Yʉ̂d 1:8 - Kálar Nzyɛ̌m : Ejwán é Sáá

⁸ Damá jóʼo nó, bʉr o dí edumo e lɔ̌b wɨ̂ʼ bá, bé ó nó: pɨʼ milémé myɔ́ɔ́, nyé ajɨma ɨ́ jô. Bé lɨ́ elœʼ ményʉ́l mɔ́ɔ́, le epyêh jwɨ́ɨ́ mé Nzyɛ̌m le entuhlo bééngeles dí e kûm bá.

Kálara Zyɛ̌m Edwán é mpʉ̌n

⁸ É mbi ngwar e ngwar waa, bʉr onɨ, bé elɛɛ ó, sa lé edwe mɨnkar myɔɔ molele e, yé ó bɨlima bé lé ejɨm ɨ! Bé elœʼ monyʉl mɔɔ, le epyeh bʉr o ndɨ e jwɨɨ ɨ. Bé efœʼ nteme beengles ndɨ e kum ɨ.

Yʉ̂d 1:8 ပူးပေါင်းရင်းမြစ်များ

Ebrœ̂ 13:17

Jóʼáá gá otyɛ̂b bé ésôʼ bɨ́n. Bɨ̌n e tyé ɨ́ jwɨ́ɨ́ yɔ́ɔ́. Ebě, bé ó dí ebaʼle mísísǐm mín. Bé ntémé ó ngá tó lɛ́ɛ̌ Nzyɛ̌m mpʉ bé á séa lɨ́ esú lɨ́n yɨ́. Bɨ́n sá bé mejóʼo nɛ́ɛ: bé oséǎ syɛ́ɛ́ yɔ́ɔ́ e bisʉhʉʉ. Yé bé abe nó wá, bé ójóʼo mébúʼ. Syɛ́ɛla yaá, abe bɨ́n e nyɔm.

1 Pyɛr 2:17

Dwéʼ gá bʉr bɨ́bɛ̂h dúu. Kpɛlɨɨ gá bɨ́ɔɔ́ gá bɨ́ná. Jwááwáá gá Nzyɛ̌m. Dwéʼ gá njwɨ́ɨ sí yɨ́n dúu.

1 Timotɛ 1:10

bʉr o dí elœʼ ményʉ́l mɔ́ɔ́ ɨ́ nzɨ̌ bijoó bá, otɛba o bʉ́rʉ̂m, obɛ́ma o bʉ̂r, baányâ-bibɛr, le oboʼlo o bíbɛr. Nzyɛ̌m á tyêl metié ntémé ó, lɨ́ ekamle bísyɛ́ɛla bíbyɛ̂h bi dí ajala e lɛ́ʼlá mpâ mɨ́ná bé á dweŋɔɔ gá wɨ́ bí.

Mɨlʉmlʉ 23:5

Nó ó Pɔ̂l á yala e bé ó: «Bɨ́ɔɔ́ bâm, me bé agʉ́a ó, yé ó njwɨ́ɨ opara. Yé bé me bé ɨ́ gʉ́a nó, mpa me bé alwib nó, ebě, yê cɛmá ó: “Gǒ sá alwib e njwɨ́ɨ gǒ ɨ́ bébe bébe.”»

1 Korɛnt 3:17

Mʉ̂r gbɛ́ɛ́ mpáh Nzyɛ̌m nyaá nó, Nzyɛ̌m dímle nyê, ebě, mpáh Nzyɛ̌m, nye ó sá dí ti yɨ́. Bɨ̌n ó dí mpáh nyé nyaá.

1 Tesalonika 4:8

Nó ó, baá o dí epyêh métwɨ́ɨ́ mâʼ ɨ́ lɔ̌b nɨ̌ bá, bé apyêh mʉ̂r. Bé pyéh ó Nzyɛ̌m, waá dí entɨh bɨ́n Sísǐm wé nyá.

Mɨlʉmlʉ 7:39

«Tó kœb ó, bimpám gá bíná, byé á bé akpɛl ésâ nyé mejóʼo. Bé á be lɨ́ epɨʼ nyê, le egwɨ̂m ó, bé búlá yɔ́ɔ́ ó, tô sí Egɨ̂ptɛn.

Mɨlʉmlʉ 7:27

Nó mʉ̂r á gwa sâ mɨ́ɔɔ́ ebébe nyá, á bɛ̂ʼ e Moyɨ̂z ó: “Nzé nyɨɛ á pʉgʉ tyêl go njwɨ́ɨ, nkʉ̂ tîʼ milɔ̌b wɨ́h?

Lʉkas 19:14

«Náǎ yé ó, bʉr ó sí yé lɨ́ enwim nyê. Nó ó bé á lómo bʉr ó, bé tôʼ dû nyê, lɨ́ etô le elwáŋlě lɔ́ɔ gʉ̂ʼ ó: “Bɨ̌h bé akpɛl ó, mʉr nyâʼ díʼee njwɨ́ɨ wɨ́h!”

Lʉkas 12:11

«Jɔʼ bé ódâʼre bɨ́n ɨ́ mempáh mínjɨʼla nkʉ̂ ɨ́ mempáh mílɔ̌b, tó pur bɨ́n yɨ́, mʉr asyɛl gá bá. Ayêʼwo gá sá bɨ́n ngá lɛ́ɛ bʉ̂r ó jwɨ́ɨ ɨ́ nkar wɨ́n yɨ́!

Lʉkas 11:25

Wé ntɔ̂ʼ búla, kœ̌b mbɛ̌r ngwámlá, mbɨambɨa kʉmsá.