Yʉanes 9:34 - Kálar Nzyɛ̌m : Ejwán é Sáá

³⁴ Bé e né ó: «Gbaa gó á byɛ̂l, go ó njɨ témé misyóm. Gǒ lɛ́ɛ́ ó, gǒ lɛ́ʼlé ó, bɨ̌h ɨ́?» Ntɔ̂ʼ soŋɔɔ nyé ɨ́ mpáh minjɨʼla nyɔ́ɔ́.

Kálara Zyɛ̌m Edwán é mpʉ̌n

³⁴ Bé e nye ó: «Ngbàa go a byɛl, go ó njɨ syɛl ebebe. Go ebuʼla ó, go e nkul eyeʼle bɨh yʉʉ sɔʼɔ ɛ?» Ntɔʼ cyelɔ nye é pɨŋ.

Yʉanes 9:34 ပူးပေါင်းရင်းမြစ်များ

Yʉanes 9:22

(Náǎ yé ó, Sɔ́ŋ ndu e nyɔ̌ŋ, bé á lwilwib nó ó, ebě, bé á be ó lɨ́ ekpɛ́ɛ óYúden, ebě, oYúden baá, bé á bě sí di twíí páʼ nyɔ́ɔ́ ó, mʉ̂r sí lɛ́ɛ ó, Yésʉs, nye ó Mʉ̌r Nzyɛ̌m á lœm múló mé jwɨ́ɨ nó, nye sóŋɔɔ ɨ́ mpáh minjɨʼla nyɔ́ɔ́.

Yʉanes 9:2

Ompʉ́n bé, nzě dî e né ó: «Lɛ̂ʼla, mʉr nyâʼ á byɛ̂l e ntím ɨ́ yé? Nzê ɨ́ lɔ̌b syóm wé, nye mʉr tɨ̂ʼ ɛ̌? Nzê ɨ́ lɔ̌b syóm óbyɛ́l bé, bé á sâ wɨ́ ɛ́?»

Lʉkas 18:17

Mě lɛ́ɛ́ bɨ́n lɨ́ otyeetye ó, mʉr dí aja Mpóʼo mé Nzyɛ̌m mpʉ mâ ntwǒm nyá, nye ákóʼó nî tɨ̂.»

Mɨngwiha 13:17

Mʉr nyɨnyɛ̂h á be atwɛlɔɔ mpɔɔ́ nyaá nyá, á bé abe e nkul ekǎ bwâm, nkʉ̂ bɛ́ma yʉ́ʉ́ sɔ̂ʼ pátele. Mpɔɔ́ nyaá, nye ó bikaŋá métɔ́ɔ. Nye lɨ́ elɛ̂ʼle díé é tír esôʼ.

3 Yʉanes 1:9

Me á si cɛma Mbɛ̌r-Nzyɛ̌m mekaná. Sâ gwár, Diotrɛ́fes, mʉr dí egwɨ̂m édi njwɨ́ɨ wɨ́n nyá, nyé akpɛl ésâ bɨ́h mejóʼo.

1 Pyɛr 5:5

Bɨ̌n biloʼo, yé jala ó, bɨ̌n díʼee ɨ́ jwɨ́ɨ́ ótɔ́má ó bʉ̂r. Bɨ̌n bɨ́bɛ̂h, jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, ebě, yê cɛmá ó: «Nzyɛ̌m, nye lɨ́ elwímla e bʉr o dí enkɛ́ɛ ményʉ́l mɔ́ɔ́ bá. Baá dí ɨ́ talǎ njwɨr bá bɨɛ, nye lɨ́ esʉ bé metyɛʼ me mpóm.»

Éfɛsɔs 2:3

Mɨná bɨ́bɛ̂h, bé á nyɛɛ dudû gá ó, kʉ̌ tyen ngwár e ngwár waá. Mɨná bé á jaa gwɨgwɨ̂m gá ó, njɨ elóŋlo bísyɛ́ɛla njwɨr myâ gá wɨ́ná, wé á kʉ bu gwɨ̂m ó, mɨná sâʼ bí. Bigwɨ́má byaá ó b'á jaa bu pɨpálwo mɨná gá ɨ́ miléme. Sá yé á kʉ jala e bɨ̌h oYúden yɨ́, yé á be ó, bɨ̌h jâʼraa e nkpaa mé Nzyɛ̌m, jwɨʼ gwár e gwár e mpʉ bʉ̂r o dí abe óYúden bá, bé á jala le ejaʼra e nye yɨ́.

Galásia 2:15

«Mɨná gá ó dí mimbyɛ́lá mí óYúden. Mɨná bé abe gá bʉr o bíkúl bíswîh, osyɛ̂l o mísyóm.

1 Korɛnt 5:13

Nzyɛ̌m ó ngá tíʼe mílɔ̌b mí óhááden. Yê cɛmá ɨ́ Mekaná mé Nzyɛ̌m ó: «Soʼ gá bébebébe mʉr ɨ́ sɔ́má yɨ́n tʉ́ŋlʉ̌.»

Yʉanes 9:40

Bʉ́ʉ́ óFarizyɛ̂n, bé e boo nɔ́ɔ́ bé á be bá, nzě jóʼɔɔ̌ lwǐb nɨ̌. Bé ntɔ̂ʼ dî e né ó: «Nzê bɨ̌h bɨɛ ntémé bé ó baántím ɛ́?»

Yʉanes 9:35

Yésʉs ntɔ̂ʼ jóʼo ó, mʉr nyé á tiʼ nyá, bé á be ɨ́ so nyé ɨ́ mpáh minjɨʼla nyɔ́ɔ́. Nye nzě bɔma e né. Nye e né ó: «Nzê go lɨ́ edyɛ̂ʼwo e Mwân mé Mʉr ɛ̌?»

Yʉanes 8:41

Bɨ̌n bé lɨ́ esâ náǎ ó, bisyɛ́ɛla bi sɔ́ŋ wɨ́n.» Bé e né ó: «Bɨ̌h bé abe bwân o b'á byɛ̂l ɨ́ mbɛ̌r bá. Bɨ̌h bé e Sɔ́ŋ ngwár, njɨ Nzyɛ̌m nye omér.»

Yʉanes 6:37

Mʉr nyɨnyɛ̂h Nzyɛ̌m Sɔ́ŋ dí elómlo mé nyá, ónze kwá nyǎm. Mɛm ntémé áso waá nyɨnyɛ̂h dí enze kwá nyǎm nyá.

Lʉkas 14:11

Ebě, mʉr dí enkɛ́ɛ nyʉ̂l nyá, ósulɔɔ sí. Mʉr waá dí ejɔr nyʉ̂l nyé nyá, óbɨ́nɔɔ kʉ́.»

Lʉkas 11:45

Nó nyʉ́ʉ́ lɛ̂ʼla metié á nze lɛ́ɛ e né ó: «Lɛ̂ʼla, jɔʼ gó dí elwib le oFarizyɛ̂n nó yɨ́, go lɨ́ esámle ntémé bɨ̌h le onɔ́ɔ́ bɨ́bɛ̂h.»

Lʉkas 6:22

«Bɨ̌n bé e metyɛʼ me mpóm ɨ́ jɔʼ bʉ̂r nwím bɨ́n yɨ́, le ɨ́ jɔʼ bé pɨ́m bɨ́n, pya bɨ́n, le eláa bɨ́n ɨ́ sɔ́má ósyɛ̂l bé ébébe ebe bɨ́n dí ebúʼla Mwân mé Mʉr yɨ́.

3 Yʉanes 1:10

Ɨ́ tɨ̂, mé óbáʼǎ nze nó, me óláa nyé bibaa bí ébébe, le elɛ́ɛ̌ syɛ́ɛla ébébe yɨ́yɛ̂h nyé á pa sâ yɨ́. Nye lɨ́ elɛ́ɛ bíbébebébe bílwǐb ɨ́ lɔ̌b wɨ́h. Abě njɨ bím yaá. Nye lɨ́ ebene énʉa bɨ́ɔɔ́ gá bɨ́ná dí epyâl bɨ́n bá. Nó ó, bʉr o b'á tíʼe ɨ́ myɔ́ɔ́ mílémé ó, bé baʼle ó ojwóo baá bá, nyɨɛ, nye lɨ́ ekamle bé lɨ́ enʉa bê, lɨ́ egwá sâ ó, nye sôʼ bé ɨ́ Mbɛ̌r-Nzyɛ̌m, pyêl bé kʉ̌l.