1 Korɛnt 2:1 - Kálara Zyɛ̌m Edwán é mpʉ̌n

¹ Obɨɔ ga bam aa! É jɔʼ me a ze gʉʼ bɨn ye lé eze pɛʼle bɨn mokan, le elɛʼle bɨn lwib odim mo Zyɛm ɨ, me a baaze ba e pɨʼ ó, me ólwib e bɨn e mokan é lʉo-lʉo nkʉ e lwib ocyoo.

Kálar Nzyɛ̌m : Ejwán é Sáá

¹ Bɨ́ɔɔ́ bâm! Okɛ́l bâm! Ɨ́ jɔʼ mé á nze kwá nyɨ́n lɨ́ enzě pâʼla bɨ́n lwǐb ódîm mé Nzyɛ̌m yɨ́, me á bé alwib e mekǎn mé á be ɨ́ buú kɔbla má, nkʉ̂ e lwǐb ócwóó.

1 Korɛnt 2:1 ပူးပေါင်းရင်းမြစ်များ

1 Korɛnt 1:17

Krɨst a baalomo me ó, me toʼ le edù bʉr. Nye a lomo me ó, me toʼ, to lɛɛ Mbɨambɨa Lɔɔ. Me tuna we, abe e mokan é lʉo-lʉo, ó efie nye a dwè é klos kʉ ɨ, lé nkʉʼ be, adimle nkul we.

1 Korɛnt 2:13

Bɨh bé edwe bɨn ó sikʉlʉ yaa. Bɨh bé alwib e mokan mo ocyoo o si nwa, njɨ e mokan Mbɨambɨa Sisim lé edwe bɨh ɨ. Ebe no ó bɨh lé entɛŋ bɨn sikʉlʉ Mbɨambɨa Sisim lé etaare dwe bɨh ɨ.

1 Korɛnt 2:4

Lwib yam ndwe e mbi me a cen mpaŋla mo Zyɛm ɨ, byé a baabe bɨlwib ndɨ lwɨŋla e l'ocyoo o mbi jɔʼ yi. Sa yé a tine bɨn ó, bɨn buʼla sikʉlʉ yaa ɛ, yé a be ó, bɨsyɛɛla Mbɨambɨa Sisim a sa e nkul we e.

2 Timotɛ 1:8

Ebe no, ajoʼo fwon é lɔb sa bɨna ndɨ eboʼlo ga, tiibe e Da Yesʉs ɨ. Laa ó, go joʼa mboʼla waa fwon, fuo dihbe yɛɛ mɨtuu lé entɨhɔ bɨna é lɔb Mbɨambɨa Lɔɔ ɛ. Go à dihbe é zi nkul Zyɛm lé edwe e. Ajoʼo nteme me fwon, mɛm ndɨ mbʉʼ we e.

Rôm 16:18

Mɨmbi mɨ bʉr myaa, ntʉʼ Tî ga wina Krɨst, bé lé esea. Bé ekʉ ka sea syɛɛ ó njɨ é l'efu e mɨmo myɔɔ! Bé edimle bʉr l'apa gʉa ebɛʼ paʼra embɨa e l'ebebe e, lé ekʉa be é zi lwib mopɨʼ ndwe e moseʼla.

2 Korɛnt 11:6

Yé be ó, me abe e nkul elwib e bʉr e mokan é lʉo-lʉo nɛʼɛ, me yɛɛ ó e ngwɨa bɨsɔʼɔ. É mozi monɨ mɨmɛh ó bɨh bé a lɛʼle bɨn mbi bʉr bɨh ndɨ ɨ, é mih mɨn é pono.

Mɨngwiha 1:2

Me ó mboʼla é nko paʼ bɨsa bibyɛh me a bee e. Me eboʼlo ó, tiibe e mɨlɔb mo Zyɛm ndwe e sa Yesʉs-Krɨst lé eboʼlo é kalara nwaʼ ɛ.

1 Yʉanes 4:14

Bɨna bɨ bee ga sa bɨna lé eto le eboʼlo ga ɛ. Mboʼla ga wina, wé ó wi: Zyɛm Sɔŋ a ntɨh Mwan we ó, nye beʼ Tiʼbʉr é l'efu e si nwaʼ nyiwɛh.

2 Tesalonika 1:10

Nye óze sa be no é dobo le etiʼ e mɨlɔb, é jɔʼ mɨsaŋ mɨ bʉr be, bé ódwe nye kum ɨ. Bʉr bɨbɛh bé óbe si jyɛʼ taa buʼo yɔɔ boo nye e, bé ójehe nye é l'epyal le. Bɨn nteme bé óbe ó tɨʼ é sama yaa, ebe, bɨn bé a si buʼla mboʼla wih.

1 Korɛnt 1:6

Ebe, bɨn bé a si buʼla sa bɨh bé a boʼlo, tiibe e Yesʉs-Krɨst ɨ.

Mɨlʉmlʉ 22:18

Me a bee ó Da Yesʉs! Nye ze lɛɛ e me ó: “Saʼ kam e kam, go kpahba mʉa ɨ Yerʉsalɛm, ebe, bʉr o tɨ, bé aŋa mɛʼle mboʼla go óboʼlo, tiibe e me e.”

Mɨlʉmlʉ 20:21

Me a si boʼlo boo oYʉden, ndwe e bʉr o bɨkul bɨfih ó, bé gwɨma mobebe mɔɔ le edwir mɨleme, lé esa Zyɛm mojoʼo. Bé jyɛʼɛ taa buʼo yɔɔ boo Tî ga wina Yesʉs.

Mɨngwiha 19:10

Jɔʼ me a joʼo no e, me ntɔʼ bɨʼ mpom wam si é mih me, lé edwiibɨ nye. Nye ze lɛɛ e me ó: «Daʼ sa no. Bɨna bé ó bʉr o ndɨ é l'empomo e syɛɛ egwar ɨ. Me ó mpʉ obɨɔ bo ndwe e l'okɛl bo ndɨ eboʼlo é lɔb mo Yesʉs ɨ. Dweʼ kum njɨ Zyɛm, ebe, ngwiha mɨlɔb nyiwɛh, nye eboʼlo ó, njɨ lɔb mo Yesʉs.»

Mɨngwiha 1:9

Yé ó mɛm mɨɔ win Yʉanes. Bɨna ga bé ó é zyɛŋa-mɨleme obuʼla tʉŋlʉ. Bɨna ga bé ó bʉr o ndɨ ebɔma e tíila gwar ɨ. Bɨna ga bɨbɛh, bé ó é jwɨ̀ʼa mo Yesʉs. Bɨna ga bɨbɛh, bé edihbe mɨtuu mɨmpwar ebe nye. Bé a si mɛr me, pɨrɔ me é dine Patmos. Bé a sa me no ó, ebe lɔɔ Zyɛm me a be lé elɛɛ ɛ, ndwe e mboʼla me lé eboʼlo, tiibe e Yesʉs ɨ.

1 Timotɛ 1:11

Sikʉlʉ yaa, yé ó yaa lé eduho é Mbɨambɨa Lɔɔ ndɨ e kum ɨ. Zyɛm bɨna lé eseʼle e, a timle me lɔɔ waa ó, me baʼla we.

2 Korɛnt 10:10

Ebe, bé elɛɛ ó: «É jɔʼ Pol lé etile bɨh okalara ɛ, nye etile bɨna ga ó njɨ e monyan. To kœb ó, é jɔʼ nye ndɨ é l'esama ga yina ɛ, nye ó mpʉ cyɛʼ-bol; lwib ye nteme, lwib epyehɔ.»

Rôm 16:25

A bwaʼ nkul Zyɛm ndɨ e nye ee! Nkul waa ó mu lé elɨl bɨn lé edu mpʉ Mbɨambɨa Lɔɔ me lé elɛɛ ɛ, ndɨ ɨ. Mpaŋla waa, nye etiibe ó e Yesʉs-Krɨst. Nye edu nteme lwib odim yé a taare be mɨfela mɨmbu é buobuo,

1 Korɛnt 2:7

Bɨh bé eyeʼle bʉr ó, ocyoo mo Zyɛm. Wé a taare be ó é lwib odim, sa Zyɛm a bɛa fol ɨ. Nye l'apa cye kʉ e si, nye a bɛa bà jwɨʼ ó, nye dwe ó bɨna ga ocyoo waa ndwe e kum tɨ.