1 Korɛnt 8:9 - Kálara Zyɛ̌m Edwán é mpʉ̌n

⁹ Syɛɛla bɨn ndɨ e nkul esa, antaa yɛɛ etie e, yé óbɛm be nteme ebɔʼ bɨn ndɨ ekol nuu mʉr, laa lé ódumo nye e. No ó, kanba ga lé esa syɛɛla yaa.

Kálar Nzyɛ̌m : Ejwán é Sáá

⁹ Syɛ́ɛla bɨ́n dí e nkul esâ, agbah étié yɨ́, yé óbɛ̌m be ntémé ebɔ̌ʼ dí ejâ ɨ́ nzɨ̌ mé nyʉ́ʉ́ mʉ̂r lɨ́. Mʉr waá óbɛ̌m bɨm lé, ntɔ̂ʼ twe, ebě, nyé abe e mpǎŋ búʼó. Nó ó, kánwáá gá lɨ́ esâ syɛ́ɛla yaá.

1 Korɛnt 8:9 ပူးပေါင်းရင်းမြစ်များ

Galásia 5:13

Obɨɔ ga bam aa! Zyɛm a jebe bɨn ó, bɨn diʼe é dia otî. É dia otî yin yaa, amɛʼle ga ó, bɨn saʼ bɨsyɛɛla bɨ ebebe nyʉl bɨpuno ga wina lé egwɨm ɨ. Kpɛla ga. Sea ga nteme paʼra win.

1 Pyɛr 2:16

Zyɛm a sa ó, bɨn diʼe é dia otî. É dia otî yin yaa, yé ajala le efuʼla sa bɨn buuro ebɨ-leme lɨn e tɨʼ ɨ. Kœʼœ ga ebò e cyen lé elɛʼle mpʉ bɨn ndɨ molʉa mo Zyɛm ɨ.

2 Pyɛr 2:19

Bé ekɛʼ be ó, bé ópɛʼ be é dia olʉa, dil be é dia otî, bɛɛ yɛɛ njɨ molʉa mo pɨʼ ontʉlontʉl, ebe, sa yiyɛh mʉr lé ebaran e ye, yɛɛ lé entaa nye é nkul ɨ, mʉr waa, nye ó elʉa é l'efu e sa yaa.

1 Korɛnt 10:24

Mʉr beʼ l'asaa nyɔm we, wé ome. Mʉr saŋa sa ndɨ e nyɔm é l'efu e bʉʉ bʉr ɨ.

1 Korɛnt 10:32

Kœʼœ ga mpaŋ ebò e cyen é mbi ndɨ ó, bɨn l'ayi ka sa syɛɛla ndɨ ekol oYʉden ebɔʼ lé ódumo be e. Syɛhla ga nteme syɛɛla ndɨ ekol bʉr o bɨkul bɨfih ebɔʼ lé ódumo be e. Akol bʉr o Mbɛr-Zyɛm ebɔʼ lé ódumo be e.

1 Korɛnt 9:22

É jɔʼ me ndɨ esyɛŋa zi e bʉr l'apa nʉa pim é buʼo e, me enwɨɨla ó, mpʉ bʉr l'apa nʉa pim é buʼo e. Me esa no ó, me nkʉʼ dulo be. Me esaa enwɨɨla e mɨmbi mɨ bʉr mimyɛh é l'efu le etiʼ bʉʉ bʉr.

1 Korɛnt 8:12

É jɔʼ bɨn lé esa syem é mih mo obuʼla, le egba ecyɛʼ é monyʉl mo bʉr o l'apa lele buʼo e, bɨn bé ekʉ sa syem naa ó, é nko paʼ mo Krɨst!

1 Korɛnt 8:10

Gwɔɔ mʉr ndɨ elɛɛ ó, go é bul gʉa ɛ, ǃgo si to de tir a bàŋɔ é mpah bé ndɨ edwiibɨ ozyɛm bé a dɨ kpaʼ nɛʼɛ, go amu jaa sa syɛɛla yaa, nuu mʉr ntɔʼ baŋa ye, dam be ó, leme we, wé ó njɨ lé edwe nye mobe tɨ.

Mɨngwiha 2:14

Sa gwar, mɨ niʼe bɨn bɨbaa bɨ ebebe. Byé etiibe ó e motɨɨ bʉʉ bʉr o mbɛr Zyɛm win lé edu ɨ. Bé edu sikʉlʉ mo Balam. Nye ó waa a gomlo Balak é bebebebe zi, tɨe nye lé ekol ebɔʼ bwa b'Ɨzraɛl, bé óbɨm é mɨleme e. Ebe, nyɛɛ Balak a sa ó: nʉa tir a pa bàŋɔ é mpah bé ndɨ edwiibɨ ozyɛm bé a dɨ kpaʼ ɛ, ze timle nye bwa b'Ɨzraɛl. Bɛɛ ntɔʼ de nye, ze saŋɔ nteme bɨmala.

2 Korɛnt 11:21

Yé esa me fwon lé emɛʼle ó, ecyɛʼ bé lé elwɨɨ-lwɨɨ me e la ɛ, lé ó b'a sa ó, me l'ayi jaa bɨn mompɛh maa! Yé be ó, yé e nuu mʉr ndɨ e nkul edoʼo e yʉʉ syɛɛla e yʉʉ nɛʼɛ, mɛm nteme, me óbɛm doʼo e mbi syɛɛla ngwar e ngwar waa! (Me mu lwib naa ó mpʉ gʉ!)

1 Korɛnt 10:29

Me alɛɛ ó, go saʼ no ebe mɨpɛhla mɨ leme go. Me ekʉ lɛɛ ó, go duʼo myaa mɨ leme mo nyiha mʉr. Zê yé ó cɨcyel é jɔʼ mʉr lé edwe me mobe é lɔb bɨsyɛɛla me lé esa ngbàa me mu é dia otî ɨ?

Rôm 15:1

Bɨna ga, bʉr o b'a nʉa pim é buʼo e, bé ejala le edihbe bʉr o ndɨ é cyɛʼ buʼo e. Bɨna bé ajala le esaa ga mɨnyɔm ga mina.

Mataos 18:10

«Gʉa di ga ncye! Apyeh mwan ngwar é bwan ba, ebe, me elɛɛ bɨn ó nɛɛ: beengles bɔɔ ndɨ é jobo kʉ ɨ, bé ebee mpom mo Sɔŋ wam ndɨ é jobo kʉ ɨ, é sʉlʉlʉ jɔʼ yiyɛh. [

1 Korɛnt 10:28

ǃƗ mʉr si ka gwih e go ó: «Tir nwaʼ kʉ bàŋɔ muh ó, é mpah bé ndɨ edwiibɨ ozyɛm bé a dɨ kpaʼ» nɛʼɛ, gwɔɔ bene. Go ejala le ebir tir waa l'adeŋɔ é l'efu le ecwɨa e mʉr a gwih go lɔb waa ɛ. Go ejala le esa no ebe mɨpɛhla mɨ leme.

2 Korɛnt 6:3

Bɨh bé aŋa gba bʉr mobɔʼ é zi, lé ekpɛɛ ó, mʉr amu twe. No nteme ó bɨh bé ósa syɛɛ-Zyɛm, mʉr adwe bɨh mobe tɨʼ ɨ.

2 Korɛnt 11:29

Yé be ó, nuu mʉr, nye é cyɛʼ nɛʼɛ, yé edwe me ecyɛʼ e nyʉl. Yé be ó, nuu mʉr, nyi kol mbuʼla ebɔʼ nye lé ebɨm é leme nɛʼɛ, yé egba me ediʼa e leme.

Kolosi 2:8

Diʼe ga ncye! Mʉr adil bɨn é l'olʉa é zi bɨkʉʉŋʉ bʉʉ bʉr bé elɛɛ-lɛɛ ó, byé ó «ocyoo o si nwa», byaa ndɨ eduho é mɨnjwɨr bɨmpam ga bina, nkʉ ntɔʼ ó, sikʉlʉ bʉr o si nwaʼ lé ekuhlo e. Mokan mɔɔ, mé aduho boo Yesʉs-Krɨst.