Yʉ̂d 1:20 - Kálar Nzyɛ̌m : Ejwán é Sáá

²⁰ Bɨ̌n bɨɛ, bʉr ó kpɛ̌l bâm, búʼó bɨ́n dí e yé, yaá dí tí yɨ́, nʉaa gá pîm ɨ́ búʼó yaá. Jɨjɨʼlaa gá ntémé e nzɨ̌ Sísǐm mé Nzyɛ̌m.

Kálara Zyɛ̌m Edwán é mpʉ̌n

²⁰ Obɨɔ o kpɛl bam aa! Gwɨa ga é buʼo ti yin. Dɨʼe jwɨʼla ga nteme e Zyɛm é zi mo Mbɨambɨa Sisim.

Yʉ̂d 1:20 ပူးပေါင်းရင်းမြစ်များ

Éfɛsɔs 6:18

Sáʼ gá sâ yaá yɨ́yɛ̂h e minjɨʼla, le edî ó, Nzyɛ̌m súʼaa bɨ̌n. Jɨʼlaa gá ɨ́ jɔʼ yɨ́yɛ̂h ɨ́ mpʉ̌ Sísǐm mé Nzyɛ̌m dí etɨ́e bɨ́n yɨ́. Tɨ̂ʼ ntémé, atyɛʼ gá lɨ́ edi ɨ́ doho. Ɨ́ jɔʼ yɨ́yɛ̂h, tirwaa gá e syɛ́ɛ́ mínjɨʼla lɨ́ esú é bʉ̂r o mé Nzyɛ̌m bɨ́bɛ̂h.

1 Korɛnt 14:15

Nó ó, me ósâ nyá? Me ójɨjɨʼla e Nzyɛ̌m e sísǐm wâm lɨ́ elwib báayogoyogo. Me ntémé, me ójɨʼla e né ó e pɨʼ nyǎm, ɨ́ lwǐb yâm. Me ódyɛɛ méjéme e sísǐm wâm. Me ódyɛɛ ntémé ó e pɨʼ nyǎm.

Kolosi 2:7

Búʼó bɨ́n dí e yé yɨ́, yé páhaa mikaalé. Yé tôʼ le egwɨ́e, le ebwaʼ. Dyɛ́ʼwáá gá e búʼó gá yɨ́ná ɨ́ dyɛʼwó mpʉ bé á lɛ̂ʼle bɨ̌n yɨ́. Tóʼ le edwe gá Nzyɛ̌m nzyǒo dóló ɨ́ bisá nyé dí esâ bɨ́n bí.

1 Tesalonika 5:11

Nó ó, gbáʼ gá bʉr nkul ɨ́ miléme e metwɨ́ɨ́ ménɨ̌. Sáʼ gá páʼ nyɨ́n ó, misísǐm mín, myé tɔ́maa mpʉ bɨ́n dína le esâ yɨ́.

1 Korɛnt 14:26

Bɨ́ɔɔ́ bâm! Okɛ́l bâm! Mɨná bé ókǎ lɛ́ɛ gá nyá? Jɔʼ bɨ́n dí egwɨ̂hla yɨ́, nyâʼ mʉ̂r, nye ó e jɨ́m nyé ódyɛɛ yɨ́. Nyʉ́ʉ́, e lɛ́ʼlá nyé ódwe wɨ́. Nyʉ́ʉ́, e gúú solá sɔ̂ʼ nyé ógwîh wɨ́. Nyʉ́ʉ́, nyě e lɔ́ɔ ɨ́ lwǐb ayogoyogo. Nyʉ́ʉ́, nyě e nkul epâʼlǎ sá lwǐb ayogoyogo yaá dí elɛ́ɛ yɨ́. Yé jala ó, syɛ́ɛla yaá yɨ́yɛ̂h gbâʼ Mbɛ̌r-Nzyɛ̌m pîm ɨ́ búʼó.

Rôm 8:15

Bɨ̌n e Sísǐm mé Nzyɛ̌m ó mû. Nyé abě mbǐ sísǐm dí e nkul edil bɨ́n ɨ́ dǐ ótúʼǎ, nkʉ̂ waá ngá sâ ó, bɨ̌n báʼa jóʼo bʉ́á wɨ́. Nye ótyêl bɨ́n ɨ́ tyé bwán mé Nzyɛ̌m. Nye ó dí edwe mɨ́ná gá nkul ó, mɨná jébaa gá Nzyɛ̌m kʉ́kʉ́ ó: «Abba, Dâ!»

Galásia 4:6

Nzyɛ̌m á ntɨh mɨná gá Sísǐm Mwân wé ó, ebe bɨ́n dí nye bwân. Nye mû ó sí nî ɨ́ milémé gá míná. Nye ó dí etitíne mɨ́ná gá ó, mɨná jɨ̂ʼlaa gá e Nzyɛ̌m, le elɛ́ɛ ó: «Abba, Dâ!»

Éfɛsɔs 4:29

Mʉr alwib gá ekǎn e dí e bibol tɨ̂ʼ lɨ́. Nye lwíbɨɨ njɨ sá ngá be e nyɔm lɨ́ esú lé égbâ bʉ́ʉ́ bʉ̂r pîm ɨ́ búʼó yɨ́. Nye jáa lwǐb njɨ sá dí ɨ́ mbɨa yɨ́, lɨ́ esú ó, Nzyɛ̌m sʉ́ʼoo bʉr o dí ejóʼo nyé bá metyɛʼ me mpóm.

Mɨlʉmlʉ 9:31

Mbɛ̌r-Nzyɛ̌m nzě bi mépyɛbla, táare ɨ́ sí Yʉ́da, kala ɨ́ yaá Samarî, kumǒ kumáa ɨ́ yaá Galilê yɨ́yɛ̂h. Wé á si bu nʉa pîm le megwɨ́e. Mbɛ̌r-Nzyɛ̌m ntɔ̂ʼ bwaʼ ɨ́ nzɨ̌ Sísǐm mé Nzyɛ̌m. Wé á titiʼe ntémé ó, lɨ́ ekʉ́ dwáawo Tî Yésʉs.

Éfɛsɔs 4:16

Nye ó mʉr dí epûhla mɨ́ná gá óbɛ̂h, ó mɨná díʼee gá nyʉ̂l mpwár nyá. Bitíl bí nyʉ̂l byaá, nyě dirá byé ɨ́ mebɨ̌l ó e misihé. Misihé myaá ó dí entɛŋ bítíl bí nyʉ̂l bisâ bi dí byé e nyɔm bí. Sihé wɨ́wɛ̂h, wé ɨ́ jala le esúʼo nyʉ̂l ó, lɨ́ edû mpʉ̌ Nzyɛ̌m á komlo wɨ́haá yɨ́. Nkul nyé ó dí esâ ó, nyʉ̂l nyaá gwɨ́aa mbɨ̂mbɨá. Mpúhlá obûʼla, nye lɨ́ etô le egwɨ́e dóló ɨ́ jɔʼ bʉ̂r o dí tɨ̂ʼ bá dí ekpɛla yɨ́.

Éfɛsɔs 4:12

Nyě sá nó ó, lɨ́ esú é bʉ̂r o mé Nzyɛ̌m, ó bé díʼee bʉr o dí e nkul elóŋlǒ syɛ́ɛ́ yé bá. Nyě lɛ́ʼlé bé esâ nó ó, lɨ́ esú lé édwě Mbɛ̌r-Nzyɛ̌m (dí nyʉ̂l mé Krîst wɨ́) megwɨ́e.

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

1 Yʉanes 5:4

ebě, mʉr nyɨnyɛ̂h dí mbyɛ́á ɨ́ nzɨ̌ nkul mé Nzyɛ̌m nyá, nye lɨ́ entaǎ bɨ́blǎ sí yɨ̂. Nkul nyé dí e né, nyaá dí esâ ó, nye búlaa le onkɔ́ɔ́ nyɨ́, nye ó nyɨ̂: búʼó gá yɨ́ná.

Jacques 2:22

Go lɨ́ egʉ́a ó, Abraham á si bûʼla. Nye á si sâ ntémé bisyɛ́ɛla bimpâ. Bisyɛ́ɛla nyé á sâ Nzyɛ̌m bí, byé ó b'á swâhle búʼó nyé á bûʼla Nzyɛ̌m yɨ́.

Títos 1:1

Yé ó mɛm Pɔ̂l, syɛ̂l mesâ mé Nzyɛ̌m, ndu e mʉr milʉ́mlʉ́ mé Yésʉs-Krîst ó dí ecɛma mékaná mâ. Yésʉs-Krîst á lómo me ó, me tô kɛm bʉ̂r ó Nzyɛ̌m á twâr bá, lɨ́ egbâ bé pîm ɨ́ búʼó. Bé gʉ́ŋaa otyeetye, waá ngá sâ ó, bé dwáawaa Nzyɛ̌m wɨ́.

1 Korɛnt 10:23

Bʉ́ʉ́ bʉ̂r, bé lɛ́ɛ́ ó: «Mɨná bé e nkul esâ gá sá yɨ́yɛ̂h.» Yé ó nó. Sâ gwár, ntʉ̌ sá yɨ́yɛ̂h dí e nyɔm. «Mɨná bé e nkul esâ gá sá yɨ́yɛ̂h.» Yé ó nó. Sâ gwár, ntʉ̌ sá yɨ́yɛ̂h dí e nkul etyen bʉ̂r lɨ́ esóʼ é nzɨ́ mbɨ̂mbɨá.

Rôm 15:2

Mʉr nyɨnyɛ̂h ɨ́ sɔ́má gá yɨ́ná, nye sâʼ syɛ́ɛla mɨ́ɔɔ́ wé mʉr ókpɛl yɨ́. Nye sâʼ yaá yé óbɛ̌m be e nyɔm ɨ́ páʼ mɨ́ɔɔ́ waá ó, nye gwɨ́aa ɨ́ búʼó yɨ́!

Mɨlʉmlʉ 15:9

Nyé agbâ tɔʼ e mbɔ́ʼ ngwár páʼ gá nyɨ́ná le onɔ́ɔ́. Nye á be ó sí pubo mílémé myɔ́ɔ́ ɨ́ lɔ̌b búʼó yɔ́ɔ́.

2 Timotɛ 1:5

Mě sá ntémé ó, sîsimsǎ búʼó yô dí abě mbáʼrá e mikóo yɨ́. Yé ó mbǐ búʼó ngwár e ngwár nyɔ́ŋ mpám gǒ Lɔyîs, bé e nyʉ̌ŋ Eníke, bé á be e yé yɨ́. Me lɨ́ ekʉ́ gʉ́a ɨ́ lémé wâm ó, mbǐ búʼó waá ó dí go ntémé ɨ́ léme wɨ́.

1 Timotɛ 1:4

Go e lɛ́ɛ́ bé ó, bé ayɨ́ dû nzɨ́ bikɨkɛna. Bé sá ajóʼo ólɔ́ɔ o bíntán ó mímbɛ̌r mi bʉ̂r, sá dí abe le odumo yɨ́. Bisâ byaá, byé dulo ó nzyɛ́ɛ́lá mecwíí. Ɨ́ páʼ mé Nzyɛ̌m, byé abe e nyɔm. Mɨná nyɨɛ́ lóŋló syɛ́ɛ́ yé ó, ɨ́ nzɨ̌ búʼó yɨ́ná.

1 Korɛnt 1:8

Nye ntémé ó ngá gbâ bɨ́n pîm ɨ́ búʼó, tó pyâl ɨ́ mesíé, abe e sá ébébe nyé ónwâhle bɨ́n e tɨ̂ʼ ɨ́ jɔʼ Tî gá wɨ́ná, Yésʉs-Krîst ngá pyâl yɨ́.

Mɨngwiha 13:10

Nzyɛ̌m, nyě lɛ́ɛ́ ó: Yé bé kɛl swîh, kɛl kɛl ó jálá le etô lɨ́ okómó nó, nye óbánǎ tô. Yé bé kɛl swîh, kɛl kɛl ó jálá le ejʉ́ŋɔɔ e pasoŋ nó, nye óbánǎ dwe nó.» (Wâʼ ɨ́ gúmó yɨ̂, yé lɛ́ʼlé ó, yé mbɨa ɨ́ páʼ bʉ̂r o dí egúmo e Nzyɛ̌m bá ó, bé díʼee ntémé e bíhwó. Bé dyéʼee koo e Nzyɛ̌m.)

Yʉ̂d 1:3

Bʉr ó kpɛ̌l bâm, léme, wé á nyɛɛ be me ɨ́ báná báná ó, me tílaa bɨ̌n lɔ̌b swîh: mpʉ̌ twǐʼ njʉ̌m dǐ e njʉ̌m dǐ dí jwɨʼ gwár lɨ́ esú gá lɨ́ná yɨ́. Me nzě kǎ bee ó, me ó lɨ́ bi ó, me tílaa bɨ̌n ó, bɨ̌n lwímlaa dɔm. Lwímláá gá lé, lɨ́ ekamle e búʼó gá yɨ́ná Nzyɛ̌m á boo ntɨh bʉr bé yɨ́.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

Mɨlʉmlʉ 6:7

Lɔ́ɔ́ mé Nzyɛ̌m ntɔ̂ʼ kpâhwǎ myaŋla. Tâŋ ompʉ́n ntɔ̂ʼ kpâhwǎ buo ɨ́ Yerʉ́zalɛm. Bʉr ɨ́ sɔ́má ópara ɨ́ buo buo nzě dyéʼɔɔ̌ koo e Yésʉs, lɨ́ esáŋɔɔ̌ Nzyɛ̌m mejóʼo.