Yʉ̂d 1:12 - Kálar Nzyɛ̌m : Ejwán é Sáá

¹² Jwɨʼ yɔ́ɔ́, yé lɨ́ entɨ̂ʼ ɨ́ páʼ wɨ́n. Bé buú ntɨ̂ʼ ó, ɨ́ jɔʼ bɨ́n le onɔ́ɔ́ dé méde ɨ́ Mbɛ̌r-Nzyɛ̌m yɨ́. Bé dɨ́dé ó, lɔ̂ʼwǎ lɔ́ʼwáa, ajóʼo bá sôn. Bé jaá gbɨgbâ méde ó, njɨ ɨ́ myɔ́ɔ́ mínum. Bé ó mpʉ médwíne me mpíé, pubó dí etíne, mpíé nyɨɛ akǎ nwɨ́ɨ má. Bé ntémé, bé ó mpʉ bílɨ́ bi dí abe lɨ́ egúmo mpúmó ɨ́ jɔ̌ʼ nkóno bí. Byé lɨ́ edwe nzɔ̂ʼ bá, ebě, byé lɨ́ emuna sí.

Kálara Zyɛ̌m Edwán é mpʉ̌n

¹² Jwɨʼ yɔɔ, yé entɨʼ nteme é nko paʼ win. Bé eze e mbʉl é mbɛr Zyɛm é jɔʼ bɨn, obuʼla, mu lé epuhba mobo e. Baʼ bʉr, bé ede-de ó, lɔʼba-lɔʼba, ajoʼɔ ba fwon. Bé ekʉ ka kaale ó njɨ myɔɔ mɨmo. Bé enwɨɨla ó e mɨnkur lé edwine é dwine dwine, l'anwɨɨ mpie e. Pubo ntɔʼ cen be é paʼ fih. Bé enwɨɨla nteme ó e bɨlɨ bɨ ndɨ esam, é sam, sam, agumo yɛɛ mpumo e, dam be ó é jɔʼ nkono. Byé edwè ó, zɔʼ ba, ebe, byé eka munɔ si.

Yʉ̂d 1:12 ပူးပေါင်းရင်းမြစ်များ

Mataos 15:13

Nye ntɔ̂ʼ yala e bé ó: «Mpeʼ yɨ́yɛ̂h Sɔ́ŋ wǎm dí ɨ́ jʉ́o kʉ́ nyá, á be abe yɨ́, yé ómunɔɔ ti e mikaalé myé mímyɛ̂h.

Filipi 3:19

Bɨ́haá, ndumló wɔ́ɔ́, wé ó edîm tyeetye. Bé lɨ́ ejaá gʉ́ǎ njɨ nzyɛ̌m ngwár ɨ́ sí yɨ̂: mimo myɔ́ɔ́. Bé gúgúmló ó, bisâ bi dí ɨ́ buú sámle bé bí. Sâ gwár dí etirwo bé ɨ́ miléme yɨ́, yé ó njɨ bisá bí sí yɨ̂.

Éfɛsɔs 4:14

Jɔʼ yaá ó mɨ́ná ngá pʉʼa gá ɨ́ tyé bwá ó ntwǒm ɨ́ nkǒ páʼ búʼó yɨ́. Milɛ́ʼlá míswîh, myé ákǎ ntyeŋ mɨ́ná gâ, nkʉ̂ dímle mɨ́ná gá ɨ́ nzɨ̌ mikóo. Baányâ-mikóo baá, bé gwɨ́m ó, bé mɛ́rɨɨ mɨná gá ɨ́ mpila mépɨʼ yɔ́ɔ́, le ntémé ó, mɨná nʉ́aa gá bidyɛʼ byɔ́ɔ́.

Lʉkas 21:34

«Gwá di gá le ocwóó. Milémé mín ámû jaá tyɛʼ ɨ́ mpwaʼ edɨ́ɨ́ ndu e mpur menyoʼ, nkʉ̂ ɨ́ mpuo bijwɨʼ bí twǐʼ sí yɨ̂. Móhó waá, wé ámû jaá pyâl bɨ́n metwɨrâ, mpʉ̌ syɛ̌m.

Lʉkas 8:6

Gúú pâʼ mémpeʼ kur ɨ́ sí mékóʼ. Jɔ̌ʼ mpeʼ yaá, yé á pâh yɨ́, yê nzě swâh, ebě, yé á bé abe e medíbé tɨ̂.

Jacques 5:5

Bɨ̌n bé á tíʼe ɨ́ sí yɨ̂ʼ ó, ɨ́ mepwaʼ, lɨ́ ejaá sáǎ njɨ elóŋlǒ gwɨ́má bísâ. Bɨ̌n ntémé bé á be ó sí buú de ɨ́ de de de, bwǎʼ mpʉ mímyáʼ ɨ́ tu, bɨ̌n bɨɛ lɨ́ ekʉ́ gwá gʉ́a ó, yé e dʉ́ó mímyáʼ ngá tíʼɔɔ lɨ́.

1 Timotɛ 5:6

Kúho dí etíʼe ɨ́ gwɨ́má bísâ wɨ́, wɨ́haá, wɨ́ boó dwe yé kɔ́m, damá be ó, wé dína ó lɨ́ ekubla.

Lʉkas 16:19

«Yé á be ó e nyʉ́ʉ́ mʉ̂r á be e bisâ ɨ́ buo buo nyá. Melú mɨ́mɛ̂h, nye á bwâr ó, mikán myé á be ɨ́ lele tâŋ mí. Nye á titiʼe dʉ́ó lɨ́lɛ̂h ó ɨ́ mepwaʼ.

Lʉkas 12:45

Syɛ̂l mesâ waá sí jwɨʼ ɨ́ lémé wé tʉ́ŋlʉ̌ ó: “Yé ó go ó, Sɔ́ŋ wǎm álɨ̌ búla” nɛ́ɛ: nye óbɛ̌m táare ébî bʉ́ʉ́ ósyɛ̂l o mésâ, bʉbá e bʉrʉ̂m. Nye bɛ̌m táare ntémé ede méde le menyoʼ, le epuro ményoʼ.

Markus 4:6

Jɔʼ dʉ́o, lé á kah yɨ́, dwéhé nzě ŋmɛ́ha tɨ̂, nzě dîʼ mípáhá mémpeʼ myaá mímyɛ̂h, myé ntɔ̂ʼ swâh, ebě, myé á bé abe e mikaalé mimpâ.

Mataos 13:6

Sâ gwár, jɔʼ dʉ́o lé á kah yɨ́, dwéhé nzě ŋmɛ́ha, nzě dîʼ mípáhá mémpeʼ myaá. Myé ntɔ̂ʼ swâh, ebě, myé á bé abe e mikaalé mimpâ.

Ebrœ̂ 13:9

Gwá di gá le ocwóó. Sá abîr gá ó, nyʉ́ʉ́ mʉ̂r mɛ́rɨɨ bɨ̌n lɨ́ okómó ɨ́ nzɨ̌ metwɨ́ɨ́ méswîh nyé dí edwe bɨ́n má. Ncwɨ́ncwɨ́a mé Nzyɛ̌m ó dí egbâ bʉ̂r pîm ɨ́ búʼó. Yé mbɨa ó, bɨ̌n bíʼee nkul tɨ̂. Mede bé dí elɛ́ɛ ó, mʉr, nye ɨ́ jala le ede lɨ́ esú lé édwě Nzyɛ̌m dúu tɨ̂ʼ má, mé abe e nyɔm ɨ́ páʼ bʉ̂r o dí ede mé bá.