1 Korɛnt 4:9 - Kálara Zyɛ̌m Edwán é mpʉ̌n

⁹ Ebe, mbea wam, wé ó, Zyɛm a si cyel bɨh, mɨlʉmlʉ mye, é cye bʉr o jala le epyaŋɔ, baa bé lé ekpɛl jʉ teme bʉr ɨ. Bɨh mu ó si cyelɔ é mih mo bʉr mpʉ bʉr o jala le edwɛʼɔ ɛ, taare é bʉr o si nwa, to pyal é beengles.

Kálar Nzyɛ̌m : Ejwán é Sáá

⁹ Ebě, mbeá wâm, wé ó, Nzyɛ̌m á si tyêl bɨ̌h, bʉr o mílʉ́mlʉ́ bé, ɨ́ tyé bʉ̂r o jálá le ebuú pyaŋɔɔ, baá bé ókpɛl éjʉ̂ téme bʉr bá. Bɨ̌h mû ó, sí tyélɔɔ ɨ́ míh mé bʉ̂r mpʉ bʉ̂r o jálá le esiŋlɔɔ bá, táare e bʉr ó sí yɨ̂, kumo e beéngeles.

1 Korɛnt 4:9 ပူးပေါင်းရင်းမြစ်များ

Ebrœ̂ 10:33

É til molu yaa, baʼ bʉr é l'esama lɨn, bé a be ó lé elwɨɔ le etíilɔ é kpɛŋlɛm. No ó, bʉʉ bʉr bɛɛ, bé a mɛʼle ó, bé fuʼa bʉr o b'a saŋɔ no e.

Rôm 8:36

(Yé ó mpʉ yé ndɨ tila é Kalara Zyɛm ɨ. Yé ó tila ó: «Ebe, é lɔb go, gwɔɔ Zyɛm, bɨh bé é dobo lɨlɛh ó, odwè. É mih mo bʉr, bɨh bé ó mpʉ bɨtab jala le eto tiʼɔ ɛ.»)

Ebrœ̂ 1:14

Beengles bɛɛ, bé ozé? Bɨbɛh, bé ó mɨsisim lé esea e Zyɛm ɨ. Nye elomlo bɨna ga ba nteme ó, bé ntaʼ, ze fuʼo bʉr bé óbi tiʼ molu mo mpoʼ mɨmɛh ɛ.

Ebrœ̂ 11:36

É zi buʼo, bʉʉ bʉr, bé a si mɛʼle ó, bé lwɨɔ le ebîŋɔ, to kumo kuma ó, bé kaʼɔ e mɨkʉkob ndwe le egbaŋɔ be é mbɛr mɨmbʉʼ.

1 Tesalonika 3:3

Mpʉ bʉr mu lé edwe bɨn mɨtuu e mɨndɛl é bananaʼ ɛ, bɨh bé a lomo nye ó, bɨn beʼ l'adimle buʼo, duho tɨ. Bɨn bʉr o tɨ, bɨn bé egʉa ó, bɨntɨʼa bɨnɨ, byé ó sa Zyɛm a bɛa tiile é leme we ó, nye ókab bɨna ga ɛ.

2 Korɛnt 6:9

é jɔʼ bé ndɨ enʉa bɨh mpʉ bʉr o ndɨ agʉŋɔ ɛ, bɨh bɛɛ yɛɛ bʉr o lé egʉŋɔ ɛ, é jɔʼ bé ndɨ enʉa bɨh mpʉ mɨmuu, bɨh bɛɛ yɛɛ bʉr o dina kʉ ɨ, é jɔʼ bɨh lé ekabɔ bɨntɨʼa, bɨh bɛɛ yɛɛ l'ajʉŋɔ ɛ,

Mɨlʉmlʉ 19:31

Bʉʉ ongoman o lal Azia, baa bé a be ofo be e, ze lomlo nye mpaŋla, lé ejwɨʼla e nye ó, nye l'aka to gʉ, é l'ebɨm e bɨjʉʉ, ntʉ yaa dina lé esyɛɛlɨ.

Mɨlʉmlʉ 19:29

No ó, nkana yiyɛh, yé a be ó, kʉ be é leŋe-leŋe. Bʉr ze mɛrɔ Gaywis bé e Aristarkus, to le edulo be si e si, to e be é l'ebɨm e bɨjʉʉ. Bʉr baa, bé a be ó bʉr o Masedwan. Bé a be ó bʉr o sama cyen mo Pol, bʉr o bé e boo nɔɔ, bé a dɨ kœʼ œ.

1 Korɛnt 15:19

Yé be ó, mɨleme ga mina, myé ejyɛʼ taa buʼo yɔɔ boo Krɨst ó, njɨ é tiʼ si nwaʼ nɛʼɛ, lɛɛ ó, bɨna ga bé ó bʉr o ndɨ é bul kpaa nkoo e, laa bʉr o si nwaʼ bɨbɛh.

2 Korɛnt 11:23

Zê bé ó osyɛl o mosa mo Krɨst ɛ? (Me ekʉ lwib ó mpʉ gʉ!) Mɛm ó ndɨ é bul laŋle é nko paʼ waa! É nko paʼ bɨsyɛɛ, mɛm ó ndɨ é bul laŋle. É nko paʼ egbaŋɔ é mbʉʼ, mɛm ó ndɨ é bul laŋle. É nko paʼ mobiʼe, yé abe e tolɔɔ. É nko paʼ efie, me a be ó si jʉŋɔ zɔʼ e zɔʼ.