1 Pyɛr 1:13 - Kálara Zyɛ̌m Edwán é mpʉ̌n

¹³ Ebe no, pila ga monkwan. Gbaʼ ga lʉ lé ejwɨʼ lɔɔ waa. Gʉa mɛr ga mɨleme. Mɨleme min, myé beʼ lwɨŋla e mbɛla. Buʼla ga syɛɛla ncwɨncwɨa yé ósaŋɔ bɨn é jɔʼ Yesʉs-Krɨst óbâʼle nyin ɨ.

Kálar Nzyɛ̌m : Ejwán é Sáá

¹³ Nó, diʼee gá ɨ́ cǎr ó, bɨ̌n sâʼ bisyɛ́ɛla bimpâ. Gwá mâr gá miléme. Mpûʼla, nye díʼee bɨ̌n ɨ́ miléme ó, bɨ̌n bé ódweŋɔɔ̌ mpǎŋ ndwéá ɨ́ jɔ̌ʼ Yésʉs-Krîst óbáʼǎ nyɨ̂n yɨ́.

1 Pyɛr 1:13 ပူးပေါင်းရင်းမြစ်များ

1 Pyɛr 5:8

Mɛrɨ ga mɨleme. Diʼe ga nkehe. Mʉr lé epur bɨn ɨ, Njwɨɨ moleme, nye elie bɨn é mɨpaʼ mimyɛh é nka-nka-nka, mpʉ ngbampwɨɨ lé emuulo le esaa mʉr nye deʼ.

Lʉkas 12:35

«Pila ga monkwan. Bɨn bé à baʼle molama mɨn mɨtwima.

1 Pyɛr 4:7

Efuʼla e bɨsa bibyɛh, lé mu ó kunokuno le epyal. Ebe no, pahla ga mɨlɔb mpʉ mɨpɨpɨʼ. Mɛrɨ ga mɨleme é l'efu ó, bɨn nkʉʼ gʉa sa mɨnjwɨʼla.

1 Pyɛr 3:15

É mɨleme min tʉŋlʉ, cyelɨ ga Krɨst é dia ndɨ ti ɨ, lé elɛʼle ó, nye ó kʉ be tî win. ǃƗ mʉr si dî bɨn tia é lɔb sa lé egba bɨn mbɛla é mɨleme nɛʼɛ, bɨn bé òkpahbe bɨha nye tia waa.

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

1 Yʉanes 3:3

Yé be ó, mʉr fih mʉr kɛ̀l, leme we, wé ó lwɨŋla e mbɛla waa nɛʼɛ, lɛɛ ó, mʉr waa, nye ekʉ puba, ó nye beʼ saŋ mʉr. Ebe no ó nye ónʉa dweʼle tiʼ mo Yesʉs, Mʉr ndɨ ti ɨ.

2 Timotɛ 4:8

Yi kʉ ka liʼ me ó njɨ ebœrɔ epʉʼlʉ é lʉ, laa ndɨ koma é l'efu lam ɨ. Epʉʼlʉ laa, lé ó ngo lɛʼle ó, mɨ bi mokebe é mih mo Zyɛm. Da Yesʉs óbœr me la ó, é dobo nye óbula ze e. Nye ó tiʼà mɨlɔb ndɨ etiʼe é l'ocɨcyel ɨ. Nye aŋa dwe yɛɛ njɨ me e me. Mopʉʼlʉ maa, mé óbœrɔ nteme ó, bʉr bɨbɛh lé esoho dobo Yesʉs-Krɨst óbula ze e.

Éfɛsɔs 6:14

Ebe no, cyɛba ga é nkʉʼʉ é cye dɔm yin. Bɨn bé à bwar ocyecye tɔɔ kana dɔm yɨma é kubo. Diʼe ga nteme e l'ocɨcyel tɔɔ bɨnkoho bé lé ebuuro bɨr e tɨʼ ɨ.

1 Korɛnt 1:7

Bɨntɔɔ Zyɛm lé enol bwan be e, nyi nol bɨn nteme bya. É jɔʼ bɨn dina lé ebono zea Tî ga wina Yesʉs-Krɨst óze e, bɨn mu ó e bɨntɔɔ Zyɛm a nol bɨn binɨ.

Lʉkas 17:30

Yé óbe nteme ó, jwɨʼ gwar e gwar yaa é dobo Mwan mo Mʉr óbâʼle nyin ɨ.

Ebrœ̂ 10:35

Ebe no, mʉr beʼ l'acyɛʼ nyʉl. É jɔʼ bɨn ndɨ etʉm monyʉl ɨ, yé óbe bɨn e myɛna monɨnɨ.

Ebrœ̂ 6:19

Mbɛla waa, wé ó waa ebuʼlɔ. Wé emɛr mɨleme ga mina ó, mpʉ monkwab bɨnkoho lé emɛr titima é sʉm dibe é larada ɛ. Wé ó mpʉ kol lé entaa kan ebe é l'odia mo Zyɛm tʉŋlʉ ɨ. Guu odumo o kol waa, wé ó tiila é Tiʼe ndɨ e l'ekɛn é buobuo e.

Ebrœ̂ 3:6

To kœb ó, Krɨst nyɛɛ a si cyelɔ é dia Mwan a jala le edi lʉ mbɛr bʉr waa ɛ. Mbɛr bʉr waa, wé ejoʼo nteme ó e nye. ǃƗ mɨleme ga mina si loŋlo e mbɛla, le ekʉ gʉa sa bɨna lé ebuʼla ga, abaawe sɔʼɔ e bʉr nɛʼɛ, bɨna ga ó ndɨ bʉr o mbɛr bʉr we waa.

2 Timotɛ 4:5

Sa gwar, gwɔɔ, mɛrɨ leme é bɨjɔʼ bibyɛh. Dihba mɨtuu. Sea syɛɛ mo lɛa Mbɨambɨa Lɔɔ. Gwɔɔ syɛl mosa mo Zyɛm, sea empomo e syɛɛ ndɨ laa lo e.

1 Korɛnt 13:13

No ó, banana, buʼo e mbɛla ndwe e kpɛl, byé ó tɨ: bɨsa bɨlɛl. É bɨsa bɨlɛl byaa, yaa lé elaa bibyɛh ɛ, yé ó kpɛl.

Rôm 13:13

Bɨna kœʼœ ga ebò e cyen ndɨ ejala e bʉr o ndɨ é myɛn ɨ. Bɨna l'ayi lɔʼba ga le ebwal mozɔɔ, nkʉ fwaʼ monwoʼ, nkʉ lama fwon é zi bɨduo, nkʉ sa bɨmala zam e l'ekomo, nkʉ sa mpɔʼa monkɔm, nkʉ zii.

2 Tesalonika 1:7

Yé nteme, yé óbe ó mpaŋ syɛɛla é jɔʼ nye ódwe bɨna ga bɨbɛh egbala pie bɨntɨʼa bin ɨ, ebe, bɨna bé ókʉ gbala ga é jɔʼ Da Yesʉs ónyin, duho é jobo kʉ ɨ. Bé e beengles be, baa ndɨ é lele monkul ɨ, bé ópyal é njʉl siʼe tʉŋlʉ.

Lʉkas 17:8

Tɨtoʼo! Nye ólɛɛ e nye ó: “Jama me mode, go òsiila mɨkan, go òsea e me jyɛm me dina lé ede mode le monwoʼ e. Go òbono ó, me paʼ taare sil. Pie tɨʼ ó go òka de e.”

Rôm 8:19

Ebe, mɨcyea bɨsa bibyɛh, byé egwɨm bee dobo Zyɛm ólɛʼle bye bwan be é pono e.

Kolosi 3:4

Krɨst ó ndɨ edwe bɨna ga tiʼ molu mo mpoʼ mɨmɛh. É jɔʼ nye óbâʼle nyin bʉr é mih é kpɛŋlɛm ɨ, bɨn e boo nɔɔ, bé ódweŋɔ kum sama.

1 Pyɛr 1:10

Ogwiha o mɨlɔb, bé a bɛa gwih ó, Zyɛm ólɛʼle bɨn ncwɨncwɨa we, lɛɔ nteme ó, Zyɛm óbana dwe bɨn tiʼ molu mo mpoʼ mɨmɛh. Bé a si saa egʉa mozi nye a be ó, nye ótiʼ bɨn e tɨʼ ɨ, é saa saa, abeɔ.

1 Pyɛr 5:12

Bɨh e Silas ó lé etile bɨn kalara nwaʼ titia mpʉ. Mbea wam, wé ó, nye ó mbuʼla ndɨ mʉr ebuʼla ɛ. Me etile bɨn ó e gwɨma egba bɨn nkul é monyʉl. Me eboʼlo nteme ó, buʼo bɨn mu e ye e, yé ó mpʉ Zyɛm lé elɛʼle ncwɨncwɨa ɛ. Cyɛba ga é nkʉʼʉ é ncwɨncwɨa waa.

Mataos 20:4

Nye ó: “Bɨn bɛɛ nteme, laŋa ga. Toʼ, to sea ga é peme yam. Me ójɛna bɨn myɛna mé ójala e bɨn ɨ.”