Yʉ̂d 1:25 - Kálar Nzyɛ̌m : Ejwán é Sáá

²⁵ Nye omér ó dí Nzyɛ̌m. Kûm dwéŋɔɔ Nzyɛ̌m, dí Tiʼbʉr gá wɨ́ná nyá, ɨ́ nzɨ̌ mé Yésʉs-Krîst, Tî gá wɨ́ná, táare ɨ́ mimbú mí píhe, le ɨ́ báánâ, tó kumǒ kumáa ɨ́ twǐʼ njʉ̌m dǐ e njʉ̌m dǐ. Amɛn.

Kálara Zyɛ̌m Edwán é mpʉ̌n

²⁵ Nye ome ó ndɨ Zyɛm, nye nteme Tiʼbʉr ga wina. Kum, mpwaʼ, nkul le jwɨɨ, byé dweŋɔ Zyɛm é zyɛŋa ga wina boo Tî ga wina Yesʉs-Krɨst. Byé a bɛa be ó mbi jɔʼ yiʼ apa taare. Byé dina ó tɨ, ze pyal é banana. Byé óto dolo njʉmdia e njʉmdia. Amɛn.

Yʉ̂d 1:25 ပူးပေါင်းရင်းမြစ်များ

1 Timotɛ 1:17

Nzyɛ̌m dí njwɨ́ɨ melú mé mpóʼo mɨ́mɛ̂h, adwidwe nyá, waá dí anyɨ̂n, waá dí Nzyɛ̌m nye omér nyá, dúu e kûm, byé díʼee e né njʉ̌m dǐ e njʉ̌m dǐ. Amɛn.

Yʉanes 5:44

Bɨ̌n jaá kpɨkpɛl ébi kûm ó, njɨ páʼ nyɨ́n. Bɨ̌n bé akpɛl ébi kûm dí eduho kwá mé waá dí Nzyɛ̌m nye omér nyá. Yé bé nó wá, á bɨ̌n bé ódyɛ̂ʼwo e Nzyɛ̌m nyá?

Rôm 11:36

Yé abe e mʉr, ebě, nye ó b'á komlo bisá bíbyɛ̂h. Byé á kwɨmlɨ ntémé ó, ɨ́ nzɨ̌ nyé. Sá yɨ́yɛ̂h, yê tɨ̂ʼ ó, lɨ́ esú lé. Mɨná gúmlaa gá nye njʉ̌m dǐ e njʉ̌m dǐ. Amɛn.

Ebrœ̂ 13:8

Mpʉ̌ Yésʉs-Krîst á bě kʉ̌ʼ yɨ́, mpʉ yaá ntémé ó nyé dí mûh. Nye ódi ntémé ó njɨ nó, njʉ̌m dǐ e njʉ̌m dǐ.

Mɨngwiha 1:6

Nye ó b'á liŋ mɨná gá bʉr o Mpóʼo nyé, le esâ ó, mɨná díʼee gá opara dí eséa e waá dí Nzyɛ̌m wé, waá dí ntémé Sɔ́ŋ wé nyá bá. Kûm e nkul, byé díʼee e né njʉ̌m dǐ e njʉ̌m dǐ. Amɛn.

Títos 2:13

Mɨná bé ótíʼe nó ó, lɨ́ ebóno mʉ̂r dí egbâ mɨ́ná mpûʼla ɨ́ miléme, waá dí esʉ mɨ́ná metyɛʼ me mpóm nyá. Nye ó Nzyɛ̌m nɨ́nɨ́ɨ́: Tiʼbʉr gá wɨ́ná Yésʉs-Krîst, waá ngá báʼǎ lɛ̂ʼle nyé mʉr tɨ̂ʼ e kûm ɨ́ buo buo nyá.

Rôm 16:27

Ɨ́ Nzyɛ̌m nye omér, waá dí Twóó ocwóó nyá, kûm díʼee e né ɨ́ Mwân wé, Yésʉs-Krîst, njʉ̌m dǐ e njʉ̌m dǐ. Amɛn.

Mataos 6:13

Ayɨ́ bîr ó, bɨ̌h níʼee ɨ́ mebʉ́blá. Syɛbɨɨ bɨ́h ɨ́ mebó mé Sátan.”»

Éfɛsɔs 3:21

Kûm díʼee e né e nzɨ̌ Mbɛ̌r-Nzyɛ̌m ti e Yésʉs-Krîst ntémé, tó pyâl ɨ́ mimyǎ mi bʉ̂r mímyɛ̂h njʉ̌m dǐ e njʉ̌m dǐ. Amɛn.

Yʉanes 4:22

Bɨ̌n bʉr ó Samarî, bɨ̌n bé agʉ́ǎ sá bɨ́n dí edwe kûm nyɨ́n yɨ́. Bɨ̌h oYúden ó dí egʉ́ǎ sá bɨ́h dí edwe kûm yɨ́, ebě, lɔ́ɔ́ twiʼ, wé duho ó lɨ́ oYúden.

2 Pyɛr 3:18

Tóʼ gá dóló le egwɨ́e ɨ́ mpam mé Tî gá wɨ́ná Yésʉs-Krîst, dí ntémé Tiʼbʉr gá wɨ́ná nyá. Bɨ̌n e gwɨ́é ntémé, ebě, bɨ̌n bɨ́ gʉ́a nyé ɨ́ pébébé. Nye omér ó dí ejala e kûm, táare ɨ́ jɔʼ yɨ̂, tó kumo ɨ́ twǐʼ njʉ̌m dǐ. Amɛn.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

1 Pyɛr 4:11

Yé bé mʉr ólwib mílɔ̌b mé Nzyɛ̌m nó, nye lɛ́yɨɨ sá yɨ́yɛ̂h mpʉ mʉ̂r dí ekala mílɔ̌b mé Nzyɛ̌m nyá jálá le esâ yɨ́. Yé bé nyě súʼó ó bʉ́ʉ́ bʉ̂r nó, nye súʼaa bé e nkǔl Nzyɛ̌m mʉr tɨ̂ʼ á ntɨh nye nyɨ́. Nó ó Nzyɛ̌m ngá dweŋɔɔ kûm ɨ́ sá yɨ́yɛ̂h ɨ́ nzɨ̌ mé Yésʉs-Krîst yɨ́. Kûm le nkul, byé dwéŋɔɔ nye njʉ̌m dǐ e njʉ̌m dǐ. Amɛn.

Títos 3:4

Jɔʼ yaá ó Nzyɛ̌m, Tiʼbʉr gá wɨ́ná á ka lɛ̂ʼle mɨná mpam nyé yɨ́.

Títos 2:10

Byé ajala le ejaa mébô ɨ́ páʼ bísá bí ójwɨ́ɨ́ bɔ́ɔ́. Byé ɨ́ jala le elɛ̂ʼle ó, bé e nkul ebúʼla byé ntinɨ̂ e ntinɨ̂. Sá tɨ̂ʼ ó bé óbuú gbâ dúu ɨ́ lɛ́ʼlá mɨ́ná dí edwe bé, dumo e Nzyɛ̌m, Tiʼbʉr gá wɨ́ná wɨ́ yɨ́.

1 Timotɛ 2:3

Nzyɛ̌m, Tiʼbʉr gá wɨ́ná, nye lɨ́ ebeě syɛ́ɛla yaá mbɨ̂mbɨá; nye lɨ́ ekpɛl yê.

Éfɛsɔs 3:10

Yé ka lîʼ ɨ́ báánâʼ ó, njɨ epâʼlǎ jwɨʼ yé yaá, pyêl yé ɨ́ myɛ́n lɨ́ esú lé écɨ̂l mísísǐm mí édúrʉ́ʉ́ mi dí e jwɨ́ɨ mí le myaá mi nkûl, myaá mi dí páʼ jʉ́o le ejwoo mí. Myé mû ó lɨ́ ekǎ jɨ̂ʼ yé kwá gá nyɨ́ná, bʉr ó Mbɛ̌r-Nzyɛ̌m, le egʉ́ǎ mpʉ ócwóó mé Nzyɛ̌m dí ɨ́ buo mímbi wɨ́.

Éfɛsɔs 1:8

Nye á lɛ̂ʼle mɨná gá mpam nyé nyaá ó e nzɨ̌ ocwóó wé wɨ́wɛ̂h le pɨʼ nyé.

Rôm 11:33

Sâ buo ókúm mé Nzyɛ̌m! Ocwóó wé le ngwɨ́á wé, byé abe le odumo. Nzé dí e nkul egʉ́a mítíʼá mí lémé wé? Nzé dí e nkul egʉ́a bísyɛ́ɛla nyé dí esâ bí?

Lʉkas 1:47

Bisʉhʉʉ, byé ó me ɨ́ léme lwɨ́ŋlá, ɨ́ lɔ̌b mé Nzyɛ̌m, mʉr á tiʼ me nyá.