Yʉanes 9:39 - Kálar Nzyɛ̌m : Ejwán é Sáá

³⁹ Yésʉs, nye ó: «Me á nze ɨ́ sí yɨ̂ʼ ó, lɨ́ enzě tíʼe bʉ̂r milɔ̌b. Me á nze sâ ó, baántím, bé béyɨɨ; baá o dí ebee bá, líŋaa baántím.»

Kálara Zyɛ̌m Edwán é mpʉ̌n

³⁹ Yesʉs, nye ó: «Me a ze kaʼ é si nwaʼ ó, lé eze dwe bʉr o ndɨ egumo e si waa ɛ, mobe. Me a ze sa ó, ontim, bé beŋɨ; baa lé ebee e, bɛɛ lihba ontim.»

Yʉanes 9:39 ပူးပေါင်းရင်းမြစ်များ

Yʉanes 3:19

Mebě me mʉ̂r waá, mé duho ó, ɨ́ lɔ̌b njʉl mû sí pan ɨ́ sí yɨ̂ʼ wɨ́. Bʉr bɨ́ɛ kǎ kpɛl édúrʉ́ʉ́, laǎ njʉl waá, ebě, bé lɨ́ ebuú kpɛl ésâ mísyóm.

Yʉanes 12:46

Mɛm á nze ɨ́ sí yɨ̂ʼ ó, me pánaa myɛ́n, ó mʉr nyɨnyɛ̂h dí edyêʼ koo e me nyá, nkʉ̂ duho lɨ́ edúrʉ́ʉ́, tô pyâl ɨ́ myɛ́n.

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

Yʉanes 8:12

Píe tɨ̂, Yésʉs nzě lɛ́ɛ bʉ̂r ó: «Me ó dí njʉl dí epan ɨ́ sí yɨ̂ʼ wɨ́. Mʉr ódû mé nyá, óbǐ njʉl dí edwě twiʼ wɨ́. Nye ákǎ ntíma lɨ́ edúrʉ́ʉ́.»

1 Yʉanes 2:11

Sâ gwár, mʉr waá dí enwim mɨ́ɔɔ́ wé nyá, nye dína ó, lɨ́ edúrʉ́ʉ́. Nye ntémé dína ó lɨ́ entíma. Nyé abá gʉ́ǎ nko nyé dí etô le entíma yɨ́, ebě, edúrʉ́ʉ́, lɨ́ liŋ nyé ántím.

Lʉkas 4:18

«Bɨ̌h e Sísǐm mé Nzyɛ̌m ó mû. Nzyɛ̌m á lœm me múlo ó, me tôʼ le etúnǒ Mbɨambɨa Lɔ́ɔ́ wé kwá baántéʼenteʼe o bʉ̂r. Nye á lómo me ó, me tôʼ le elɛ́ɛ míkómó ó, mí pɛʼɔɔ. Me lɛ́yɨɨ ntémé baá o dí e ntím bá ó, bé mû ó lɨ́ ebee. Me lɛ́yɨɨ baá o dí ejaʼra e mpêl bá ó, bɨ́ bírɔɔ.

Lʉkas 1:79

Nye ókʉn ntémé menzɨ̌ me bʉ̂r o b'á bɨbe lɨ́ edúrʉ́ʉ́ bá. Baá bé á bɨbe ɨ́ ka sóo bá, bé mû ó, sí tiʼe. Nye ólɛ̂ʼle mɨ́ná gá mpʉ mɨ́ná jálá le edûdu gá kʉ̌ tyen mpâ, mɨ́ná gá le onɔ́ɔ́ nkʉ̂ didi ɨ́ mepyɛbla yɨ́.»

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.

Éfɛsɔs 5:14

Ebě, sá yɨ́yɛ̂h njʉl dí ekʉn yɨ́, yé mû ó lɨ́ epan mímbah. Sá tɨ̂ʼ ó bé dí elɛ́ɛ ó: «Gua mʉr dí ɨ́ jô nyá, jɨmáa. Duhaa ɨ́ sɔ́má ódwe. Krîst pánaa go mimbah, tyen gó ɨ́ myɛ́n» yɨ́.

Yʉanes 9:25

Nye ó: «Mɛm mé agʉ́a yâm nkʉ̂ nye syɛ̂l misyóm, nkʉ̂ nyé abe nyê. Sá mé dí ejaá gʉ́a yɨ́, yé ó njɨ gwár: me á bɨbe ó ántím. Nó ó, ɨ́ báánâ, me mû ó lɨ́ ebee ɨ́ púúm.»

Yʉanes 8:15

Bɨ̌n tíʼé mílɔ̌b ó, lɨ́ edû mpʉ bʉ̂r dí ekpɛl yɨ́. Mɛm, mé abe lɨ́ etíʼe mʉ̂r lɔ̌b.

Yʉanes 3:17

Nye á bé antɨh Mwân wé ó, nye ntáa nzě dwe bʉ̂r ó sí yɨ̂ʼ mebě. Nye á ntɨh nye ó, bʉr bíʼee twiʼ ɨ́ nzɨ̌ nyé.

Lʉkas 13:30

Bʉr o dí ɨ́ báánâʼ mepíhe bá, bé ótyɛ̂b mésôʼ. Baá dí báánâʼ mesôʼ bá, bé ókǎ tyɛ̂b mépíhe.»

Lʉkas 7:21

Lɨ́ ewala egwár le egwár laá, bé á kœb ó, Yésʉs lɨ́ etiʼ mímbêl ɨ́ buo buo, baá bé á be e mekpaa, le baá bé á be e bidyɛ̂m, le baá mímbɨ́a mísísǐm, byé á nzɨnzamra bá. Nye á si tiʼ ntémé baántím ɨ́ buo buo, le esâ ó, bé báʼa bee.

Lʉkas 2:34

Píe tɨ̂, Siméon nzě syɛɛ bé metyéelé, lɨ́ elɛ́ɛ e Maria, nyɔ̌ŋ mé Yésʉs ó: «Mwán nyâ, nye ó waá Nzyɛ̌m á ntɨh ó, nye twêhlaa baá o dí ebeně Nzyɛ̌m bá, le egbɛl bʉ́ʉ́ sí, baá o dí ekpɛl nyé bá. Nye óbe ó le jwɨ̌ʼ, lɨ́ elɛ̂ʼle nkûl mé Nzyɛ̌m. Bʉ́ʉ́ bʉ̂r bɨ́ɛ, bé ósóŋlo nyê.

Mataos 11:5

Baántím, bé mû ó lɨ́ ebáʼǎ bee. Bʉr o b'á tɨtɨ́a bá, bé lɨ́ etye mbɨ̂mbɨá. Minzɨ̂nzǎm, sí tiʼe. Mingʉʼ, myé mû ó lɨ́ ejóʼo; odwe lɨ́ epah ɨ́ mesoo. Mbɨambɨa Lɔ́ɔ, wé mû ó lɨ́ elɛ́ɔɔ kwá baántéʼenteʼe o bʉ̂r le baá o dí ɨ́ kpaa nkóó bá.

Mataos 6:23

Díh lô, lé óbe, abě mbɨ̂mbɨá nó, nyʉ̂l nyǒ nyɨnyɛ̂h óbe ó lɨ́ edúrʉ́ʉ́. Yé sí kǎ be ó, dwé dí ɨ́ nyʉ̂l nyǒ yɨ́, sí liŋa édúrʉ́ʉ́ nó, edúrʉ́ʉ́ laá, lé óbe ó ɨ́ ntime ntime!»

2 Tesalonika 2:10

Nye ógbah métié mé Nzyɛ̌m, le esâ bísyɛ́ɛla bi dí édímle bʉ̂r ɨ́ nzɨ̌ mikóo bí. Bisyɛ́ɛla byaá, byé ódímle baá ngá dîm ɨ́ nkɔb bʉr bá. Bé ódîm, ebě, bé á si bene otyeetye. Yé bé bé á be ɨ́ kpɛl wé nó, lɛ́ɛ́, wé á si gwa tíʼ bê.

Mataos 15:14

Bírɨ́ɨ́ gá bê: bé ó baántím dí elɛ̂ʼle bʉ́ʉ́ báántím nzɨ̌ bá! Ántím ólɛ̂ʼle nyʉ́ʉ́ ántím nzɨ̌ nó, bɨ́bɛ̂h obá, bé ólʉ́ŋa ɨ́ bɨ́.»

Yʉanes 12:31

Báánâʼ mû ó jɔ̌ʼ lɔ̌b sí yɨ̂ʼ múo nzě tîʼ yɨ́. Ɨ́ báánâ, njwɨ́ɨ sí yɨ̂, múo nzě soŋɔɔ.