1 Pyɛr 1:10 - Kálara Zyɛ̌m Edwán é mpʉ̌n

¹⁰ Ogwiha o mɨlɔb, bé a bɛa gwih ó, Zyɛm ólɛʼle bɨn ncwɨncwɨa we, lɛɔ nteme ó, Zyɛm óbana dwe bɨn tiʼ molu mo mpoʼ mɨmɛh. Bé a si saa egʉa mozi nye a be ó, nye ótiʼ bɨn e tɨʼ ɨ, é saa saa, abeɔ.

Kálar Nzyɛ̌m : Ejwán é Sáá

¹⁰ Ogwíha o mílɔ̌b mé Nzyɛ̌m, bé á si boo gwîh, lɛ́ɔɔ ó, Nzyɛ̌m ósâ bɨ́n mpam ɨ́ buo buo. Bé á be yɨ́ɛ ó, agʉ́a ménzɨ̌ Nzyɛ̌m á be ó, nye ótíʼ mɨ́ná gá e tɨ̂ʼ má.

1 Pyɛr 1:10 ပူးပေါင်းရင်းမြစ်များ

Mataos 13:17

Me elɛɛ bɨn cyecye ó nɛɛ: buobuo ogwiha o mɨlɔb le ocɨcyel o bʉr, bé a gwɨm-gwɨm ó, bé beŋɨ sa bɨn lé ebee e, sa gwar, abee ye, le ejoʼo sa bɨn lé ejoʼo e, sa gwar, ajoʼo ye.»

Lʉkas 10:24

Me elɛɛ bɨn ó nɛɛ, buobuo ogwiha o mɨlɔb ndwe e mɨnjwɨɨbʉr, bé a gwɨm-gwɨm ó, bé beŋɨ sa bɨn lé ebee e, sa gwar, abee, le ejoʼo sa bɨn lé ejoʼo e, sa gwar, ajoʼo ye.»

Mɨlʉmlʉ 7:52

Lɛŋɨ ga me! Wáa ngwiha mɨlɔb bɨmpam ga bina, byé a baatíile e? Byé a si jʉ bʉr o b'a tuno zea mo Cɨcyel Mʉr ɨ. No ó, banana, bɨn bɨ kɛha nye, jʉŋɔ nye!

Yʉanes 5:39

Bɨn bé egba monyʉl lé ejwɨʼ Kalara Zyɛm é dwiii, bɨn lé ebee ó, tɨʼ ó bɨn bé óbi tiʼ molu mo mpoʼ mɨmɛh ɛ. To kœb ó, Kalara Zyɛm ngwar e ngwar waa ó ndɨ eboʼlo é lɔb wam!

Ebrœ̂ 11:13

Bʉr onɨ bɨbɛh, bé a dwè ó, bé dina lé ejyɛʼ taa buʼo yɔɔ boo Zyɛm, bé l'apa bi yɛɛ sa nye a kɛʼ be e. Sa gwar, bé a bee sa nye a kɛʼ be ó, yé dina jaabe, bé ze soho ye. Bé a kʉ gʉa é l'ocyecye ó, bé ó ojyoo nkʉ mɨngbaalaŋa é si nwa.

Mɨlʉmlʉ 10:43

Nye ó mʉr lɔb we ndɨ tila é l'okalara be ogwiha o mɨlɔb bɨbɛh ɛ. Bé a lɛɛ-lɛɛ ó, mʉr nyiwɛh ójyɛʼ taa buʼo ye boo nye e, Zyɛm ópɛʼ bɨbaa nye lé eniʼe é lɔb mɨsyem mye e. Nye ósa no ó, ebe die mo Yesʉs.»

Yʉanes 7:52

Bé ze bula dî e nye ó: «Zê go nteme, go ó mʉr Galɨle ɛ? Pahla Kalara Zyɛm. Go óbee ó, abe e ngwiha mɨlɔb ngwar lé eduho Galɨle.» [

Lʉkas 24:44

Nye ze lɛɛ e be ó: «Bɨsyɛɛla bi, byé ó byaa me a bɛa lɛɛ bɨn ó, byé ósyɛɛlɨ ɨ. Bɨna dina lé ekœʼ ga sama, me a bal bɨn ó, sa yiyɛh, yé ósyɛɛ lé edira mɨlɔɔ ndɨ tila é l'okalara o motie Moyiz a tile e, e sikʉlʉ ogwiha o mɨlɔb bé a dwe e, ndwe e Kalara OSam, tiibe e me e.»

Mataos 26:24

Yé ó no: Mwan mo Mʉr ódwè é mpʉ yé ndɨ tila é Kalara Zyɛm, tiibe e nye e. Sa gwar, a vwaʼ e mʉr ókɛha Mwan mo Mʉr ɨ! Yé a ngbaa mbɨa mʉr waa ó, mpa nye a baabyɛl!»

1 Pyɛr 1:11

Bé a be ó lé egwɨm gʉa mʉr Sisim mo Krɨst a lwib-lwib é lʉ we e, le jɔʼ mʉr waa óbɛm byɛl ɨ. Mbɨambɨa Sisim a boʼlo, tiibe e Lœma mulo mo Zyɛm ó, nye a jala ó, le esia e mɨtuu, ntɔʼ ni é kum we, pie tɨ. Nye a boʼlo no ó, bɨsyɛɛla bɨ tɨʼ apa syɛɛlɨ.

Mɨlʉmlʉ 17:11

Bʉr o Bere bé a kœb ɨ, bé a be ó é mbɨa mɨleme, laa oYʉden bé a be Tesalonika ɛ, ebe, mɨleme, myé a be ó be é ntɨɨɨŋ ó, bé jwɨʼɨ sikʉlʉ lé etiibe e Zyɛm ɨ. Dobo lɨlɛh, bé a be ó lé epahle Kalara Zyɛm lé ebee nkʉ sa Pol a lɛɛ-lɛɛ be e, yé a be ó cyecye.

Ebrœ̂ 11:40

Jwɨʼ Zyɛm a bà é l'efu ga lɨna ɛ, yé é embɨa, laa yaa nye a bà é l'efu lɔɔ ɛ, ebe, nye a tiʼe é leme we ó, nye ósa ó, bé kuma é l'ombɨmbɨa é mɨpaʼ mimyɛh, njɨ é jɔʼ bɨna ga e boo nɔɔ, bé ókumo tɨʼ ɨ.

Mɨlʉmlʉ 28:23

Bé ze cyel moho, bé e boo nɔɔ, bé a be ó, bé óbɔma ɛ. É jɔʼ moho waa, wé a pyal ɨ, bé ntɔʼ ze e bʉr é buobuo, ze kœb nye é gumo nye a di-di ɨ. Taare é mɛn, to pyal é bii kʉʼ, Pol a be ó lé epɛʼle be lɔɔ Zyɛm, le eboʼlo, tiibe e jwɨ̀ʼa mo Zyɛm, ndwe le esaa ó, nye dulo ó be, ó bé buʼla sikʉlʉ nye a dwe lé etiibe e Yesʉs ɨ. Nye a kœb-kœb sikʉlʉ nɨ ó, é motie mo Moyiz ndwe e sikʉlʉ ogwiha o mɨlɔb, bé a dwe e.

1 Pyɛr 1:13

Ebe no, pila ga monkwan. Gbaʼ ga lʉ lé ejwɨʼ lɔɔ waa. Gʉa mɛr ga mɨleme. Mɨleme min, myé beʼ lwɨŋla e mbɛla. Buʼla ga syɛɛla ncwɨncwɨa yé ósaŋɔ bɨn é jɔʼ Yesʉs-Krɨst óbâʼle nyin ɨ.