1 Pyɛr 1:1 - Kálara Zyɛ̌m Edwán é mpʉ̌n

¹ Mɛm, Pyɛr, lʉmlʉ mo Yesʉs-Krɨst ó lé etile bɨn kalara nwa. Me etile ó, bʉr o Zyɛm a pɛh, baa mu ojyoo, mu si myɛʼa, jala lal Pɔŋtos bé e waa Galat, e waa Kapadosia, ndwe e waa Azia, ka kɛl waa Bitini ɨ.

Kálar Nzyɛ̌m : Ejwán é Sáá

¹ Yé ó mɛm Pétrus, mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bʉr ó Nzyɛ̌m á twâr, dí etíʼě mpʉ ójwóo ɨ́ sí yɨ́yɛ̂h, mingbɛhá míngbɛhá ɨ́ mesí mé Pɔ́ŋtos, Galásia, Kapadosía, Azía le Bitinî bá.

1 Pyɛr 1:1 ပူးပေါင်းရင်းမြစ်များ

Jacques 1:1

Jacques, syɛl mosa mo Zyɛm bé e Da Yesʉs-Krɨst ó lé etile bɨn kalara nwa. Me esoho bɨn, bʉr o moveh ewʉm e moba mo Zyɛm, mu si myɛʼa, jala si nwaʼ nyiwɛh ɛ.

Ebrœ̂ 11:13

Bʉr onɨ bɨbɛh, bé a dwè ó, bé dina lé ejyɛʼ taa buʼo yɔɔ boo Zyɛm, bé l'apa bi yɛɛ sa nye a kɛʼ be e. Sa gwar, bé a bee sa nye a kɛʼ be ó, yé dina jaabe, bé ze soho ye. Bé a kʉ gʉa é l'ocyecye ó, bé ó ojyoo nkʉ mɨngbaalaŋa é si nwa.

Éfɛsɔs 2:19

Ebe no, bɨn bé aka be mɨndìndìl nkʉ mɨngbaalaŋa. Bɨn mu ó bʉr mo Zyɛm jwɨʼ gwar e gwar e mɨsaŋ mɨ bʉr be. Bɨn e boo nɔɔ, bé mu ó bʉr o mbɛr bʉr mo Zyɛm.

Mɨlʉmlʉ 8:4

Baa b'a gbɛha ɛ, ze to mɨlal e mɨlal myɛh, lé eto le elɛɛ lɔɔ Zyɛm.

Yʉanes 11:52

Abe njɨ é l'efu e bʉr o kul gwar yaa bé ome. Nye nteme a dwè ó, é l'efu e bwan mo Zyɛm bɨbɛh! Mpʉ bɨ myɛma é mɨlal myoonkan ɨ, nye ónʉa be, ntɔʼ syɛŋ be, ó bé diʼe njɨ sa gwar.)

Mataos 24:22

Yé be ó, Da atuŋlo molu maa nɛʼɛ, lɛɛ ó, mʉr ákwoʼ tiʼe. Sa gwar, nye ótuŋlo me ó, é l'efu e bʉr o nye a pɛh ɛ.

1 Pyɛr 2:11

Obɨɔ o kpɛl bam aa! Me ejwɨʼla e bɨn ó, bɨn diʼe mpʉ mɨndìndìl ndwe mɨngbaalaŋa é mɨlal mɨ si nwa. Diʼe ga é l'ecyooŋʉ, lé esyɛhle lɔb esa bɨsyɛɛla bɨpuno bin lé egwɨm, byaa ndɨ elwimla e mɨsisim min ɨ.

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

Éfɛsɔs 2:12

Toŋla ga nteme mpʉ bɨn bé a taare be-be e. É til molu yaa, Lœma mulo mo Zyɛm a baakunbo e bɨn. É nko paʼ kul bwa b'Ɨzraɛl, bɨn bé a si pɨmɔ é sama yɔɔ, duho mya. É nko paʼ mpʉn Zyɛm a de e bɨmpam byɔɔ ɛ, ndwe e monkɛʼ nye a liʼe bye e ma ɛ, bɨn bé a baabe ba e nkɔb tɨ. É til molu yaa yiyɛh, mɨleme min, myé a baabe ba e mbɛla. É si nwaʼ nyiwɛh, bʉr o bɨkul bin, bé a be ó, lé ejeʼe Zyɛm.

2 Korɛnt 1:8

No ó, obɨɔ ga bam, bɨh bé ekpɛl ó, bɨn gʉŋa mɨtuu e mɨndɛl bɨh bé a sia e mye é lal Azia ɛ. Bɨh bé a si kʉ bul sia e mye. Myé a si laa bɨh é nkul, to pyal é jɔʼ mɨleme mih, myé a baaka be e mbɛla ɛ. Bɨh bé a be ó lé esoŋlo nkʉ bɨh bé óbâʼle tiʼe mʉʉ molu.

Mɨlʉmlʉ 18:2

Nye ze bɔma e Yʉden, die le Akilas. Nye a byɛl ó, é lal Pɔŋtos. Nye a bɛa be ó Italia, ntɔʼ duho gʉ, ze Atɛn, bé e myɛl Priska, ebe, Kɛɛza Klodiʉs a cyel oYʉden mpene ó, mʉr aka di ɨ nkana Rom. No ó, Pol a ze baʼra mobo e be

Mɨngwiha 1:11

Nye e me ó: «Sa go lé ebee e, tila ye é kalara. Go à pile nye, cen mɨmbɛr mɨ Zyɛm tambɛl ndɨ ɨ Efɛɛz, ɨ Smirna, ɨ Pɛrgamos, ɨ Tiatir, ɨ Sardɛs, ɨ Filadɛlfi, ndwe ɨ Laodisea ɛ.»

2 Timotɛ 1:15

Go ebɛa gʉa ó, bʉr o lal Azia bɨbɛh, bɨ ntwiŋ me. Figɛlus, ndwe e Ermogɛn, bé ó é sama bʉr baa tʉŋlʉ.

Galásia 1:2

Bɨh e bʉʉ obuʼla ndɨ wâʼ ɛ, bɨh bé esoho bɨn, mɨmbɛr mɨ Zyɛm ndɨ é lal Galat ɨ.

1 Korɛnt 16:19

Bʉr o mɨmbɛr mɨ Zyɛm ndɨ é lal Azia ɛ, bé esoho bɨn. Akilas bé e Priska ndwe e bʉr o mbɛr Zyɛm ndɨ eze gwɨhla é mbɛr wɔɔ ɛ, bé esoho bɨn nteme é zyɛŋa wɔɔ boo Krɨst.

Mɨlʉmlʉ 19:10

Pol a sa no ó, tɔɔ mɨmbu mɨmba, to pyal é jɔʼ bʉr bɨbɛh bé a be lal Azia ɛ, oYʉden ndwe e bɨkul bɨfih, bé a sil joʼo mɨlɔb mo Da ɛ.

Mɨlʉmlʉ 18:23

Nye ze ja bwa molu gʉ, ntɔʼ mʉa, to é bɨpeh bɨ lal Galat ndwe e lal Frigia, lé eto le egba ompʉn bɨbɛh nkul é monyʉl.

Mɨlʉmlʉ 6:9

No ó bʉʉ bʉr, bé a mʉa, bé e boo Etyɛn ntɔʼ taare lé epɨra mokan. Bé a be ó bʉr o mpah mɨnjwɨʼla ndɨ e die ó, Mpah bʉr o b'a taare di é dia olʉa ɛ. Baʼ bʉr, bé a duho ó, é nkana Sirɛn; bʉʉ, duho nkana Alɛksandri, ndwe e lal Silisia, e waa Azia. Mpʉ bé a be lé epɨra mokan e l'Etyɛn ɨ,

Yʉanes 7:35

OYʉden ze taare lé edîila paʼra wɔɔ ó: «Nye óto wâʼ yɛɛ nko, é mbi ndɨ ó, bɨna bé aŋa ka bee ga nye e? Zê nye óto le eyeʼle oYʉden mu si myɛʼa, jala lal Grɛs ba ɛ? Zê nye óyeʼle nteme bʉr o Grɛs ɛ?

Mataos 10:2

Mɨlʉmlʉ mo Yesʉs ewʉm e mɨmba myaa ó mi: waa efoʼ, Simɔn ndɨ ejebɔ ó, Pyɛr ɨ, bé e ncyom we Andreas, Jacques, mwan mo Zebede, le ncyom we Yʉanes;

Mataos 4:18

Yesʉs a be ó lé ekœʼ é nkpah maŋ mo Galɨle. Nye ntɔʼ ze bee bʉr oba, Simɔn a jebɔ ó, Pyɛr ɨ, bé e ncyom we Andreas. Bé a be ó lé ela okʉa é modibe maŋ, ebe, bé a be ó olɛa be okʉa.

Lʉkas 18:7

Zê Zyɛm ódeʼ lé etiʼe mɨpɛha mɨ bʉr mye mɨlɔb myɔɔ é l'ocɨcyel ɛ? Tɨtoʼo! Bɛɛ nteme lé esa zyee lé ejwɨʼla e nye moho e pum!