1 Pyɛr 1:17 - Kálara Zyɛ̌m Edwán é mpʉ̌n

¹⁷ É mpʉ bɨn lé esa Zyɛm mɨnjwɨʼla, ndwe le emɛʼle ó, nye etiʼe bʉr mɨlɔb, abe lé edwaabe bʉr é lɔb mompom mɔɔ, le egʉa ó, nye esa no lé edu mpʉ bɨsyɛɛla byɔɔ, byé a be e, gʉŋa ga nteme ó, bɨn bé ejala le elɛŋ tiʼ yin lé ekœʼ ebò e cyen lé elɛʼle ó, bɨn bé edwaabe nteme nye e. Dɨʼe sa ga no cye yiyɛh bɨn dina kʉ ɨ.

Kálar Nzyɛ̌m : Ejwán é Sáá

¹⁷ Bɨ̌n kɨkɛn díé mé Dâ, mʉr dí etíʼe bʉ̂r milɔ̌b lɨ́ otîtyěl, adwáawo bʉ̂r mempǒm nyá. Nyě títíʼé bé milɔ̌b myɔ́ɔ́ myaá ó, dû mpʉ bísyɛ́ɛla byɔ́ɔ́, byé á be yɨ́. Mpʉ bɨ́n dí ekɛ̌n Dâ Nzyɛ̌m yɨ́, jwɨʼ gwár e gwár yaá ntémé ó bɨ́n jala le elɛ̌ŋ twiʼ yɨ́n yɨ́, lɨ́ edû kʉ̌ tyen dí elɛ̂ʼle ó, bɨ̌n bé lɨ́ edwáawo nyé wɨ́.

1 Pyɛr 1:17 ပူးပေါင်းရင်းမြစ်များ

Mataos 6:9

«Ebe no, bɨn bɛɛ, dɨʼe jwɨʼla ga e Zyɛm é mbi wi: “Sɔŋ wih ndɨ é jobo tʉŋlʉ ɨ, lɛʼla bʉr bɨbɛh ó, go ó Zyɛm ndɨ ti ɨ.

Filipi 2:12

No ó, obɨɔ o kpɛl bam aa! Bɨn bé a be ó si sa Zyɛm mojoʼo é jɔʼ bɨna bé a be ga gumo gwar ɨ. No ó, banana, é mpʉ me mu é nko paʼ fih, aka be bɨn ye e, bɨn bé ejala le eto dolo lé esa no. Zyɛm, nyi tiʼ bɨn. No ó, sea ga e bʉa e mosaʼ é l'efu ó, bɨn kœʼœ ebò e cyen laa.

2 Korɛnt 7:1

Ebe no, obɨɔ o kpɛl bam aa! É mpʉ bɨna ga bé a bi ga monkɛʼ monɨ ɨ, bɨna puba bɨna ga bʉr o tɨ, lé epɛʼ sa ndɨ elœʼ monyʉl ga mɨna ndwe e mɨsisim ga mina é mih mo Zyɛm ɨ. Bɨna kœʼœ ga ebò e cyen bɨna ndɨ é pememe, laa ndɨ ejala e bʉr o ndɨ edwaabe Zyɛm ɨ.

Ebrœ̂ 12:28

Ebe no, bɨna dweʼ ga Zyɛm ekiba, ebe, nyi niŋle bɨna ga é jwɨ̀ʼa ye. Yé abe e nkul epɨŋla. Bɨna dwiibɨ ga nye le ebil ekɛn é mih me, ndwɛa kum ga wina waa nkʉʼ jala e nye,

Éfɛsɔs 1:17

Me ejwɨʼla e Zyɛm Sɔŋ mo Tî ga wina Yesʉs-Krɨst, nye nteme Zyɛm Sɔŋ ga wina ndɨ e kum ɨ, ó nye ntɨhɨ bɨn Sisim we ó, bɨn cyebla, le nteme ó, nye gwihɨ bɨn mɨfela mɨlɔb mye. Myé óbe bɨn e nyɔm é l'efu ó, bɨn gʉŋa nye.

Galásia 2:6

Me a si to bee baa bé a nyin é mih ó, bé ó ocyɛb be efoʼ e... Nkʉ bé ó ocyɛb be efoʼ é l'ocyecye, nkʉ bé abe be, no yé asa mɛm sɔʼɔ, ebe, Zyɛm, nye adwaabe bʉr é lɔb mompom mɔɔ... Bʉr o b'a bul nyin no e, é jɔʼ me a lɛɛ be Mbɨambɨa Lɔɔ me lé elɛɛ bʉr ɨ, bé a baakɛl ekan egwar tɨʼ kʉ.

Rôm 11:20

Nɔɔɔ, gɨ kʉ gʉa elɛɛ! Bé a syɛhɔ é lɨ yaa ó, ebe, bé a baabe e buʼo. Bɨn bɛɛ, bé ódi é dia nɨ ebe taa buʼo bɨn lé ejyɛʼ boo Krɨst ɨ. Ankɛɛ ga monyʉl. Sa ndɨ ekʉ jala ɛ, yé ó, bɨn bilɨ ekɛn.

Mataos 22:16

No ó bé a ze lomo bʉʉ ompʉn bɔɔ nko nye a be e, bé e bʉr o mpoʼo Erod. Bé e nye ó: «Yeʼle, bɨh bɨ gʉa ó, go elɛɛ ó ocyecye. Go nteme, go edwe bɨh sikʉlʉ tiibe e Zyɛm é l'ocyecye. Sa mʉr fih lé ebee é we paʼ ɛ, yé alɛɛ go sɔʼɔ. Go ádwaabe bʉr é lɔb mompom mɔɔ.

1 Pyɛr 2:11

Obɨɔ o kpɛl bam aa! Me ejwɨʼla e bɨn ó, bɨn diʼe mpʉ mɨndìndìl ndwe mɨngbaalaŋa é mɨlal mɨ si nwa. Diʼe ga é l'ecyooŋʉ, lé esyɛhle lɔb esa bɨsyɛɛla bɨpuno bin lé egwɨm, byaa ndɨ elwimla e mɨsisim min ɨ.

Ebrœ̂ 4:1

Ebe no, mpʉ Zyɛm a liʼe bɨna ga e nkɛʼ ó, nye ódib zi egbala é l'efu ga lɨna ɛ, gʉa di ga ncye! Mʉr ngwar é l'esama lɨn, nye ajala le efib we nkɔb egbala laa.

Kolosi 3:25

Syɛl ebebe nyɛɛ óbi sa lé ejala e l'ebebe le e, ebe, Zyɛm, nye adwaabe bʉr é lɔb mompom mɔɔ.

Éfɛsɔs 6:9

Bɨn ojwɨʼa o molʉa ɛɛ! Saʼ ga molʉa mɨn bɨsyɛɛla bɨmpwar bɨnɨ. Daʼ bɛŋ ga be. Bɨn bé ejala le egʉa ó, Da Yesʉs, mʉr mu lé edi é jobo kʉ ɨ, nye ó ndɨ Tî win boo molʉa mɨn, bɨn bɨbɛh. Nye adwaabe bʉr é lɔb mompom mɔɔ.

Éfɛsɔs 3:14

Ebe no ó me lé ekur moboo si é mih mo Zyɛm Sɔŋ, jwɨʼla e nye é l'efu lɨn ɨ.

1 Pyɛr 3:15

É mɨleme min tʉŋlʉ, cyelɨ ga Krɨst é dia ndɨ ti ɨ, lé elɛʼle ó, nye ó kʉ be tî win. ǃƗ mʉr si dî bɨn tia é lɔb sa lé egba bɨn mbɛla é mɨleme nɛʼɛ, bɨn bé òkpahbe bɨha nye tia waa.

2 Korɛnt 5:6

Ebe no ó bɨna ndɨ etʉm ga monyʉl é bɨjɔʼ bibyɛh ɛ. Bɨna bé egʉa ga nteme ó, cye yiyɛh bɨna dina lé edi ga é mɨmbor monyʉl bɨpuno tʉŋlʉ ɨ, yé ó jɔʼ bɨna ga e boo Da Yesʉs dina é ncɛra ɛ.

2 Korɛnt 1:2

Mocyɛʼ mo mpom le motala mo Zyɛm Sɔŋ ga wina bé e Da Yesʉs-Krɨst, mé swɨŋɨ é bɨn.

2 Korɛnt 7:11

Dwɛʼa ga sɔʼɔ njɨ mpʉ Zyɛm a dwir bɨn é mɨleme e. Empime lɨn, lé a be ó si sa ó: Mɨleme, myé diʼe bɨn é ntɨɨɨŋ ó, bɨn saʼ embɨa. Bɨn saŋa zi ndɨ ó, me tɨʼe bɨbaa bɨ ebebe me a niʼe bɨn ɨ. Bɨn joʼa kalara waa e tuu. Bɨn joʼa bʉa. Bɨn biʼe mɨmpaŋ bɨgwɨma. Bɨn beʼ e zyee é mɨleme. Bɨn kuna mʉr a saŋɔ ebebe e. Bɨsa biʼ bibyɛh, byé ó bɨdweʼle, bɨsa lé elɛʼle ó, bɨn bé ó bʉr o ndɨ agʉa lɔb ɨ.

Mataos 16:27

Ebe, Mwan mo Mʉr muno ze pyal é moncɛnba mo Sɔŋ we bé e beengles be. É jɔʼ yaa ó nye ódwe mʉr nyiwɛh myɛna, du mpʉ bɨsyɛɛla bye, byé a be e.