1 Pyɛr 1:11 - Kálara Zyɛ̌m Edwán é mpʉ̌n

¹¹ Bé a be ó lé egwɨm gʉa mʉr Sisim mo Krɨst a lwib-lwib é lʉ we e, le jɔʼ mʉr waa óbɛm byɛl ɨ. Mbɨambɨa Sisim a boʼlo, tiibe e Lœma mulo mo Zyɛm ó, nye a jala ó, le esia e mɨtuu, ntɔʼ ni é kum we, pie tɨ. Nye a boʼlo no ó, bɨsyɛɛla bɨ tɨʼ apa syɛɛlɨ.

Kálar Nzyɛ̌m : Ejwán é Sáá

¹¹ Bé á be ó lɨ́ egwɨ̂m égʉ́a mʉ̂r Sísǐm mé Krîst á lwilwib, dumo e né nyá, le jɔʼ nyé ótíʼe yɨ́. Tó kœb ó, Sísǐm mé Nzyɛ̌m, wé á boʼlo ó, dumo e mitúú Krîst á jala le esia e myé mí, ti e kûm nyé ókǎ báʼǎ bi píe tɨ̂ʼ nyɨ́. Nye á boʼlo nó ó, bisyɛ́ɛla bi tɨ̂ʼ dína apǎ syɛ́ɛ.

1 Pyɛr 1:11 ပူးပေါင်းရင်းမြစ်များ

2 Pyɛr 1:21

Ogwiha o mɨlɔb, bé a baagwih mɨlɔb mo Zyɛm lé edu mpʉ gwɨma mɨleme myɔɔ, myé a be e. Bʉr, bé a lwib ó, mokan mé a duho boo Zyɛm ɨ, é zi Mbɨambɨa Sisim.

Rôm 8:9

Bɨn bɛɛ, bé abe bʉr o ndɨ edu bɨgwɨma bɨ nyʉl bɨpuno win ɨ. Bɨn bɛɛ mu lé ejoʼo ó, njɨ e Mbɨambɨa Sisim, ebe, Sisim waa, wé ó ndɨ é bɨn. ǃƗ mʉr baabe é zyɛŋa wɔɔ boo Sisim mo Krɨst nɛʼɛ, lɛɛ ó, mʉr waa, nye abe mʉr mo Krɨst.

Mɨngwiha 19:10

Jɔʼ me a joʼo no e, me ntɔʼ bɨʼ mpom wam si é mih me, lé edwiibɨ nye. Nye ze lɛɛ e me ó: «Daʼ sa no. Bɨna bé ó bʉr o ndɨ é l'empomo e syɛɛ egwar ɨ. Me ó mpʉ obɨɔ bo ndwe e l'okɛl bo ndɨ eboʼlo é lɔb mo Yesʉs ɨ. Dweʼ kum njɨ Zyɛm, ebe, ngwiha mɨlɔb nyiwɛh, nye eboʼlo ó, njɨ lɔb mo Yesʉs.»

Galásia 4:6

Ebe, bɨn mu ó bwan Zyɛm a ntɨh Sisim mo Mwan we e. Wi ze ni é mɨleme ga mina. Wé ó lé etine-tine bɨna ga ó, bɨna jeba ga Zyɛm, «Abba! Da!»

Yʉanes 12:41

Ezayi a lwib no ó, é jɔʼ nye a bee moncɛnba mo Lœma mulo mo Zyɛm ɨ. No ó nye a lwib-lwib é lɔb we e.

Lʉkas 24:44

Nye ze lɛɛ e be ó: «Bɨsyɛɛla bi, byé ó byaa me a bɛa lɛɛ bɨn ó, byé ósyɛɛlɨ ɨ. Bɨna dina lé ekœʼ ga sama, me a bal bɨn ó, sa yiyɛh, yé ósyɛɛ lé edira mɨlɔɔ ndɨ tila é l'okalara o motie Moyiz a tile e, e sikʉlʉ ogwiha o mɨlɔb bé a dwe e, ndwe e Kalara OSam, tiibe e me e.»

Mataos 26:24

Yé ó no: Mwan mo Mʉr ódwè é mpʉ yé ndɨ tila é Kalara Zyɛm, tiibe e nye e. Sa gwar, a vwaʼ e mʉr ókɛha Mwan mo Mʉr ɨ! Yé a ngbaa mbɨa mʉr waa ó, mpa nye a baabyɛl!»

Mɨlʉmlʉ 16:7

É jɔʼ bé a pyal kunokuno e lal Misia ɛ, bé a si saa eto Bitini. Sa gwar, Sisim mo Yesʉs, wé a baamɛʼle jwɨʼ yɔɔ yaa.