1 Korɛnt 9:3 - Kálara Zyɛ̌m Edwán é mpʉ̌n

³ Bɨn bʉr o ndɨ ebee ó, bɨn bé e nkul elwib lɔb wam ɨ, mbi me lé ekomo nkar si ɨ, wé ó wi:

Kálar Nzyɛ̌m : Ejwán é Sáá

³ Mě kǎr lɔ̌b wâm ɨ́ mempǒm me bʉ̂r o dí enwâhle mé bá ó nɛ́ɛ:

1 Korɛnt 9:3 ပူးပေါင်းရင်းမြစ်များ

2 Timotɛ 4:16

É jɔʼ efoʼ me a komo nkar wam si ɨ, abe e mʉr a ze me é nkɔm; bɨbɛh, bé a si ntwiŋ me! Zyɛm beʼ yɛɛ l'aniʼe be baa ebebe tɨ.

Filipi 1:17

No ó, bʉr onɨ, bé elɛɛ lɔɔ mo Krɨst lé esa zyee lé efuo bɨdia e me, bɛɛ lé ejwɨʼ ó, bé óko me tuu fih cye yiyɛh me dina é mbʉʼ ɨ. Sa yaa, yé aduho be é mɨmo si.

Filipi 1:7

Yé ejala nteme ó, me pahla lɔb win é mbi waa, ebe, me ecwɨa e bɨn é buobuo. Zyɛm a si cwɨa e bɨna ga bɨbɛh jwɨʼ gwar. Me dam be é mbɛr mɨmbʉʼ tʉŋlʉ mpʉ me mu ɨ, me dam be é dia otî lé eboʼlo Mbɨambɨa Lɔɔ ndɨ eduho boo Zyɛm ɨ, mocyɛʼ mo mpom mo Zyɛm, mé eswɨɨ é bɨna ga é mbi ngwar.

2 Korɛnt 13:10

Ebe no ó me mu lé etile bɨn bɨsa bɨnɨ cye yiyɛh me l'apa ze gʉʼ bɨn ye e. Yʉʉ jɔʼ, é jɔʼ me óze gʉʼ bɨn ye e, me aŋa kœb sa yé ósa ó, me lɛʼla bɨn nkul mojwɨ̀ʼa wam ɨ. Da Yesʉs a dwe me nya ó, me gbaʼ bʉr nkul é monyʉl, abe ó, me biʼe nkul waa njɨ é l'efu le elɨr be lɨrɨ.

2 Korɛnt 13:5

Pahla ga bɨn bʉr o tɨ, bɨn beŋɨ nkʉ bɨn dina ó lé ejyɛʼ taa buʼo yin boo Zyɛm, nkʉ bɨn bé aka sa no. Bɨn bʉr o tɨ, saŋa egʉa ga nkʉ bɨn bé ekebe moveʼle le entaa mobʉbla. Zê bɨn bé agʉa ó, Yesʉs-Krɨst ó ndɨ é bɨn ɛ? Yé be ó, yé abe no nɛʼɛ, gʉŋa ga ó, bɨn bɨ ku moveʼle maa.

2 Korɛnt 13:3

Mbi zea waa, wé ó ngo be dweʼle bɨn lé egwɨm bee, yaa yé ólɛʼle bɨn ó, Krɨst ó ndɨ ekʉ lwib é zi wam. Krɨst, nye acyɛʼ é nko paʼ win! Nye ekʉ bul lɛʼle bʉr o mbɛr Zyɛm win nkul we.

1 Korɛnt 14:37

ǃƗ mʉr si bee ó, nye ó ngwiha mɨlɔb nɛʼɛ, nkʉ ntɔʼ ó, ǃnye si bee ó, nye ó e mɨndwɛa Mbɨambɨa Sisim a dwe nye wa, nye à gʉa nteme ó, sa me tile bɨn wâʼ kʉ ɨ, yé ó etie Da Yesʉs nye mʉr tɨʼ a tiile bɨna ga ɛ.

Mɨlʉmlʉ 25:16

Me ze bɨha e be ó, bɨh bʉr o Rom, bɨh bé abe e njwɨr ó, bɨh kɛha mʉr é mobo mo bʉr o ndɨ epur nye e, nye l'apa cyɛb é mih mɔɔ, ó nye fua nyʉl lé ekar mɨnkar mye.

Mɨlʉmlʉ 22:1

Pol, nye ó: «Mbɛngɛɛ, obɨɔ bam e l'osɔŋ bam aa! Joʼla ga é mpʉ me mu lé ekomo nkar si é mih mɨn yi ɔɔ!»

Lʉkas 12:11

É jɔʼ bé ódaʼre bɨn é mompah mɨnjwɨʼla mɔɔ, nkʉ é mih mo bʉr o ndɨ e nkul mojwɨ̀ʼa ɛ, to pur bɨn ɨ, mʉr asyɛl ga ba e nye mʉr tɨ, tiibe e nkar bɨn bé ófuo monyʉl mɨn e tɨʼ ɨ. Mʉr ayeʼbe mpɨha bɨn bé óbɨha be e,

1 Korɛnt 9:2

ǃƗ bʉr ofih si kɛla ó, me abe lʉmlʉ mo Krɨst nɛʼɛ, gʉŋa ga ó, me ó kʉ be lʉmlʉ we cyecye é nko paʼ win! Mpʉ bɨn mu é zyɛŋa win boo Da Yesʉs ɨ, bɨn mu ó dweʼle, sa ndɨ elɛʼle ó, me a si sea syɛɛ lʉmlʉ mo Krɨst.

1 Korɛnt 9:4

Bé dɨʼe dwe bɨh mode e monwoʼ. Mode monɨ, mé ó dɔɔ.