Yʉanes 9:7 - Kálar Nzyɛ̌m : Ejwán é Sáá

⁷ Nye e né ó: «Tóʼ, tó jwɨɨ mîh ɨ́ béh Siloâm.» (Díe laá, lé páʼlɔ́ɔ́ ó: “Lʉ́mlʉ́.”) Ántím nzě tó jwɨɨ mpóm. Nyé ká búla nɛ́ɛ: nye mû ó lɨ́ ebee.

Kálara Zyɛ̌m Edwán é mpʉ̌n

⁷ Nye e nye ó: «Toʼ, to jwɨ̀ɨ mih é bœh Siloe» —no, yé edwirɔ ó Lʉmlʉ. Ntim ze to jwɨ̀ɨ mpom. Nye a ka bula ó, nye mu lé ebee!

Yʉanes 9:7 ပူးပေါင်းရင်းမြစ်များ

Yʉanes 11:37

Bʉ́ʉ́ bʉ̂r ó sɔ́má yɔ́ɔ́, bé ó: «Nyɨɛ, mʉr á bɛ́ɛ ántím mîh nyá, nzê nye á bé agwá kǎ sâ ó, Lazare sá adwe ɛ̌?»

Yʉanes 9:11

Mʉ̌r nɨ̌, nye e bé ó: «Mʉr dí e díe ó, Yésʉs nyá, nye bé ɨ́ pulo bwá bíbwǎh, lœm mé byǎ ɨ́ mîh. Nye e me ó, me tôʼ ɨ́ béh Siloâm, tó jwɨɨ mpóm. Me ntɔ̂ʼ tô. Jɔʼ mê jwɨɨ mpóm yɨ́, me ntɔ̂ʼ kʉ́ táare ébee ɨ́ sʉ́lʉ́lʉ́.»

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

Lʉkas 13:4

Nzê bɨ̌n jwɨʼ ó, bʉr kám e mwom tólóm mbɛ̌r mé Siloâm, wé á bíla bá ó b'á bu bébe, laa bʉ̂r ó Yerʉ́zalɛm bɨ́bɛ̂h ɛ̌?

Galásia 4:4

Yé ntɔ̂ʼ kǎ pyâl mbɨambɨa jɔ̌ʼ Nzyɛ̌m á boo tyêl yɨ́. Jɔʼ yaá ó Nzyɛ̌m á nze ntɨh Mwân wé, ó nye ntáa nzě byɛ̂l ɨ́ mo nyʉ́ʉ́ mʉ́má. Mwân waá á be ó, ɨ́ mpila métié tʉ́ŋlʉ̌.

Rôm 8:3

Yé á bé abána ó, mɨná bíʼee gá twiʼ ɨ́ mbaʼlá métié, ebě njwɨr myâ wɨ́ná, wé á be ɨ́ tyɛʼ. Metyɛʼ mé njwɨr myâ waá, mé ntɔ̂ʼ teʼle métié maá. Sá métié mé Moyɨ̂z, mé á be akoʼo lɨ́ esâ yɨ́, Nzyɛ̌m nyɨɛ á si bana sâ yê. Nye á dwe mɨná gá twiʼ ó ɨ́ nzɨ̌ Mwân wé nyé á ntɨh ɨ́ sí yɨ̂ʼ nyá. Mwân waá nzě byɛ̂l mʉ̂r. Nyʉ̂l bipúno nyé, nye á kʉ nwɨɨla ó e nyaá gá nyɨ́ná, osyɛ̂l o mísyóm. Nye á nze ó ɨ́ lɔ̌b syóm gá wɨ́ná. Nye á nze pɛʼ ó wê. Nzyɛ̌m nzě dwě Yésʉs mebě, le entɨ̂ʼ nyʉ̂l bipúno nyé ɨ́ jɔʼ nyé á búra e misyóm myaá yɨ́.

Yʉanes 10:36

Nó ó bɨ̌n lɛ́ɛ́ ó, me lɨ́ esâ nyé nkěh ɨ́ yé? Nzê ebe mê gwíh bɨ́n ó, me ó Mwân wé yɨ́ ɛ́? Me ó waá Nzyɛ̌m á pɛ̂h, lómo ɨ́ sí yɨ̂ʼ nyá.

Yʉanes 9:39

Yésʉs, nye ó: «Me á nze ɨ́ sí yɨ̂ʼ ó, lɨ́ enzě tíʼe bʉ̂r milɔ̌b. Me á nze sâ ó, baántím, bé béyɨɨ; baá o dí ebee bá, líŋaa baántím.»

Lʉkas 2:32

Mwân nyâ, nye óbe ó njʉl ngá kʉn bíkúl bíswîh ó, byé gʉ́ŋaa go wɨ́. Bʉr bô, bʉr o b'Ɨ́zraɛ̂l, bé óbuú sêʼlɔɔ ɨ́ nye.»

Mataos 11:5

Baántím, bé mû ó lɨ́ ebáʼǎ bee. Bʉr o b'á tɨtɨ́a bá, bé lɨ́ etye mbɨ̂mbɨá. Minzɨ̂nzǎm, sí tiʼe. Mingʉʼ, myé mû ó lɨ́ ejóʼo; odwe lɨ́ epah ɨ́ mesoo. Mbɨambɨa Lɔ́ɔ, wé mû ó lɨ́ elɛ́ɔɔ kwá baántéʼenteʼe o bʉ̂r le baá o dí ɨ́ kpaa nkóó bá.