1 Korɛnt 3:3 - Kálara Zyɛ̌m Edwán é mpʉ̌n

³ ebe, bɨn bé etiʼe-tiʼe ó, kʉ be mpʉ bʉr o si nwa. Bɨn mu ó lé esa mpɔʼa monkɔm ndwe le esiila motwii. Zê bɨn bé abee naa ó, bɨn bɨ kʉ nʉa dweʼle tiʼ mo bʉr o si nwaʼ ɛ? Bɨn bé ekʉ kœʼ ebò e cyen bʉr o si nwaʼ lé ebul kœʼ œ.

Kálar Nzyɛ̌m : Ejwán é Sáá

³ ebě, bɨ̌n tiʼe ó mpʉ bʉ̂r ó sí yɨ̂. Bɨ̌n bé lɨ́ esâ nzwíí le egœ́a páʼ nyɨ́n. Nzê bɨ̌n bé abee náǎ ó, bɨ̌n dína ó, lɨ́ ekʉ́ tiʼě mpʉ bʉ̂r ó sí yɨ̂ʼ ɛ̌? Bɨ̌n bé lɨ́ ekʉ́ dû kʉ̌ tyen bʉ̂r ó sí yɨ̂!

1 Korɛnt 3:3 ပူးပေါင်းရင်းမြစ်များ

Jacques 3:16

Ebe, gumo baʼ bʉr lé esie bʉʉ ndwe le esa zyee lé efuo bɨdia ɛ, tɨʼ, yé ó e l'oleŋeleŋe ndwe e bɨbebebebe mɨnjwɨr, mɨmbi mɨmbi.

Títos 3:3

Ebe, bɨna bé a taare be ga nteme ó no: bɨgʉ, baajoʼo-motɨɨ, si gʉmla é bebebebe zi. Bɨna bé a di-di ga ó, molʉa mo Syem, lé edu bɨgwɨma mɨmbi mɨmbi. Bɨna bé a tiʼe-tiʼe ga ó, lé enwim bʉr. Bɛɛ nteme lé enwim bɨna. Bɨna bé a be ó lé esiila ga nteme paʼra ga wina.

Galásia 5:15

Sa gwar, ǃbɨn si koʼla, le etɛl paʼra win, mpʉ otir o montiʼ lé esa nɛʼɛ, bɨn bé à di ncye. Bɨn bé amu jaa sie lé ejwɨɨla paʼra win.

2 Korɛnt 12:20

ebe, me ekpɛɛ ó, me amu be, abâʼle bɔma e bɨn lé epyal lam mpʉ me lé egwɨm ɨ. Bɨn bé amu kœb me, abe mpʉ bɨn lé egwɨm ɨ. Yé amu be nteme ó, me kœbɨ bɨn lé esa mpɔʼa monkɔm, zii, mompime, zyee lé efuo bɨdia, movoʼ, mpuʼ, nkɛa nyʉl, le bɨntʉ.

1 Korɛnt 11:18

Sa efoʼ, yé ó, é jɔʼ mbɛr Zyɛm win, wé lé eze gwɨhla ɛ, bé elɛɛ me ó, bɨn bé esa-sa mpɔʼa monkɔm, me nteme lé ebuʼla lɔɔ waa.

1 Korɛnt 1:11

Obɨɔ ga bam aa! Bʉr o ndɨ mbɛr bʉr mo Kloe ɨ, bɨ lɛɛ me ó, bɨn mu ó lé esa mpɔʼa monkɔm.

Rôm 13:13

Bɨna kœʼœ ga ebò e cyen ndɨ ejala e bʉr o ndɨ é myɛn ɨ. Bɨna l'ayi lɔʼba ga le ebwal mozɔɔ, nkʉ fwaʼ monwoʼ, nkʉ lama fwon é zi bɨduo, nkʉ sa bɨmala zam e l'ekomo, nkʉ sa mpɔʼa monkɔm, nkʉ zii.

1 Pyɛr 4:2

Mbi mʉr waa, wé óka tiʼe-tiʼe é si nwaʼ ó, njɨ lé eloŋlo gwɨma mo Zyɛm. É jɔʼ nye dina mʉr si nwaʼ ɛ, nye ákwoʼ ka loŋlo bɨgwɨma bɨ nyʉl bɨpuno.

1 Korɛnt 1:10

Obɨɔ ga bam aa! É die mo Tî ga wina Yesʉs-Krɨst, me ejwɨʼla e bɨn, ó: diʼe ga twii. Mpɔʼa monkɔm, nye l'aka nyamle be é l'esama lɨn tʉŋlʉ. Me ejwɨʼla ó, bɨn diʼe é zyɛŋa win mbɨmbɨa, mɨpɛhla mɨmpwar, gwɨma gwar.

1 Korɛnt 3:4

É l'esama lɨn, yé ó: nwaʼ mʉr, nye elɛɛ ó: «Me ó mpʉn mo Pol!» Nuu, nye ó: «Mɛm, me ó mpʉn mo Apolos!» Zê bɨn bé abee naa ó, bɨn bé ekœʼ ebò e cyen ndɨ enyin boo bʉr o si nwaʼ ɛ?