Yʉanes 9:24 - Kálar Nzyɛ̌m : Ejwán é Sáá

²⁴ OFarizyɛ̂n nzě báʼǎ jébe mʉ̂r á tiʼɔɔ nyá. Bé e né ó: «Lɛ́yɨ́ɨ́ ótyeetye ɨ́ míh mé Nzyɛ̌m. Bɨ̌h bé lɨ́ egʉ́a ó, mʉ̌r nɨ̌, nye ó syɛ̂l misyóm.»

Kálara Zyɛ̌m Edwán é mpʉ̌n

²⁴ OFarizyɛŋ, bé ze bâʼle baŋle mʉr a tiʼɔ ɛ. Bé e nye ó: «Lɛŋɨ ocyecye é mih mo Zyɛm. Bɨh bé egʉa ó, mʉr nɨ, nye ó syɛl mɨsyem.»

Yʉanes 9:24 ပူးပေါင်းရင်းမြစ်များ

Yʉanes 9:16

Bâʼ óFarizyɛ̂n, bé ó: «Mʉr sá mbǐ syɛ́ɛla wɨ̂ʼ nyá, nyé abe e nkul eduho kwá mé Nzyɛ̌m, ebě, nyé adû mémpéné mé móhó sábat.» Bʉ́ʉ́, bé ó: «Nyá? Syɛ̂l misyóm, nyé abe e nkul esâ mbi ésimá wɨ̂.» Bʉr ntɔ̂ʼ bɔ́ʼa ménkɔb mebá.

Yʉanes 19:6

Mbeá ójwɨ́ɨ o mpáh Nzyɛ̌m ndu e bisója bí óYúden, bé á bee nye yɨ́, bê nzě lwib kʉ́kʉ́. Bé ó: «Bomlaa nyé ɨ́ kolôs! Bomlaa nyé ɨ́ kolôs!» Pilátos, nye e bé ó: «Bɨ̌n bʉr o tɨ̂, nʉaa gá nye bé. Bɨ̌n a bómló nyé ɨ́ kolôs, ebě, ɨ́ wâm pâʼ, mé abee ó, nyě e mebě dí ó, nye ɨ́ jala le edwe tɨ̂ʼ má.»

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

Rôm 8:3

Yé á bé abána ó, mɨná bíʼee gá twiʼ ɨ́ mbaʼlá métié, ebě njwɨr myâ wɨ́ná, wé á be ɨ́ tyɛʼ. Metyɛʼ mé njwɨr myâ waá, mé ntɔ̂ʼ teʼle métié maá. Sá métié mé Moyɨ̂z, mé á be akoʼo lɨ́ esâ yɨ́, Nzyɛ̌m nyɨɛ á si bana sâ yê. Nye á dwe mɨná gá twiʼ ó ɨ́ nzɨ̌ Mwân wé nyé á ntɨh ɨ́ sí yɨ̂ʼ nyá. Mwân waá nzě byɛ̂l mʉ̂r. Nyʉ̂l bipúno nyé, nye á kʉ nwɨɨla ó e nyaá gá nyɨ́ná, osyɛ̂l o mísyóm. Nye á nze ó ɨ́ lɔ̌b syóm gá wɨ́ná. Nye á nze pɛʼ ó wê. Nzyɛ̌m nzě dwě Yésʉs mebě, le entɨ̂ʼ nyʉ̂l bipúno nyé ɨ́ jɔʼ nyé á búra e misyóm myaá yɨ́.

Yʉanes 18:30

Bé e né ó: «Yé bé nye bé abě bɨ́bla mʉ̂r nó, lɛ́ɛ́, bɨ̌h bé anze e né nko gó dí yɨ́.»

Yʉanes 16:2

Bé óso bɨ́n ɨ́ mempáh mínjɨʼla mɔ́ɔ́. Yé ópyâl ntémé jɔʼ bʉ̂r, bé ójʉ̂ bɨ́n, lɨ́ ejwɨʼ ó, bé séá ó Nzyɛ̌m syɛ́ɛ́ yɨ́.

Yʉanes 14:30

Me ákǎ báʼǎ buú lwib e bɨ̌n, ebě, njwɨ́ɨ sí yɨ̂, nye mû ó lɨ́ enze. Nyé abe e nkul ejwɨ́ɨ mɛ̂m yɨ́ɛ.

Yʉanes 8:49

Yésʉs, nye e bé ó: «Mé abe le eleme. Me ó njɨ lɨ́ edwidwe Sɔ́ŋ wǎm kûm. Bɨ̌n bɨɛ lɨ́ esâ mé bisá bí ésɔ́m!

Yʉanes 8:46

Wáa mʉ̂r ɨ́ sɔ́má yɨ́n dí e nkul elɛ̂ʼle mé ó, me á be ɨ́ sâ syóm? Jɔʼ mé dí elɛ́ɛ ótyeetye yɨ́, bɨ̌n bé abûʼla wé ɨ́ yé ɛ́?

Yʉanes 5:23

ó bʉr bɨ́bɛ̂h, bé dwêʼ Mwân dúu jwɨʼ gwár e gwár e mpʉ bé dí edwe Sɔ́ŋ yǎ yɨ́. Mʉr dí adwe Mwân dúu nyá, nyé adwe ntémé Sɔ́ŋ, mʉr á pa ntɨh nye nyá dúu.

Lʉkas 19:7

Bʉr bɨ́bɛ̂h bé á bee syɛ́ɛla yaá bá, bé á si lwib lɔ̌b waá minyimla. Bé ó: «Mʉr nyâ, nyɨ́ tó jâ ɨ́ mbɛ̌r syɛ̂l misyóm!»

Lʉkas 15:2

Nó ó óFarizyɛ̂n le olɛ̂ʼla o métié, bé á nyimla páʼ nyɔ́ɔ́ ó: «Mʉr nyâ, nye lɨ́ enʉa ósyɛ̂l o mísyóm! Bé e boo nɔ́ɔ́ bánǎ pûhla mébô, de!»

Lʉkas 7:39

Nó ɨ́ jɔ̌ʼ Farizyɛ̂n á báŋle Yésʉs nyá, á bee syɛ́ɛla yaá yɨ́, nye ntɔ̂ʼ táare élwib ɨ́ lémé wé ó: “Yé bé mʉr nyâ, nyě tyeetye ó ngwíha milɔ̌b mé Nzyɛ̌m nó, lɛ́ɛ́, nyɨ́ gʉ́a ó, mʉmá dí ekúna e né nyâ, nye lɨ́ esâ syóm ɨ́ nwérédé.”

Markus 15:27

Bé á bomlo nye ɨ́ kolôs kʉ́ ó e binzilngǎn bibá, yɨ̂ʼ ɨ́ páʼ mbó éjʉ́m wé; yʉ́ʉ́ ɨ́ páʼ mbó émyɛ̌l.

Yʉanes 9:25

Nye ó: «Mɛm mé agʉ́a yâm nkʉ̂ nye syɛ̂l misyóm, nkʉ̂ nyé abe nyê. Sá mé dí ejaá gʉ́a yɨ́, yé ó njɨ gwár: me á bɨbe ó ántím. Nó ó, ɨ́ báánâ, me mû ó lɨ́ ebee ɨ́ púúm.»

Mɨngwiha 11:13

Sí, yé á si bu pɨ̂ʼla ɨ́ jɔʼ yaá. Nó ó, mimbɛ̌r mí nkana yaá, myé á si duma sí. Nkɔb mimbɛ̌r mpwár ɨ́ menkɔb kám, nye á si duma sí. Jɔʼ sí, yé á pɨ̂ʼla yɨ́, bʉr, bé á si dwe, tâŋ otɔ́ɔ́sin nzaangbá. Baá bé á ka lîʼ mikublakúbla bá, bé á si bu jóʼo bʉ́á. Bé ntɔ̂ʼ gúmlǒ Nzyɛ̌m dí ɨ́ jʉ́o kʉ́ nyá.