1 Korɛnt 8:4 - Kálara Zyɛ̌m Edwán é mpʉ̌n

⁴ No ó, é lɔb ndɨa tir a pa bàŋɔ é mpah bé ndɨ edwiibɨ bɨbaŋabaŋa bɨdweʼle e, me bɨha bɨn ó, é mbi wi. Bɨna bé ekʉ gʉa ga ó, é jɔʼ okpɔʼ ndɨ edweʼle sa bé lé edwiibɨ no e, yé alɛɛ ó, sa bé a dweʼle e, yé ó kʉ be tɨʼ é l'ocyecye. Bɨna bé egʉa ga ó, Zyɛm, nye ó njɨ ngwar.

Kálar Nzyɛ̌m : Ejwán é Sáá

⁴ Nó ó, ɨ́ nkǒ páʼ ndéá tír á pa baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá, mɨná bé lɨ́ egʉ́a gá ó, sɔ̂ʼ, yé abe ɨ́ bikpɛʼkpɛ̂ʼ bí ónzyɛ̌m. Nzyɛ̌m, nye ó njɨ ngwár.

1 Korɛnt 8:4 ပူးပေါင်းရင်းမြစ်များ

1 Timotɛ 2:5

Ebe, Zyɛm, nye ó njɨ ngwar. No nteme ó, bʉr, bé e mosàa-mɔm ngwar lé eduula paʼra bʉr bé e boo Zyɛm ɨ. Nye mʉr tɨ, nye ó mʉr: Yesʉs-Krɨst.

Éfɛsɔs 4:6

Zyɛm, nye ó njɨ ngwar, Sɔŋ bʉr bɨbɛh. Nye ó lʉ sa yiyɛh, é sa yiyɛh. Nye nteme ó ndɨ é mʉr nyiwɛh tʉŋlʉ.

Markus 12:29

No ó Yesʉs a bɨha e nye ó: «Etie lé elaa motie mɨmɛh, lé ó: “Joʼa ga, bwa b'Ɨzraɛl: Sɔŋ ga wina Da Zyɛm, nye ó ndɨ Zyɛm nye ome.

Yʉ̂d 1:25

Nye ome ó ndɨ Zyɛm, nye nteme Tiʼbʉr ga wina. Kum, mpwaʼ, nkul le jwɨɨ, byé dweŋɔ Zyɛm é zyɛŋa ga wina boo Tî ga wina Yesʉs-Krɨst. Byé a bɛa be ó mbi jɔʼ yiʼ apa taare. Byé dina ó tɨ, ze pyal é banana. Byé óto dolo njʉmdia e njʉmdia. Amɛn.

1 Korɛnt 8:10

Gwɔɔ mʉr ndɨ elɛɛ ó, go é bul gʉa ɛ, ǃgo si to de tir a bàŋɔ é mpah bé ndɨ edwiibɨ ozyɛm bé a dɨ kpaʼ nɛʼɛ, go amu jaa sa syɛɛla yaa, nuu mʉr ntɔʼ baŋa ye, dam be ó, leme we, wé ó njɨ lé edwe nye mobe tɨ.

1 Korɛnt 8:1

Banana, bɨna kaʼ pahle ga lɔb tir lé ebàŋɔ é mpah bé ndɨ edwiibɨ ozyɛm bé a dɨ kpaʼ ɛ. Bɨna ga bɨbɛh, bé é bul gʉa no, kʉ be mpʉ bɨn lé elɛɛ ɛ. To kœb ó, ngwɨa, wé edwe mʉr ó njɨ nkɛa nyʉl. Kpɛl ó ndɨ esa ó bʉr o mbɛr Zyɛm gwɨa mbɨmbɨa.

Mɨlʉmlʉ 19:26

Bɨn bé ejoʼo le ebee mpʉ mʉr nɨ Pol lé elwib ɨ. Nyi sil nyiŋ montumo mo bʉr é buobuo lé elɛɛ ó, bɨbaŋabaŋa bɨdweʼle ndɨ mɨkpɛʼa ɛ, byé abe ozyɛm. Nye esa no wâʼ Efɛɛz. Sa gwar, nyi sa nteme ó, é lal Azia wiwɛh!

Mɨlʉmlʉ 14:15

Bé ó: «Bɨn bʉr o Listra ee! Yé bɨn muno ka sa mpʉnʉ nɨ? Bɨh nteme, bé ó bʉr mpʉ bɨn ndɨ ɨ. Bɨh pyal bɨn ye ó, lé eze lɛɛ Mbɨambɨa Lɔɔ, le elɛɛ bɨn ó nɛɛ, bɨn gwɨma baambɛhambɛha bɨsa, bɨn dwirɨ mɨleme, jyɛʼ taa buʼo yin boo Zyɛm, waa ndɨ kublakubla ɛ. Nye ó b'a cye kʉ e si, le maŋ ndwe e bɨsa bibyɛh ndɨ tɨʼ ɨ.

1 Timotɛ 1:17

Zyɛm ndɨ Njwɨɨbʉr njʉmdia e njʉmdia, waa ndɨ abe e nkul edwè, waa ndɨ anyin bʉr é mih, waa ndɨ Zyɛm nye ome e, duu ndwe e kum, byé diʼe é nye njʉmdia e njʉmdia. Amɛn.

Mɨlʉmlʉ 15:20

Bɨna tila ga yɛɛ kalara ó, bé ejala le edi é l'ecyooŋʉ, lé esyɛhle mɨlɔb mɨnâ mi: lɔb ede tir a bàŋɔ é mpah bé ndɨ edwiibɨ bɨbaŋabaŋa bɨdweʼle e, lɔb esa bɨmala e mɨfyɛba, lɔb ede tir a baasyɛhɔ twii, motié pʉʼa ɛ, ndwe e lɔb ede motié.

1 Korɛnt 8:11

Mʉr ndɨ e mɨpɛhla é leme nɨ, nye ó ndɨ mɨɔ ga wina Krɨst a dwè é l'efu le e. Nye ajala le edwè é lɔb sa go lé ejebe ó, «mpaŋ ngwɨa» ɛ.

Galásia 4:8

Molu pihe, bɨn bé a baapa gʉa Zyɛm. Bɨn bé a be-be ó, mpʉ molʉa, lé edu bɨbaŋabaŋa bɨdweʼle ndɨ mɨkpɛʼa ɛ, sa ndɨ abe ozyɛm ompa ɛ.