Yʉ̂d 1:13 - Kálar Nzyɛ̌m : Ejwán é Sáá

¹³ Bé nwɨɨla ntémé ó e mbi óbóʼó ó mâŋ dí epyêl mégûl ɨ́ ntomo ntomo wɨ́. Bé lɨ́ esâ ébébe, ajóʼo bá sôn. Bé nwɨɨla ó, le ocwícwén o dí adû bítyé byɔ́ɔ́ bá. Sá tɨ̂ʼ ó Nzyɛ̌m dí ejaá bɨbaʼle bé bidiá byɔ́ɔ́ njɨ lɨ́ edúrʉ́ʉ́ e dí ɨ́ nkom nkom lɨ́ yɨ́. Edúrúú laá, lé ódidi nó ó, kɔ́m ti e kɔ́m.

Kálara Zyɛ̌m Edwán é mpʉ̌n

¹³ Bé ebâʼle nwɨɨla nteme ó e l'oboʼo o maŋ, baa lé epyɛl mogul é ntomo-ntomo e. Bé esa ebebe, ajoʼɔ ba fwon. Pie tɨ, bé eka nwɨɨla ó e baatwitwɛn ndɨ adu bɨcye byɔɔ ɛ. Ebe no ó Zyɛm lé ekʉ baʼle-baʼle be bɨdia byɔɔ njɨ é l'edurʉ le ankom-nkom ɨ. Edurʉ laa, lé ódi-di no ó, njʉmdia e njʉmdia.

Yʉ̂d 1:13 ပူးပေါင်းရင်းမြစ်များ

2 Pyɛr 2:17

Bʉr baá nwɨɨla ó e menó. Bé ó menó mû sí jwɨ̂l, akǎ be le etáŋ é médíbé egwár má. Bé ó mpʉ nkûr nkúo dí etíne wɨ́. Nzyɛ̌m, nyɨ́ boó komlo bé diá lɨ́ edúrʉ́ʉ́ e dí ɨ́ nkom nkom lɨ́.

Filipi 3:19

Bɨ́haá, ndumló wɔ́ɔ́, wé ó edîm tyeetye. Bé lɨ́ ejaá gʉ́ǎ njɨ nzyɛ̌m ngwár ɨ́ sí yɨ̂: mimo myɔ́ɔ́. Bé gúgúmló ó, bisâ bi dí ɨ́ buú sámle bé bí. Sâ gwár dí etirwo bé ɨ́ miléme yɨ́, yé ó njɨ bisá bí sí yɨ̂.

Mɨngwiha 20:10

Nó ó, sɔ́ŋ meleme, mʉr á kʉ dímle bɨ́bɛ̂h nyá, á si mɛ́rɔɔ, guhɔɔ ɨ́ bɨ́ siʼe. Tɨ̂ʼ ó pir dí edúo jɔʼ yɨ́yɛ̂h, adímedime yɨ́. Bé á guho nye ó, ɨ́ gúmó bé á nyɛɛ guho tír, bé e ngwíha milɔ̌b bibɛr yɨ́. Bé ójaʼra e siʼe yaá tɨ̂ʼ ó, móhó ndu e pum, kɔ́m ti e kɔ́m.

2 Timotɛ 3:13

Bibɨ́bla bi bʉ̂r, ti e bʉr o míkóo bɨ́ɛ, bé ótô dóló e mebébe mɔ́ɔ́ ó, tótôʼ. Bé ótô dóló le edímle bʉ̂r. Bé bʉr o tɨ̂, bé ótô le elɔ̂ʼwa ɨ́ mikóo mi bʉ́ʉ́ bʉ̂r.

Mɨngwiha 21:8

Baábʉ́bʉ́á bɨ́ɛ, bé le ohááden, bʉr o dí e milémé mébomo, ojʉ̂l o bʉ̂r, osyɛ̂l o bímolá, oleme ti e baá o dí edwe bíkpɛʼkpɛ̂ʼ bí ónzyɛ̌m kûm bá, ndu e baányâ-mikóo bɨ́bɛ̂h, bɨ́ɛ, bé ójaá kœb ódiá wɔ́ɔ́ ó, njɨ ɨ́ bɨ́ siʼe. Yé ó lwɨ́ŋlá e siʼe ti e pir. Yé ɨ́ buú díʼa. Tɨ̂ʼ ó bʉ̂r dí edwe éswie embá yɨ́.»

Yʉ̂d 1:6

Símsáá gá ntémé beéngeles o b'á be akpɛl édi ɨ́ mecwɨ́ɨ́ mɔ́ɔ́ bá. Bé á si kpɛ́ɛ bidǐ bimpâ byɔ́ɔ́, kǎ tó gbáŋɔɔ ɨ́ mpǐl. Nzyɛ̌m á si gbâ bé lɨ́ edúrʉ́ʉ́ tʉ́ŋlʉ̌, bé mû mikɛ́ʼá. Okuluu bɔ́ɔ́, bé ódi ó, kɔ́m ti e kɔ́m, atiɔɔtiɔɔ. Tɨ̂ʼ ó beéngeles baá dí ebónǒ tíʼá mílɔ̌b épíhe yɨ́.