1 Korɛnt 4:2 - Kálara Zyɛ̌m Edwán é mpʉ̌n

² Sa bé lé ejɨ bee boo mbɔʼlʉ ekuro e, yé ó, nye diʼe mʉr ebuʼla.

Kálar Nzyɛ̌m : Ejwán é Sáá

² Tó kœb ó, sá bé dí edî e mʉr dí ebaʼlě mbɛ̌r nyá yɨ́, yé ó, nye díʼee mʉr ebúʼlɔɔ.

1 Korɛnt 4:2 ပူးပေါင်းရင်းမြစ်များ

Mataos 25:21

«No ó, masa, nye e nye ó: “Yé é mbɨa! Go ó mpaŋ syɛl mosa ebuʼlɔ, ebe, gɨ gʉa ebaʼle sa ndɨ titia ɛ. Me ócyel go é dia ó, go baʼla byaa ndɨ é buobuo e. Ntaʼ, ze soho jwɨʼ gwar mpʉ mɛm sɔŋ go mu lé esoho e.”

Lʉkas 12:42

Da ntɔʼ bula dî e nye tia ó: «Wáa mʉr é bɨn ndɨ mʉr ebuʼla, waa ndɨ cɨcyoo mbɔʼlʉ ekuro e? Mbi syɛl mosa waa, nye ó waa njwɨɨ we ócyel é mbɛr we ó, nye diʼe lʉ osyɛl o mosa be. Nye ó ngo kab bʉr o nduo ye monkɔb mode mɔɔ é bɨjɔʼ lé ejala ɛ.

Mataos 25:23

«No ó masa we a ze lɛɛ e nye ó: “É mbɨa! Go ó mpaŋ syɛl mosa ebuʼlɔ, ebe, go a si gʉa baʼle sa ndɨ titia ɛ. Me ócyel go é dia ó, go baʼla byaa ndɨ é buobuo e. Ntaʼ, ze soho jwɨʼ gwar mpʉ mɛm sɔŋ go mu lé esoho e.”

Kolosi 4:17

Lɛŋɨ ga nteme e Arkipɔs ó: «Gbaʼ nyʉl é syɛɛ Da Yesʉs a lɛɛ ó, go sea ɛ. Go à loŋla ye.»

2 Korɛnt 2:17

No ó, bɨh bɛɛ, bé abe mpʉ obɛma o mɨlɔb mo Zyɛm. Zyɛm a lomo bɨh ó, loma. Lwib yaa, yé eduho bɨh é mɨmo si. Bɨh bé elwib mɨlɔb mye ó, é mih mo Zyɛm, é lɔb zyɛŋa wih boo Krɨst.

Kolosi 1:7

Lɔɔ waa, wé ó bɨn bé a joʼo boo Epafras ɨ. Nye ó mɨɔ kpɛl wih, mʉr bɨh e boo nɔɔ ndɨ é l'empomo e syɛɛ egwar ɨ. Nye ó syɛl mosa Krɨst a ntɨh bɨn, waa ndɨ mʉr ebuʼla ɛ.

1 Korɛnt 7:25

É lɔb mɨloʼo dina apa be e motie ó, bé óbɛa ɛ, me abe e guu tiʼa Da Yesʉs a nʉa é wɔɔ paʼ. Dam be no, me elɛɛ yɛɛ ó, wam pɛhla é cye mʉr Da Yesʉs a jwɨʼ nkoo, waa ndɨ mʉr ebuʼla ɛ.

2 Korɛnt 4:2

Bɨh bé a nʉa tiʼa ó, bɨh bé aŋa sa bɨsyɛɛla bɨ fwon ndwe e byaa mofo, nkʉ sea e pɨʼ bɨkʉʉŋʉ. Lɔɔ Zyɛm bɨh bé a timlɔ, waa bɨh lé eyeʼle e, bɨh bé asiila sɔʼɔ tɨ. Bɨh bé ekʉ ka dwe ó njɨ mpaŋ sikʉlʉ ndɨ cyecye e. É mbi waa ó bɨh lé esa ó, mʉr nyiwɛh beŋɨ bɨh e mɨpɛhla mɨ leme ndɨ é pyɛɛɛ ɛ. Bɨh bé esa no ó, é mih mo Zyɛm.

Kolosi 4:7

Bɨsa bibyɛh lé etiibe e me e, Tisikos óka lɛɛ bɨn bya, nyɛɛ mʉr ndɨ mɨɔ kpɛl ga wina, le syɛl mosa mo Da Yesʉs ɨ. Nye ó mʉr ebuʼla, nye nteme mʉr bɨh e nɔɔ ndɨ é l'empomo e syɛɛ egwar ɨ.

1 Korɛnt 4:17

Ebe no ó me a lomlo bɨn Timote, mwan kpɛl wam ɨ. Nye nteme ó é zyɛŋa wɔɔ boo Tî ga wina, le mʉr ebuʼla. Nye ó ngo jɨm bɨtoŋla bin é lɔb ebò e cyen me lé ekœʼ é zyɛŋa wih boo Yesʉs-Krɨst ɨ. Me edwe mɨmbɛr mɨ Zyɛm mimyɛh sikʉlʉ yaa ó, bé kœʼœ ebò e cyen egwar laa.

1 Korɛnt 4:1

Bɨn bé ejala le enʉa bɨh bɛɛ mɨlʉmlʉ mo Krɨst mpʉ osyɛl o mosa be. Bɨh bé ó baa ndɨ egʉa ebaʼle lwib odim mo Zyɛm ɨ.

1 Korɛnt 4:3

Me asyɛl ba e me mʉr tɨ, tiibe e lɔb wam, le mpʉ bɨn bé óbɛm lwib we e, nkʉ nteme, mpʉ nuu mpah mɨlɔb fih ólwib we e. Mɛm nteme, me atiʼe lɔb wam me mʉr tɨ.