1 Korɛnt 2:4 - Kálara Zyɛ̌m Edwán é mpʉ̌n

⁴ Lwib yam ndwe e mbi me a cen mpaŋla mo Zyɛm ɨ, byé a baabe bɨlwib ndɨ lwɨŋla e l'ocyoo o mbi jɔʼ yi. Sa yé a tine bɨn ó, bɨn buʼla sikʉlʉ yaa ɛ, yé a be ó, bɨsyɛɛla Mbɨambɨa Sisim a sa e nkul we e.

Kálar Nzyɛ̌m : Ejwán é Sáá

⁴ Lɛ́ʼlá wâm ndu e lwibá mílɔ̌b mé Nzyɛ̌m wâm, byé á bé abe bílwǐb bi dí ɨ́ tɨ́ŋ le ocwóó ó sí yɨ̂ʼ bí. Sá yé á tíne bɨ̌n ó, bɨ̌n bûʼlaa lɛ́ʼlá waá yɨ́, yé á be ó, bisyɛ́ɛlǎ Sísǐm mé Nzyɛ̌m wé á sâ e nkul nyé bí.

1 Korɛnt 2:4 ပူးပေါင်းရင်းမြစ်များ

1 Korɛnt 4:20

Ebe, bɨsyɛɛla bɨ jwɨ̀ʼa mo Zyɛm, byé adu bɨlɛba. Byé ebul dwɛʼ ó, mbi nkul mʉr ndɨ e nye e.

1 Tesalonika 1:5

ebe, é jɔʼ bɨh bé a lɛɛ bɨn Mbɨambɨa Lɔɔ ɛ, bɨn bé a baanʉa lɔɔ waa e l'epɨh. Yé ó, ebe, é jɔʼ gwar yaa, Zyɛm a si lɛʼle bɨn nkul nɨnɨ we tɨ. Sisim we, wé a si fulo nteme é bɨn. Bɨn bé a ka gʉa é jɔʼ yaa ó, lɔɔ waa, wé a kʉ be ó cyecye. Bɨn bé egʉa nteme mpʉ bɨna bé a be-be ga ɛ. Bɨh bé a tiʼe-tiʼe no ó, é l'efu le edi bɨn e nyɔm.

1 Korɛnt 1:17

Krɨst a baalomo me ó, me toʼ le edù bʉr. Nye a lomo me ó, me toʼ, to lɛɛ Mbɨambɨa Lɔɔ. Me tuna we, abe e mokan é lʉo-lʉo, ó efie nye a dwè é klos kʉ ɨ, lé nkʉʼ be, adimle nkul we.

1 Korɛnt 2:1

Obɨɔ ga bam aa! É jɔʼ me a ze gʉʼ bɨn ye lé eze pɛʼle bɨn mokan, le elɛʼle bɨn lwib odim mo Zyɛm ɨ, me a baaze ba e pɨʼ ó, me ólwib e bɨn e mokan é lʉo-lʉo nkʉ e lwib ocyoo.

Rôm 15:19

Zyɛm a be ó si sa bɨdweʼle bɨ nkul we ndwe e bɨsa bɨ jehe é zi wam é nkul mo Mbɨambɨa Sisim. Me a ze sa tuno é lɔb Mbɨambɨa Lɔɔ lé etiibe e Yesʉs-Krɨst ó, bɨgumo bibyɛh, taare ɨ Yerʉsalɛm, to pyal é Iliri.

2 Pyɛr 1:16

Bɨh ó b'a sa ó, bɨn gʉŋa mpʉ Tî ga wina Yesʉs-Krɨst a nyin e buobuo nkul ɨ. Yé a baabe ebe pɨʼ bɨh bé a nʉa, duho é bɨkɨkɛna bɨ mpʉl ɨ. Sa yé a sa ó, bɨh lɛʼla bɨn no e, yé a be ó bɨh bé a si bee mpwaʼ we e mih mɨh.

1 Korɛnt 2:13

Bɨh bé edwe bɨn ó sikʉlʉ yaa. Bɨh bé alwib e mokan mo ocyoo o si nwa, njɨ e mokan Mbɨambɨa Sisim lé edwe bɨh ɨ. Ebe no ó bɨh lé entɛŋ bɨn sikʉlʉ Mbɨambɨa Sisim lé etaare dwe bɨh ɨ.

Kolosi 2:4

Me elwib e bɨn é mbi wiʼ ó, mʉr beʼ l'akʉa bɨn é zi lwib bɨkʉʉŋʉ bʉr lé emɛʼle e.

2 Pyɛr 2:18

Bé elwib-lwib ó e mokan mo jaale, maa ndɨ mbɛh ɛ. Bé ekwab bʉr o b'a ngbaa pʉʼa é sama bʉr o bé e boo nɔɔ, bé a dɨ sa syem ɨ. Bé ekwab be no ó, lé elɛʼle be egba monyʉl mɔɔ lé esa bɨmala zam e l'ekomo.

1 Pyɛr 1:12

Zyɛm a ka lɛɛ ogwiha o mɨlɔb baa ó, lɔɔ bé a to le elɛɛ ɛ, wé a baabe é l'efu lɔɔ, bé bʉr o tɨ, ó bé gʉŋa we é kpɛhla. Bé a ze lé elɛɛ we ó, é l'efu lɨn. Bɨn ó ndɨ edira nyɔm e lɔɔ waa é banana, é nkul mo Mbɨambɨa Sisim a ntɨhɔ bɨn, duho é jobo kʉ ɨ. Lɔɔ bé a lɛɛ-lɛɛ bɨn ɨ, wé ó waa beengles lé ebul gwɨm gʉa ɛ.

Galásia 1:10

No ó, banana, bɨn bé etoŋlo é yé? Zê me lé ekʉ bul saa ó, bʉr dweʼ me mokebe ɛ? Zê me lé esaa ó, Zyɛm dweʼ me ma ɛ? Zê gwɨma yam, yé ó bʉr kpɛlɨ me ɛ? Nkʉ me be ó be, sa sa bʉr o si nwaʼ lé egwɨm nɛʼɛ, mpa me aka kunbo e syɛl mosa mo Krɨst.

Rôm 16:18

Mɨmbi mɨ bʉr myaa, ntʉʼ Tî ga wina Krɨst, bé lé esea. Bé ekʉ ka sea syɛɛ ó njɨ é l'efu e mɨmo myɔɔ! Bé edimle bʉr l'apa gʉa ebɛʼ paʼra embɨa e l'ebebe e, lé ekʉa be é zi lwib mopɨʼ ndwe e moseʼla.

Mɨlʉmlʉ 20:27

ebe, me a baaliʼa lé egwih bɨn sa yiyɛh Zyɛm a tiʼe é leme we e.

Mɨlʉmlʉ 26:28

Agripa ntɔʼ lɛɛ e Pol ó: «Go ejɨ sa kam e kam ó, me tweʼ twii e bɨn, ntɔʼ syɛŋa sama e l'okristen.»

Rôm 15:13

No ó, Zyɛm lé egba bʉr mbɛla é mɨleme e, nye cyɛba bɨn é mɨleme, ó bɨn soha é jɔʼ yiyɛh. Mɨleme min, myé loŋla e motala ebe buʼo yin. No ó myé óloŋlo e mbɛla ebe nkul mo Mbɨambɨa Sisim ɨ.

2 Korɛnt 6:6

Bɨh bé elɛʼle bɨn bɨdweʼle, sa yé a lɛʼle bɨn ó, bɨh bé ó mɨlʉmlʉ ɨ. Yé a be ó: é l'ebò e cyen lɨh lé a be é pememe e, é ngwɨa wih, é bihbe wih, é ncwɨncwɨa wih, é bɨsyɛɛla bɨh lé esa é Mbɨambɨa Sisim ɨ, é kpɛl ndɨ eduho bɨh é mɨmo si ɨ,