1 Korɛnt 4:4 - Kálara Zyɛ̌m Edwán é mpʉ̌n

⁴ Mɨpɛhla mɨ leme wam, myé adwe me mobe. No yé alɛʼle ó, mɛm, me ó cɨcyel mʉr. Da Yesʉs ó ndɨ elwib lɔb wam.

Kálar Nzyɛ̌m : Ejwán é Sáá

⁴ Mipahlá mí lémé wâm, myé anwâhle mê. Nó yé alɛ̂ʼle ó, mé abe e mebě. Tî Yésʉs ó dí etíʼě lɔ̌b wâm.

1 Korɛnt 4:4 ပူးပေါင်းရင်းမြစ်များ

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

2 Korɛnt 5:10

Ebe, bɨna bé ó yɨma ó, bɨna pyala ga é mih mo Krɨst é dia tiʼà mɨlɔb ye. Mʉr nyiwɛh óbi myɛna nkʉ ntɨʼa ó, du mpʉ bɨsyɛɛla bye, byé a be nye é jɔʼ nye a be, nye dina é tiʼ si nwaʼ ɛ: nkʉ byé a be ó é mbɨa, nkʉ ó, byé a be ó é bebe.

1 Korɛnt 4:5

No ó, atiʼe ga lɔb mo nuu mʉr cye yiyɛh yé l'apa pyal jɔʼ elab ɨ. Bona ga ó, Da, nye ntaʼ. Nye ópyɛl sa ndɨ é l'edurʉ ɨ, cen ye é myɛn. Nye ógwih bɨjwɨʼ bʉr lé ebà é mɨmo si ɨ. É jɔʼ yaa ó Zyɛm óseʼle bʉr be, dwe mʉr nyiwɛh kum ójala e nye e.

Rôm 2:13

Mʉr, nye aŋa bi mokebe é mih mo Zyɛm ebe mbi nye ndɨ ebaʼle motie mo Zyɛm ɨ. Waa lé edu mpʉ motie maa lé elɛɛ ɛ, nye ome ó ngo bi mokebe é mih mo Zyɛm.

Mɨlʉmlʉ 23:1

No ó, Pol a dwɛʼ bʉr o Bʉm Nɨnɨ é tʉʉʉŋ. Nye ó: «Obɨɔ ga bam aa! Me e leme é mo é pyɛɛɛ lé etiʼe é mih mo Zyɛm, ze pyal é muh é dobo lɨ.»

Yʉanes 21:17

Pie tɨ, nye ze bâʼle dî e nye é jɔʼ lɛl ó: «Simɔn, mwan mo Yʉanes, zê go lé ekpɛl me ɛ?» Pyɛr ntɔʼ liʼ é gœʼra-gœʼra e mocyɛʼ mo nyʉl, ebe, Yesʉs a si bâʼle dî e nye é jɔʼ lɛl ó: «Simɔn, mwan mo Yʉanes, zê go lé ekpɛl me ɛ?» Nye e nye ó: «Da, go egʉa sa yiyɛh! Go ekʉ gʉa nteme ó, me ekpɛl go!» Yesʉs, nye e nye ó: «Kobla daa e bɨntœme lam.

Rôm 4:2

Nkʉ Abraham a be ó be, bi mokebe é mih mo Zyɛm ebe mɨmpaŋ bɨsyɛɛla bye nɛʼɛ, mpa nye a si bi sa edoʼo e tɨ. Sa gwar, nye a baangbaa doʼo e bye é mih mo Zyɛm,

1 Korɛnt 4:3

Me asyɛl ba e me mʉr tɨ, tiibe e lɔb wam, le mpʉ bɨn bé óbɛm lwib we e, nkʉ nteme, mpʉ nuu mpah mɨlɔb fih ólwib we e. Mɛm nteme, me atiʼe lɔb wam me mʉr tɨ.