Yʉanes 9:4 - Kálar Nzyɛ̌m : Ejwán é Sáá

⁴ Mɨná sâʼ gá syɛ́ɛla me Mʉ̂r á ntɨh me nyá, yé dína móhó, ebě, pum, wé mû ó lɨ́ enzě dwíne, mʉr akǎ be e nkul eséa.

Kálara Zyɛ̌m Edwán é mpʉ̌n

⁴ Cye yiyɛh moho dina ɛ, bɨna saʼ ga syɛɛla mo Mʉr a ntɨh me e, ebe, pum, wé mu ó lé eze dwine, jɔʼ mʉr ndɨ, abe e nkul eka sea ɛ.

Yʉanes 9:4 ပူးပေါင်းရင်းမြစ်များ

Yʉanes 12:35

Yésʉs, nye e bé ó: «Njʉl, wé dína lɨ́ epǎn myɛ́n kwá nyɨ́n njɨ mâ jɔʼ. Bʉŋlaa gá ɨ́ jɔ̌ʼ njʉl dína lɨ́ epǎn myɛ́n yɨ́, ebě, edúrʉ́ʉ́, lé ámû jaá go bɨ́n, ebě, mʉr dí etô le entíma lɨ́ edúrʉ́ʉ́ nyá, nyé agʉ́ǎ nko nyé dí etô yɨ́.

Éfɛsɔs 5:16

Séáá gá mbɨ̂mbɨá ɨ́ mpǎŋ bijɔʼ bi dí epyâl bɨ́n bí, ebě, melú mɨ́ná dí etiʼe gá mâ, mé ɨ́ bébe.

Yʉanes 4:34

Yésʉs, nye e bé ó: «Mede mâm, mé ó, me sâʼ gwɨ́má mʉ̂r á ntɨh me nyá, le esîl syɛ́ɛ́ nyé á lɛ́ɛ ó, me ntáa nzě séa yɨ́.

Galásia 6:10

Ɨ́ mpʉ yé dí nó yɨ́, mɨ́ná bí gá epʉ́la e tɨ̂ʼ nó, mɨná gbâʼ gá nkul ó, mɨná cwɨ́aa gá e bʉr bɨ́bɛ̂h. Sâ gwár, kʉ́ buú cwɨ́a gá e bʉr ó Mbɛ̌r-Nzyɛ̌m gá wɨ́ná, dí bʉr ó búʼó gwár bá.

Yʉanes 17:4

Me á si lɛ̂ʼle bʉr kûm nyǒ ɨ́ sí yɨ̂. Mɨ́ sîl syɛ́ɛ́ gó á dwe me ó, me séaa yɨ́.

Kolosi 4:5

Tiʼaa gá le ocwóó ɨ́ míh mé bʉ̂r o dí abe ókrǐsten bá. Yé díʼee bɨ̌n jɔʼ bɨ́n jálá le esâ nó yɨ́.

Yʉanes 5:36

Sâ gwár, mɛm, mě e mboʼlá, laá mboʼlá mé Yʉánɛs, ebě, bisyɛ́ɛlǎ Nzyɛ̌m Sɔ́ŋ á dwe me ó, me sâʼ bí, byé ó mé dí esâ. Byé boʼlo ó, Nzyɛ̌m Sɔ́ŋ ó b'á ntɨh me.

Yʉanes 10:32

Yésʉs, nye e bé ó: «Me á si lɛ̂ʼle bɨ̌n bisyɛ́ɛla bimpâ ɨ́ buo buo, byaá Sɔ́ŋ wǎm á lɛ́ɛ ó, me sâʼ bí. Lɛ́yɨ́ɨ́ gá me: bɨ̌n lúmó mé mekóʼ ɨ́ yaá yáa?»

Yʉanes 10:37

Mé bé asâ bísyɛ́ɛla me Sɔ́ŋ wǎm nɛ́ɛ: adyɛ̂ʼwo gá e me!

Mɨlʉmlʉ 4:20

Yé abe e sá dí e nkul ebá sâ ó, bɨ̌h káraa elɛ́ɛ̌ sá bɨ́h á bee le ejóʼo yɨ́.»

Yʉanes 5:19

Yésʉs nzě báʼǎ nʉǎ lwǐb. Nye ó: «Mě lɛ́ɛ́ bɨ́n lɨ́ otyeetye ó, Mwân mé Nzyɛ̌m, nyé abe lɨ́ esâ yʉ́ʉ́ sɔ̂ʼ e nkul nyé mʉr tɨ̂. Nyě jaá sâ ó, njɨ syɛ́ɛla nyé dí ebee Sɔ́ŋ wé lɨ́ esâ yɨ́, ebě, syɛ́ɛla yɨ́yɛ̂h Sɔ́ŋ dí esâ yɨ́, yé ntémé ó Mwân wé dí esâ yɨ́.

Yʉanes 7:33

Yésʉs, nye ó: «Mɨná dína gá ó e mâ diá wâ. Me óbúla, swîʼ tô nko mʉ̂r á ntɨh me nyá dí yɨ́.

Mataos 20:7

Bê nzě yala e né ó: “Ebě, mʉr bé ajébe bɨ́h bɨɛ ó, bɨ̌h tô séa nyé syɛ́ɛ́.” Nye e bé ó: “Bɨ̌n nyɨɛ ntémé, laŋaa gâ. Tó séa gá ɨ́ pemé yâm.”

Markus 3:3

Yésʉs nzě lwib e mʉr á be e mbô ɨ́ swâm swâm nyá. Nye e né ó: «Gbɔlwaa sí témé bʉr bâ!»