1 Pyɛr 1:12 - Kálara Zyɛ̌m Edwán é mpʉ̌n

¹² Zyɛm a ka lɛɛ ogwiha o mɨlɔb baa ó, lɔɔ bé a to le elɛɛ ɛ, wé a baabe é l'efu lɔɔ, bé bʉr o tɨ, ó bé gʉŋa we é kpɛhla. Bé a ze lé elɛɛ we ó, é l'efu lɨn. Bɨn ó ndɨ edira nyɔm e lɔɔ waa é banana, é nkul mo Mbɨambɨa Sisim a ntɨhɔ bɨn, duho é jobo kʉ ɨ. Lɔɔ bé a lɛɛ-lɛɛ bɨn ɨ, wé ó waa beengles lé ebul gwɨm gʉa ɛ.

Kálar Nzyɛ̌m : Ejwán é Sáá

¹² Nzyɛ̌m á lɛ́ɛ le ogwíha o mílɔ̌b baá ó, túnó bé á to le etúno wɨ́, wé á bé abe lɨ́ esú lɔ́ɔ́ bé bʉr o tɨ̂, ó bé gʉ́ŋaa wé ɨ́ pébébé. Bé á tyɛ̂b le túnó ɨ́ jɔʼ yaá ó, lɨ́ esú lɨ́n. Bɨ̌n ó dí edirǎ nyɔm e túnó waá ɨ́ báánâ. Bʉr o b'á to le etúno Mbɨambɨa Lɔ́ɔ waá bá, bé á tutúno wé ó e nkul Sísǐm á duho ɨ́ jʉ́o kʉ́ nyɨ́. Lɔ́ɔ́ bé á lɨlɛ́ɛ bɨ̌n wɨ́, wé ó waá bééngeles dí ɨ́ buú gwɨ̂m ésʉ médwôʼlʉ tɨ̂ʼ wɨ́.

1 Pyɛr 1:12 ပူးပေါင်းရင်းမြစ်များ

Yʉanes 15:26

«Mʉr ndɨ ekamle e bɨn ɨ, nye óze. Nye ó ndɨ Sisim Ocyecye, wé óduho boo Sɔŋ wam ɨ. Me ólomlo bɨn nya. Nye òduho boo Sɔŋ wam, ntɔʼ ze boʼlo lɔb wam.

Éfɛsɔs 3:10

Banana, yi ka liʼ ó, njɨ epɛʼle jwɨʼ ye yaa, ndwe le ebal mɨsisim mɨ apum le myaa mɨ nkul, myaa ndɨ é jobo e l'ejyoo e. Myé mu lé eka joʼo jwɨʼ yaa ó, boo bɨna, bʉr o Mbɛr-Zyɛm, ndwe le egʉa mpʉ ocyoo mo Zyɛm ndɨ é buo mɨmbi ɨ.

1 Korɛnt 2:10

Bɨna ga ó ndɨ baa Zyɛm a gwih sa yiyɛh é zi Sisim we e. Sisim we, wé ó ndɨ egʉa sa yiyɛh, dam be bɨjwɨʼ nye ndɨ e bye é mo si ɨ.

Ebrœ̂ 4:2

Bɨna bé a be ga ó, si joʼo Mbɨambɨa Lɔɔ jwɨʼ gwar e gwar e bɨmpam ga bina. Sa gwar, bé a joʼo we ó, mbɛh, ebe, bé a baabuʼla. Ejoʼo lɔɔ, lé a baadib lɔɔ waa zi ó, wé niʼe be é mɨleme.

Markus 16:15

No ó nye a lɛɛ e be ó: «Toʼ ga é si nwaʼ nyiwɛh, lé eto le elɛɛ mɨcyea bɨsa bibyɛh Mbɨambɨa Lɔɔ.

1 Pyɛr 1:25

Lwib mo Da yɛɛ ó njʉmdia e njʉmdia.» To kœb ó, lwib yaa, yé ó Mbɨambɨa Lɔɔ bé a lɛɛ bɨn ɨ!

Mɨngwiha 5:11

Me a si bee nteme beengles otɔɔyin otɔɔyin, abe e tolɔɔ. Bé a be ó lé ebʉmra dia taʼa, ndwe e mɨkubla bɨsɔʼɔ mɨnâ, ndwe e l'otamabʉr baa é nka. Me a si joʼo deme lɔɔ bé a jɛɛ ɛ.

2 Korɛnt 6:6

Bɨh bé elɛʼle bɨn bɨdweʼle, sa yé a lɛʼle bɨn ó, bɨh bé ó mɨlʉmlʉ ɨ. Yé a be ó: é l'ebò e cyen lɨh lé a be é pememe e, é ngwɨa wih, é bihbe wih, é ncwɨncwɨa wih, é bɨsyɛɛla bɨh lé esa é Mbɨambɨa Sisim ɨ, é kpɛl ndɨ eduho bɨh é mɨmo si ɨ,

2 Korɛnt 1:22

Nye nteme ó b'a ntɨh bɨna ga Mbɨambɨa Sisim. Naa yé ó, nyi gba mɨsisim ga mina luʼ, ntɔʼ ŋmɛh luʼ waa e sitam. Mojwɨʼ nye a gba é bɨna no e, mé ó dweʼle ndwe e bɛn, sa lé elɛʼle ó, nyi dwe bɨna ga tiʼ molu mo mpoʼ mɨmɛh ɛ.

Rôm 15:19

Zyɛm a be ó si sa bɨdweʼle bɨ nkul we ndwe e bɨsa bɨ jehe é zi wam é nkul mo Mbɨambɨa Sisim. Me a ze sa tuno é lɔb Mbɨambɨa Lɔɔ lé etiibe e Yesʉs-Krɨst ó, bɨgumo bibyɛh, taare ɨ Yerʉsalɛm, to pyal é Iliri.

Mɨlʉmlʉ 2:33

Nye a si bere, to di si é mbo ejʉm mo Zyɛm. Nye ó b'a ntɨh bɨh Mbɨambɨa Sisim, waa Zyɛm Sɔŋ a kɛʼ bɨh ɨ. Wé ó bɨn lé ebee le ejoʼo e.

Ebrœ̂ 2:4

Zyɛm, nyi ze boʼlo nteme ó, mpaŋla waa, nye ó cyecye, ebe, nye a si ntɨh bɨdweʼle bɨ nkul we, e bɨsa bɨ jehe ndwe e mosima mɨmbi mɨmbi, to kumo kuma e mɨndwɛa Mbɨambɨa Sisim lé entɨh bɨna ga ɛ, du mpʉ nye lé egwɨm sa ɛ.

Galásia 1:16

Nye a bee embɨa é nko paʼ we nteme ó, nye lɛʼla me Mwan we, le elomo me ó, me lɛŋɨ Mbɨambɨa Lɔɔ we boo bʉr o ndɨ abe oYʉden ɨ. Me a baadî mʉr bɨpuno le motié ó, nye dweʼ me motɨɨ me tɨ.

Galásia 1:12

Me a baajoʼo we é nʉm nuu mʉr. Abe nteme e mʉr a dwe me sikʉlʉ tɨ. Wé ó mɨfela mɨlɔb Yesʉs-Krɨst nye mʉr tɨʼ a gwih me e.

Rôm 10:15

Yé ndɨ e nkul esa ó, olɛa o lɔɔ Zyɛm beʼ, nkʉ Zyɛm, nye alomo be e? Yé ó mpʉ yé ndɨ tila é Kalara Zyɛm ɨ. Yé ó tila ó: «A mbɨa lé ebee bʉr o ndɨ eze le etuno Mbɨambɨa Lɔɔ ee!»

Rôm 1:17

Mbɨambɨa Lɔɔ waa, wé elɛʼle mpʉ bʉr lé ebi mokebe é mih mo Zyɛm ɨ. Mokebe maa, mé edweŋɔ ó, njɨ ebe taa buʼo mʉr lé ejyɛʼ boo Krɨst ɨ, taare é l'etɔɔrʉ, to pyal é l'efehle. Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr ndɨ e tiʼ molu mo mpoʼ mɨmɛh ɛ, nye ó njɨ waa a bi mokebe é mih mo Zyɛm ebe taa buʼo nye a jyɛʼ boo nye e.»

Lʉkas 15:10

Me elɛɛ bɨn ó, jwɨʼ gwar yaa nteme ó bé lé esoho é mih beengles mo Zyɛm é jɔʼ syɛl mɨsyem ngwar ndɨ si gwɨma mobebe me, le edwir leme e.»

Mataos 11:25

É jɔʼ yaa ó Yesʉs a ze lɛɛ ó: «Da, me edwiibɨ go, gwɔɔ Njwɨɨ kʉ e si, ebe, go a be ó si lɛʼle bʉr o ndɨ mpʉ bwɔɔncyom ɨ, bɨsa go a fol mɨcɨcyoo e l'ogwɨa o si nwaʼ ɛ.

1 Tesalonika 2:9

Obɨɔ ga bam aa! Bɨh bé a si kʉ sea bɨsyɛɛ bɨ nkul, mpʉ bɨn bʉr o tɨʼ lé egʉa ɛ. É jɔʼ yiyɛh bɨh bé a lɛɛ-lɛɛ bɨn Mbɨambɨa Lɔɔ ndɨ eduho boo Zyɛm ɨ, bɨh bé a be nteme ó, lé esea bɨsyɛɛ mobo, moho e pum. Bɨh bé a sa no ó, bɨh beʼ l'agba bɨn tuu é nyʉl lé enkɛɛ mbeʼ wih.

Lʉkas 9:6

No ó mɨlʉmlʉ mye, myé a ze jà zi, toŋɔ mokwar e mokwar mɛh, to le elɛɔ bʉr Mbɨambɨa Lɔɔ, le etiʼɔ mɨsyoblʉ é bɨgumo bibyɛh.

Lʉkas 2:26

Nye a si bɛa lɛɛ e nye é zi Mbɨambɨa Sisim ó, nye óbee Lœma mulo mo Zyɛm Da a kɛʼ ɛ, nye l'apa dwè.

Mataos 16:17

Yesʉs ntɔʼ lɛɛ e nye ó: «Mocyɛʼ mo mpom, mé ó e go, Simɔn, mwan mo Yʉanes! Ntʉʼ mʉr bɨpuno le motié gwih go sa yaa. Yé be ó Sɔŋ wam ndɨ é jobo kʉ ɨ. Nye ô lɛʼle go ya.

Mataos 11:27

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.

Ebrœ̂ 11:13

Bʉr onɨ bɨbɛh, bé a dwè ó, bé dina lé ejyɛʼ taa buʼo yɔɔ boo Zyɛm, bé l'apa bi yɛɛ sa nye a kɛʼ be e. Sa gwar, bé a bee sa nye a kɛʼ be ó, yé dina jaabe, bé ze soho ye. Bé a kʉ gʉa é l'ocyecye ó, bé ó ojyoo nkʉ mɨngbaalaŋa é si nwa.

Rôm 1:15

Ebe no, me egwɨm ó, me lɛŋɨ nteme we bɨn ye, bɨn bʉr o Rom.

Mɨlʉmlʉ 16:10

No ó, pie sa jehe nye a bee é lima nɨ, bɨh ze kwɨmla cyen lé eto Masedwan kam e kam, ebe, bɨh bé a si bee ó, Zyɛm a si jebe bɨh ó, bɨh toʼ, to lɛɛ Mbɨambɨa Lɔɔ é lal waa.

Mɨlʉmlʉ 10:44

Pyɛr l'apa fil lwib nɛʼɛ, Mbɨambɨa Sisim ntɔʼ fulo é mʉr nyiwɛh a joʼo lɔɔ we e.

Mɨlʉmlʉ 8:25

Jɔʼ mɨlʉmlʉ mɨmba myaa, myé a sil tuno mɨlɔb mo Da le eboʼlo sa bé a gʉa é lɔb waa ɛ, myé ntɔʼ bâʼle to Yerʉsalɛm. Zi e zi, bé a be ó lé eto le etuno Mbɨambɨa Lɔɔ é buobuo mokwar mo Samari.

Mɨlʉmlʉ 4:31

Jɨh tɨʼ bé a kʉ sil jwɨʼla e Zyɛm, gumo bé a syɛŋa ɛ, yé ntɔʼ ze ncyeŋa. Mbɨambɨa Sisim ze loŋlo bɨbɛh é mɨleme, bé ntɔʼ taare lé elɛɛ lɔɔ Zyɛm é kpɛŋlɛm, abaawe sɔʼɔ e mʉr.

Mɨlʉmlʉ 4:8

No ó, Pyɛr, nye mu lwɨŋla e Mbɨambɨa Sisim, a lɛɛ e be ó: «Ojwɨɨ o lal ndwe e l'otamabʉr!

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

1 Pyɛr 4:6

Ebe no ó Mbɨambɨa Lɔɔ, wé a lɛɔ boo «odwè» e. Zyɛm a dwe be mobe cye yiyɛh bé a be, bé dina kʉ ɨ, é l'efu ó, é jɔʼ bé ódime mih mpʉ bʉr bɨbɛh lé edime mih ɨ, bé diʼe e mɨsisim mɨkublakubla, mpʉ Zyɛm ndɨ ɨ.