1 Korɛnt 1:2 - Kálara Zyɛ̌m Edwán é mpʉ̌n

² Bɨh bé etile ó, bʉr o mbɛr Zyɛm ndɨ ɨ Korɛnt ɨ. Yesʉs-Krɨst a si pubo bɨn. Zyɛm a jebe bɨn ó, bɨn diʼe mɨsaŋ mɨ bʉr be, bɨn e bʉr bɨbɛh ndɨ esa Tî ga wina Yesʉs-Krɨst mɨnjwɨʼla bɨgumo bɨgumo e. Nye ó Tî ga wina boo nɔɔ.

Kálar Nzyɛ̌m : Ejwán é Sáá

² Yésʉs-Krîst á si pubo bɨ̌n. Nzyɛ̌m á jébe bɨ̌n ó, bɨ̌n díʼee bʉr o dí egúmo e né bá, bɨ̌n e bʉr bɨ́bɛ̂h o dí ekɛn díé mé Tî gá wɨ́ná, Yésʉs-Krîst bigúmo bigúmo bá. Nye ó njwɨ́ɨ gá wɨ́ná le onɔ́ɔ́.

1 Korɛnt 1:2 ပူးပေါင်းရင်းမြစ်များ

Rôm 1:7

Me etile ó, bʉr bɨbɛh ndɨ Rom, baa Zyɛm a bul kpɛl ndwe le epɛh ó, bé diʼe mɨsaŋ mɨ bʉr be e. Mocyɛʼ mo mpom e motala mo Zyɛm Sɔŋ ga wina bé e Da Yesʉs-Krɨst, mé swɨŋɨ é bɨn.

1 Korɛnt 1:30

Bɨn bé ó é zyɛŋa win boo Yesʉs-Krɨst ó, dumo e Zyɛm. Nye ó b'a sa nteme ó, bɨn biʼe ocyoo mo Yesʉs. Bɨn mu ó ocɨcyel o bʉr é mih me, dumo e Krɨst. Krɨst nteme ó b'a pubo bɨna ga. Nye ó b'a dwih bɨna ga é mpila ebebe é pololo.

Mɨlʉmlʉ 26:18

Me elomo go ó, go bɛŋɨ bʉr mih. Go dwihɨ be é l'edurʉ, cen be é myɛn; dwih be é mpel mo Satan, cen be nko bé e Zyɛm, bé ódɨ di ɨ. Me ópɛʼ bɨbaa me a niʼe é lɔb mɨsyem myɔɔ ɛ, lé edwe be dia é l'esama e bʉr o b'a jyɛʼ taa buʼo yɔɔ boo me, mɛm ntɔʼ pubo e.”

Ebrœ̂ 13:12

Yesʉs a be nteme ó no. Nye a to sia e mɨtuu ó, é nkana kʉl. Nye a sa no ó, nye nkʉʼ nʉa motié me, ze pubo kul bʉr ye e tɨ.

1 Tesalonika 4:7

Zyɛm a jebe bɨna ga ó, bɨna diʼe ga bʉr o ndɨ ti ɨ, abe baa ndɨ elama fwon njɨ lé edu bɨjyɛʼ byɔɔ ɛ.

Ebrœ̂ 10:10

Bɨna mu ó si pubɔ jɔʼ gwar é bɨjɔʼ bibyɛh ebe gwɨma yaa, ndwe e kɛha Yesʉs-Krɨst a ze kɛha nyʉl we tɔɔ motwina ɛ.

2 Korɛnt 4:5

Ebe, bɨh bé alɛɛ lɔɔ wih, bɨh bʉr o tɨ. Lɔɔ bɨh ndɨ elɛɛ ɛ, wé etiibe ó, e Da Yesʉs-Krɨst. No ó, é wih paʼ, bɨh bɛɛ ó ndɨ osyɛl o mosa bɨn é l'efu mo Yesʉs.

Mɨlʉmlʉ 9:14

Ojwɨɨ be opara, bɨ dwe nye nkul mojwɨ̀ʼa ó, nye pyala wâʼ lé esaa bʉr o ndɨ ejwɨʼla e Zyɛm Sɔŋ, pere e die lo e, nye kaʼa be monkara!»

Mɨngwiha 19:16

Bé a si tile die le é len kʉr ndwe e dʉ̀ ye. Bé a tile ó: «Njwɨɨ ojwɨɨ le Tî otî.»

Yʉ̂d 1:1

Mɛm, Yʉd, syɛl mosa mo Yesʉs-Krɨst, ndɨ nteme mɨɔ mo Jacques ɨ, ó lé etile bɨn kalara nwa. Me etile ó, bʉr Zyɛm Sɔŋ a jebe ndwe le ekpɛl, baa ndɨ ebaʼlɔ é zyɛŋa wɔɔ boo Yesʉs-Krɨst ɨ.

Ebrœ̂ 2:11

Yesʉs, mʉr lé epubo bʉr ɨ, bé e bʉr nye lé epubo e, bɨbɛh, bé mu ó bʉr o b'a duho é Sɔŋ ngwar ɨ. Ebe no ó Yesʉs ndɨ ajoʼo fwon lé ejebe be ó, obɨɔ bam e l'okɛl bam ɨ.

2 Timotɛ 1:9

Nye a baajebe bɨna ebe mɨmpaŋ bɨsyɛɛla bina. Nye a dwe bɨna ga tiʼ molu mo mpoʼ mɨmɛh le ejebe bɨna ó, bɨna diʼe mɨsaŋ mɨ bʉr be. Nye a sa no ó, ebe pɛhla we nye mʉr tɨ, le ncwɨncwɨa nye a be e nye, waa nye a be ó, nye ólɛʼle bɨna ɛ. Nye a bɛa lɛʼle bɨna ncwɨncwɨa ó, kʉ e si apa cyeŋɔ, é zi mo Yesʉs-Krɨst.

2 Tesalonika 1:1

Mɛm Pol ó lé etile bɨn kalara nwa, bɨh e Silas, ndwe e Timote. Bɨh bé etile ó, bʉr o mbɛr Zyɛm ndɨ ɨ Tesalonika ɛ. Bɨn bé ó baa mo Zyɛm Sɔŋ bé e Da Yesʉs-Krɨst.

1 Tesalonika 1:1

Mɛm Pol ó lé etile bɨn kalara nwa, bɨh e Silas ndwe e Timote. Bɨh bé etile ó, bʉr o mbɛr Zyɛm ndɨ ɨ Tesalonika ɛ. Bɨn bé ó baa mo Zyɛm Sɔŋ bé e Da Yesʉs-Krɨst. Mocyɛʼ mo mpom le motala, mé swɨŋɨ é bɨn.

Éfɛsɔs 5:26

Nye a sa no ó, wé nkʉʼ di waa mo Zyɛm, nye osi pubo we e modibe ndwe e lɔɔ we.

2 Korɛnt 1:1

Mɛm Pol, lʉmlʉ mo Yesʉs-Krɨst é gwɨma mo Zyɛm ó lé etile bɨn kalara nwa, bɨh e mɨɔ ga wina Timote. Bɨh bé etile ó, mbɛr Zyɛm ndɨ ɨ Korɛnt ɨ, ndwe e mɨsaŋ mɨ bʉr mimyɛh ndɨ Akayi ɨ.

1 Korɛnt 8:6

é mbea ga wina, bɨna ga bé ó njɨ e Zyɛm ngwar, waa ndɨ Sɔŋ ga wina ɛ. Nye ó b'a cye sa yiyɛh. Bɨtiʼ ga bina, byé ekʉ dwɛʼ ó njɨ nye e nye. Yé nteme, yé ó njɨ Tî ngwar, Yesʉs-Krɨst. Sa yiyɛh, yé a cyeŋɔ ó, é zi we. Bɨna bé etiʼe ga ó, é zi we.

Rôm 10:12

Ebe, mbɛʼ, wé abe paʼra oYʉden bé e bʉr o ndɨ abe oYʉden ɨ. Bɨbɛh, bé ó e njwɨʼa ngwar lé elɛʼle ncwɨncwɨa boo baa bɨbɛh lé ejwɨʼla e nye e.

Rôm 3:22

Zyɛm mu lé edwe bʉr mokebe é mih me ó, njɨ ebe taa buʼo bé lé ejyɛʼ boo Yesʉs-Krɨst ɨ. Zyɛm a kar zi waa ó, é l'efu e baa bɨbɛh lé ejyɛʼ taa buʼo yɔɔ boo nye e, ebe, bʉr bɨbɛh, bé ó jwɨʼ gwar.

Mɨlʉmlʉ 22:16

No ó, banana, yé go lé eka bâʼle bono e? Mʉŋa si. Nʉŋa ndubo. Go à puba é nko paʼ mɨsyem myo, lé ejebe die le.”»

Mɨlʉmlʉ 18:1

Jɔʼ ze laa ba, Pol ze mʉa ɨ Atɛn, to Korɛnt.

Mɨlʉmlʉ 15:9

Nye agba mbɛʼ paʼra ga wina boo nɔɔ. Nye a be ó si pubo mɨleme myɔɔ ebe taa buʼo bé a jyɛʼ boo Krɨst ɨ.

Mɨlʉmlʉ 10:36

Bɨn bé egʉa lɔɔ Zyɛm a ntɨh bwa b'Ɨzraɛl ɨ. Mbɨambɨa Lɔɔ waa, wé ó wi: Zyɛm óbula gba mʉr motala é leme ó, dumo e Yesʉs-Krɨst, ndɨ Tî bʉr bɨbɛh ɛ.

Mɨlʉmlʉ 9:21

Baa bɨbɛh bé a joʼlo nye e, bé a si bul jehe, ze dîila paʼra wɔɔ ó: «Ntʉʼ mʉr nwaʼ a dimle bʉr onɨ, baa o Yerʉsalɛm lé ejwɨʼla e Zyɛm, pere e die mo Yesʉs ba ɛ? Nye a baasi ze wâʼ lé eze mɛr bʉr o sama yaa, ó nye to e be ó Yerʉsalɛm boo ojwɨɨ be opara ɛ?»

2 Timotɛ 2:22

Gʉa kʉ cɛra e bɨgwɨma bɨ oncyom. Duʼo njɨ bɨsa ndɨ cɨcyel ɨ. Buʼla Zyɛm. Lɛʼla bʉr ncwɨncwɨa. Gbaʼ motala paʼra bʉr e bʉr. Dɨʼe sa no, bɨn e bʉr bɨbɛh ndɨ ejwɨʼla e Da Yesʉs e mɨpɛhla mɨ leme ndɨ é pyɛɛɛ ɛ.

Galásia 1:2

Bɨh e bʉʉ obuʼla ndɨ wâʼ ɛ, bɨh bé esoho bɨn, mɨmbɛr mɨ Zyɛm ndɨ é lal Galat ɨ.

Mɨlʉmlʉ 9:13

Ananias ntɔʼ bɨha ó: «Da, buobuo bʉr, bé a si lɛɛ me lɔb we. Bé be-be ó lé elɛɛ ebebe lɨlɛh nye a sa mɨsaŋ mɨ bʉr myo ndɨ ɨ Yerʉsalɛm ɨ.

Rôm 8:28

Bɨna bé egʉa ga ó, Zyɛm, nye ebɛa cye bɨsa bibyɛh ó, byé diʼe e nyɔm é l'efu e bʉr o ndɨ ekpɛl nye, baa nye a jebe, duho é tiʼa nye a nʉa ɛ.

1 Korɛnt 10:32

Kœʼœ ga mpaŋ ebò e cyen é mbi ndɨ ó, bɨn l'ayi ka sa syɛɛla ndɨ ekol oYʉden ebɔʼ lé ódumo be e. Syɛhla ga nteme syɛɛla ndɨ ekol bʉr o bɨkul bɨfih ebɔʼ lé ódumo be e. Akol bʉr o Mbɛr-Zyɛm ebɔʼ lé ódumo be e.

1 Korɛnt 12:27

Bɨn bɨbɛh, bé ó nyʉl mo Krɨst. Mʉr nyiwɛh ndɨ é l'esama lɨn ɨ, nye ó ndɨ fum nyʉl waa.

1 Timotɛ 2:8

Ebe no ó me lé ekpɛl ó, é gumo yiyɛh, bʉrʉm puba bé bʉr o tɨ. Bé òjwɨʼla, abe e l'empime é mɨleme. Bé beʼ l'asa mosono paʼra wɔɔ.

2 Timotɛ 2:19

Dam be no, nkan Zyɛm a cyel ɨ, nye dina ó, lé ecyɛb é nkʉʼʉ. Mokan nye a tile e nkan waa ɛ, mé ó ma: «Da, nye egʉa baa ndɨ baa be e.» Mʉʉ mo tɨ, mé ó: «Mʉr lé etɨʼ bɨr, le elɛɛ ó, nye ó ndɨ waa mo Da ɛ, nye ejala le esyɛhle sa ndɨ ozyɛhozyɛh ɛ!»