Yʉ̂d 1:23 - Kálar Nzyɛ̌m : Ejwán é Sáá

²³ Tiʼɨɨ gá baá mû sí lʉ́ŋa ɨ́ siʼe bá. Syɛbɨɨ gá bé ɨ́ siʼe yaá. Jɨ́ʼɨ́ɨ́ gá bʉr nkoó. Milémé mín jɨ́ʼɨɨ bé nkoó, lɨ́ ekɛ̂n bɨ́n dí ejóʼo ɨ́ bisyɛ́ɛla byɔ́ɔ́ lɨ́. Benaa gá syɛ́ɛla ébébe yɔ́ɔ́ yɨ́yɛ̂h, kumǒ kumáa e mikán bé á bubwâr ɨ́ menyʉ́l mɔ́ɔ́ mí, ebě, myé mû ó sí bil mpîr.

Kálara Zyɛ̌m Edwán é mpʉ̌n

²³ Bʉr o b'a lʉŋa é siʼe onɨ, syɛbɨ ga be é siʼe yaa. Mɨleme min, myé joʼa be nkʉnkoo. Diʼe ga be ncye. Nwimɨ ga sa yiyɛh, to pyal é bɨdur bʉr o tɨʼ bé a bwar-bwar, byaa mu lɨra é l'ebebe e. Byé diʼe é mbea win mpʉ sa lɛɛ ó, bi bil mobar.

Yʉ̂d 1:23 ပူးပေါင်းရင်းမြစ်များ

1 Timotɛ 4:16

Gwá dwɛ̂ʼ gó mʉr tɨ̂ʼ ndu e lɛ́ʼlá gó dí edwe bʉ̂r wɨ́. Sɨ́sáʼ sɨ́n lɨ́ edû mílɔ̌b mínɨ̌. Gó ósâ nó wá, go ótíʼ gó mʉr tɨ̂, tíʼ ntémé baá o dí ejôʼlo gó bá.

1 Korɛnt 15:33

Mʉ̌r sá ajéʼě sɨ̂: «Bibɨ́bla mínjoo sá ó, ndáma mímpaŋ métum.»

Mɨngwiha 3:4

Nó ó, yé e bʉ́ʉ́ bʉ̂r ɨ́ sɔ́má yɨ́n ɨ́ Sárdɛs, baá bé á be alœʼ mikán myɔ́ɔ́ bá. Bé óbwâr míkán ɨ́ pumo pumo. Bɨ̌h le onɔ́ɔ́ bé ótyě sɔ́má gwár, ebě, bé lɨ́ ejala e tɨ̂.

Mɨngwiha 3:18

Me lɨ́ etɨ́e bɨ́n ó: yé bé bɨ̌n bé lɨ́ egwɨ̂m ébi ókúm ómpâ nó, bwámáá gá gʉ̂l yâm. Yé á be ɨ́ duho ɨ́ duró lé ólûl. Bwámáá gá mikán ɨ́ pumo pumo. Bɨ̌n e bwár myê, akǎ dǐ suswáh ɨ́ ŋmáh ndu e sôn. Bɨ̌n e bwám ntémé mǐr étwáale ɨ́ mîh, ó bɨ̌n nkʉ̂ báʼǎ bee!

Rôm 11:14

me nkʉ̂ gbâ kúl bʉ̂r yâm, oYúden, egú ɨ́ miléme. Jáŋá bʉ́ʉ́ bʉ̂r ɨ́ sɔ́má yɔ́ɔ́, bé ónzě bǐ twǐʼ njʉ̌m dǐ e nzɨ̌ nyaá.

2 Tesalonika 3:14

Mʉ̂r bé asâ bɨ́h mejóʼo ɨ́ jɔʼ bé jóʼó métwɨ́ɨ́ bɨ́h dí etɨ́e bɨ́n ɨ́ mekaná mâʼ má nó, nʉaa gá nye díe. Bɨ̌n bé ayɨ́ be e ndwáala e né. Ɨ́ mbi waá ó nyé ójóʼo sôn yɨ́.

1 Korɛnt 3:15

Yé sí kǎ be ó, syɛ́ɛla mʉ̂r, yɨ́ díʼe ɨ́ siʼe yaá nó, mʉr waá ódímle myɛ́na mé ɨ́ jɔʼ yaá. Nyɨ́haá ósyɛbɔɔ ɨ́ siʼe. Sâ gwár, nye óbe ó mpʉ mʉ̂r á kpɛ́ɛ, ntaǎ siʼe nyá.

2 Korɛnt 5:11

Bɨ̌h bɨ́ gʉ́ǎ sá dí esâ ó, mʉr jóʼaa Nzyɛ̌m bʉ́á yɨ́. Sá tɨ̂ʼ ó bɨ́h dí etô le edulo bʉ̂r yɨ́. Nzyɛ̌m, nyɨ́ kʉ́ gʉ́ǎ mpʉ bɨ́h dí yɨ́. Mpûʼla, nye me ɨ́ léme ó, mipahlá mílémé mín, mí gʉ́a bɨ́h ntémé nó.

2 Yʉanes 1:11

Ebě, mʉ̌r bárá e né nyá, nye lɨ́ enʉa ntœ́b ɨ́ bisyɛ́ɛla bí ébébe mʉ̂r waá dí esâ bí.

Yʉ̂d 1:22

Jɨ́ʼɨ́ɨ́ gá bʉr o dí le elíʼa bá nkoó.