Yʉanes 9:29 - Kálar Nzyɛ̌m : Ejwán é Sáá

²⁹ Bɨ̌h bé lɨ́ egʉ́a ó, Nzyɛ̌m á be ó sí lwib e Moyɨ̂z. Sâ gwár, mʉr nyâ, bɨ̌h bé agʉ́ǎ nko nyé á duho yɨ́.»

Kálara Zyɛ̌m Edwán é mpʉ̌n

²⁹ Bɨh bé egʉa ó, Zyɛm a be ó si lwib e Moyiz. Sa gwar, waa nɨ, bɨh bé agʉa nko nye a duho e.»

Yʉanes 9:29 ပူးပေါင်းရင်းမြစ်များ

Yʉanes 8:14

Yésʉs, nye e bé ó: «Mě damá boʼlǒ lɔ̌b wâm mɛm mʉr tɨ̂, sá mé dí elɛ́ɛ yɨ́, yé kʉ́ be ó tyeetye, ebě, me lɨ́ egʉ́ǎ nko mé á duho, ndu e nko mé dí etô yɨ́. Sâ gwár, bɨ̌n bɨɛ, bé agʉ́ǎ nko mé á duho yɨ́, nkʉ̂ páʼ mé dí etô wɨ́.

Mɨlʉmlʉ 26:22

Sâ gwár, Nzyɛ̌m á si kamle e me, nzě pyâl ɨ́ móhó wɨ̂ʼ mûh. Me dína ó wâ, lɨ́ eboʼlǒ lɔ̌b waá kwá bʉr bɨ́bɛ̂h, táare e bwá ó ntwǒm, kala le otɔ́má bʉ̂r. Mé alɛ́ɛ yʉ́ʉ́ sá swîh, njɨ yaá ógwíha o mílɔ̌b ndu e Moyɨ̂z bé á boo lɛ́ɛ ó, yé ópyâl yɨ́.

Mɨlʉmlʉ 22:22

Bʉr, bé á be lɨ́ ejôʼlǒ Pɔ̂l, tó pyâl ɨ́ jɔʼ nyé á lɛ́ɛ milɔ̌b myaá mímyɛ̂h yɨ́. Nó bé á taare ebɨ̂n mecwíí kʉ́. Bé ó: «Pɛʼɛɛ gá mbi mʉ̂r nɨ̌ ɨ́ sí yɨ̂. Nye ɨ́ jala le edwe. Nyé ajala le ekǎ tiʼe.»

Mɨlʉmlʉ 7:35

«Tó kœb ó, Moyɨ̂z ngwár waá, nye ó mʉr bʉ̂r o b'Ɨ́zraɛ̂l, bé á bene nyá. Bé á lɛ́ɛ e né ó: “Nzé nyɨɛ á pʉgʉ tyêl go njwɨ́ɨ, nkʉ̂ tîʼ milɔ̌b wɨ́h?” Nyɨɛ yɨ́ɛ waá Nzyɛ̌m á lómo nyá. Nye á lómo nye ó, nye díʼee njwɨ́ɨbʉr le mʉr á dwih bʉr bé ɨ́ mpila yɔ́ɔ́ nyá. Nye á tyêl nye ɨ́ bidǐ byaá ó e nzɨ̌ mé éngelěs Moyɨ̂z á bee ɨ́ mâ lɨ́ kpâʼ nyá.

Yʉanes 9:24

OFarizyɛ̂n nzě báʼǎ jébe mʉ̂r á tiʼɔɔ nyá. Bé e né ó: «Lɛ́yɨ́ɨ́ ótyeetye ɨ́ míh mé Nzyɛ̌m. Bɨ̌h bé lɨ́ egʉ́a ó, mʉ̌r nɨ̌, nye ó syɛ̂l misyóm.»

Yʉanes 9:16

Bâʼ óFarizyɛ̂n, bé ó: «Mʉr sá mbǐ syɛ́ɛla wɨ̂ʼ nyá, nyé abe e nkul eduho kwá mé Nzyɛ̌m, ebě, nyé adû mémpéné mé móhó sábat.» Bʉ́ʉ́, bé ó: «Nyá? Syɛ̂l misyóm, nyé abe e nkul esâ mbi ésimá wɨ̂.» Bʉr ntɔ̂ʼ bɔ́ʼa ménkɔb mebá.

Yʉanes 7:27

Sâ gwár, ɨ́ jɔʼ mʉ̂r waá ópyâl yɨ́, mʉr, nye ágʉ́ǎ páʼ nyé óduho wɨ́. Tó kœb ó, mɨná bé lɨ́ egʉ́a gá nko mʉ̂r nyâʼ á duho yɨ́.»

Yʉanes 1:17

Nzyɛ̌m á tyêl mɨná gá metié ndu e l'egbâ mémpéné ó, cɨɨ ɨ́ nzɨ̌ mé Moyɨ̂z. Nó ó, mpam nyé le otyeetye bíɛ, byé á nze ɨ́ mɨná gá ó, cɨɨ ɨ́ nzɨ̌ mé Yésʉs-Krîst.

Lʉkas 23:2

Bê nzě táare épurɔɔ nyê. Bé ó: «Bɨ̌h bé á si bee mʉr nyâʼ lɨ́ endámǎ kúl bʉ̂r yɨ́h lɨ́ elɛ̂ʼle yé ó, yé ajala le ejánǎ Kɛ́ɛza tœ́a. Nye á si kʉ lɛ́ɛ ntémé ó, nye ó dí Njwɨ́ɨbʉr, waá Nzyɛ̌m á lœm múló mé jwɨ́ɨ wɨ́.»

Mataos 26:61

«Nye á lɛ́ɛ ó, nye ógbɛ́ɛ mpáh Nzyɛ̌m, ntɔ̂ʼ sumo nyaá swîh njɨ ɨ́ melú mélɛ̂l.»

Mataos 12:24

Jɔʼ óFarizyɛ̂n, bé á jóʼo nó yɨ́, bé ntɔ̂ʼ lɛ́ɔɔ ó: «Mʉr nyâʼ sʉso méleme ó, ebě, Béelzébul, njwɨ́ɨ meleme, nye lɨ́ edwe nyé nkul nyaá!»

Yʉanes 7:28

Yésʉs á be ó lɨ́ edwe bé milɛ́ʼlá ɨ́ mpáh Nzyɛ̌m. Nye nzě tyɛ̂b le etúno ó: «Bɨ̌n bé lɨ́ egʉ́a mê? Bɨ̌n ntémé, bɨ́ gʉ́ǎ páʼ mé á duho wɨ́? Me á bé anze e mɛm mʉr tɨ̂. Sâ gwár, mʉr á ntɨh me nyá, nye ó tyeetye. Bɨ̌n bé agʉ́a nyê.

Yʉanes 9:30

Mʉ̌r nɨ̌, nye e bé ó: «Sá ékâm, yé ó bɨ̌n bé agʉ́ǎ nko nyé á duho yɨ́, nyɨɛ bé yɨ́ɛ ó sí bɛ́ɛ mé mâm mîh.

Ebrœ̂ 1:1

Ɨ́ mimbú mí píhe, Nzyɛ̌m á lwilwib e bimpám gá bíná ó, cɨɨ ɨ́ nzɨ̌ ogwíha o mílɔ̌b. Nye á lwilwib e byé ó, mimbi mimbi, le ɨ́ bijɔʼ ɨ́ buo buo.

Ebrœ̂ 1:2

Ɨ́ yɨ̂ʼ jɔʼ mpʉ mélú mé mpóʼo sí yɨ̂ʼ mû lɨ́ ekɔ́a yɨ́, nye mû kǎ lwib e mɨná gá ó, cɨɨ ɨ́ nzɨ̌ Mwân wé. Nye ó waá Nzyɛ̌m á kɛʼ ó, nye ónʉa bílíʼé bí sí yɨ̂ʼ bíbyɛ̂h nyá. Nzyɛ̌m á kuho kʉ́ e sí ndu e l'ekomlǒ sá yɨ́yɛ̂h dí tɨ̂ʼ yɨ́ ó, ɨ́ nzɨ̌ nyé.