm a si jɛna bwaʼbwaʼ tɔɔ é jɔʼ nye a kʉr bɨn ɨ. No ó, dwiibɨ ga Zyɛm, le ebaʼle monyʉl mɨn ti.

1 Korɛnt 7:23

Zyɛm a si jɛna bwaʼbwaʼ tɔɔ é jɔʼ nye a kʉr bɨn ɨ. No ó, amɛʼle ga ó, bɨn dwirɨ bɨn bʉr o tɨʼ molʉa mo bʉr.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

Galásia 1:4

Yesʉs-Krɨst nye mʉr tɨʼ a si dwè, jala e mɨsyem ga mina. Nye a sa no ó, nye nkʉʼ syɛb bɨna ga é mbi jɔʼ yi, yaa ndɨ é bul bebe e. Yesʉs a sa no ó, mpʉ Zyɛm Sɔŋ ga wina a gwɨm ɨ.

Éfɛsɔs 4:17

Ebe no ó me lé elɛɛ e bɨn, le eboʼlo é die mo Da Yesʉs ó, yé ajala ó, bɨn kœʼœ ebò e cyen egwar, bɨn e bʉr o ndɨ abuʼla ɛ. Bé ekʉ ka sa ó njɨ baambɛhambɛha o bɨsyɛɛla, ebe, mɨpɛhla myɔɔ, myé ó mbɛh e mbɛh.

Rôm 1:21

Dam be ó, bé a be ó si kʉ gʉa ó, Zyɛm, nye ó tɨ, bé a baadwiibɨ nye mpʉ yé a jala ɛ, nkʉ dwe nye ekiba é lɔb bɨsyɛɛla bye. Bé a kʉ ka pahle sɔʼɔ ó njɨ bɨsa byaa ndɨ abe e nyɔm ɨ. Bé ze lihba ó, mɨmiʼ.

1 Pyɛr 4:3

Bʉr, bɨ bul lɛŋ buobuo jɔʼ lé eloŋlo bɨgwɨma bɨ nyʉl bɨpuno, lé edu ebò e cyen mo bʉr o ndɨ abe oYʉden ɨ. Byé ó bi: egba monyʉl mɔɔ lé esa bɨmala zam e l'ekomo, ebe e bɨgwɨma bɨsa, egba monyʉl lé ebɛble monwoʼ, elɔʼba lé ebwalɔ mozɔɔ, efwaʼ monwoʼ, le edwiibɨ bɨbaŋabaŋa bɨdweʼle. (Sa nɨ, yé ó sa ndɨ kɔmlʉ ɨ!) Bim syɛɛla nɨ, yé kaʼ jala!

1 Pyɛr 1:7

Bɨn bé ebɔma e mobʉbla maa ó, bɨn nkʉʼ gʉa bee pie tɨʼ nkʉ bɨn bé ó e buʼo mpa. Taa buʼo bɨn lé ejyɛʼ boo Zyɛm ɨ, yé ó bɨn é bul buo dime, laa gol. Gol ndɨ sa yé ódim ɨ, pa taare gbaŋɔ é duro e molul, ó yé gʉa nyin nkʉ yé ó mpaŋ gol cyecye, a dwɛʼra e buʼo ga yina! Ebe no ó bʉr, bé ógumlo Zyɛm, le edwiibɨ nye é dobo Yesʉs-Krɨst óbula ze e.

1 Korɛnt 3:20

Yé ó tila nteme ó: «Da, nye egʉa ó, mɨpɛhla mɨcɨcyoo, myé ó mbɛh e mbɛh.»

Ebrœ̂ 9:12

É jɔʼ Yesʉs a ni é gumo yé a be e l'ekɛn ɨ, nye a baanʉa fua motié bɨkɨla, nkʉ maa mo bwa bɨntɛɛ. Motié nye a nʉa, ze ni e me e, mé a be ó maa me nye mʉr tɨ! Nye ze to ni tɨʼ é jɔʼ gwar é bɨjɔʼ bibyɛh, ó nye nkʉʼ dwih bɨna ga é mpila ebebe lɨna é pololo.

1 Yʉanes 3:5

Bɨn bé egʉa: Yesʉs-Krɨst a ze é si nwaʼ ó, nye nkʉʼ ze pɛʼ mɨsyem tɨ. Bɨn bé egʉa nteme ó, abe e guu syem ndɨ é nye.

Markus 8:37

Yáa sɔʼɔ mʉr ndɨ e nkul esiila e ye ó, nye bula nʉa tiʼ ye e?