Yʉanes 9:22 - Kálar Nzyɛ̌m : Ejwán é Sáá

²² (Náǎ yé ó, Sɔ́ŋ ndu e nyɔ̌ŋ, bé á lwilwib nó ó, ebě, bé á be ó lɨ́ ekpɛ́ɛ óYúden, ebě, oYúden baá, bé á bě sí di twíí páʼ nyɔ́ɔ́ ó, mʉ̂r sí lɛ́ɛ ó, Yésʉs, nye ó Mʉ̌r Nzyɛ̌m á lœm múló mé jwɨ́ɨ nó, nye sóŋɔɔ ɨ́ mpáh minjɨʼla nyɔ́ɔ́.

Kálara Zyɛ̌m Edwán é mpʉ̌n

²² Tina, yé ó, obyɛl be, bé a lwib no ó, ebe, bé a be ó lé ekpɛɛ oYʉden, ebe, oYʉden baa, bé a be ó si di twii paʼra wɔɔ ó, ǃɨ mʉr si kʉ lɛɛ ó, Yesʉs, nye ó Lœma mulo mo Zyɛm nɛʼɛ, nye ócyelɔ é pɨŋ, aka to é mpah mɨnjwɨʼla wɔɔ.

Yʉanes 9:22 ပူးပေါင်းရင်းမြစ်များ

Yʉanes 16:2

Bé óso bɨ́n ɨ́ mempáh mínjɨʼla mɔ́ɔ́. Yé ópyâl ntémé jɔʼ bʉ̂r, bé ójʉ̂ bɨ́n, lɨ́ ejwɨʼ ó, bé séá ó Nzyɛ̌m syɛ́ɛ́ yɨ́.

Yʉanes 7:13

Ɨ́ bím lɔ̌b nɨ̌, mʉr á bé alwib kʉ́kʉ́, ebě, bé á be lɨ́ ekpɛ́ɛ óYúden.

Lʉkas 6:22

«Bɨ̌n bé e metyɛʼ me mpóm ɨ́ jɔʼ bʉ̂r nwím bɨ́n yɨ́, le ɨ́ jɔʼ bé pɨ́m bɨ́n, pya bɨ́n, le eláa bɨ́n ɨ́ sɔ́má ósyɛ̂l bé ébébe ebe bɨ́n dí ebúʼla Mwân mé Mʉr yɨ́.

Yʉanes 9:34

Bé e né ó: «Gbaa gó á byɛ̂l, go ó njɨ témé misyóm. Gǒ lɛ́ɛ́ ó, gǒ lɛ́ʼlé ó, bɨ̌h ɨ́?» Ntɔ̂ʼ soŋɔɔ nyé ɨ́ mpáh minjɨʼla nyɔ́ɔ́.

Mɨngwiha 21:8

Baábʉ́bʉ́á bɨ́ɛ, bé le ohááden, bʉr o dí e milémé mébomo, ojʉ̂l o bʉ̂r, osyɛ̂l o bímolá, oleme ti e baá o dí edwe bíkpɛʼkpɛ̂ʼ bí ónzyɛ̌m kûm bá, ndu e baányâ-mikóo bɨ́bɛ̂h, bɨ́ɛ, bé ójaá kœb ódiá wɔ́ɔ́ ó, njɨ ɨ́ bɨ́ siʼe. Yé ó lwɨ́ŋlá e siʼe ti e pir. Yé ɨ́ buú díʼa. Tɨ̂ʼ ó bʉ̂r dí edwe éswie embá yɨ́.»

Mɨlʉmlʉ 5:40

Bʉr ó gwɨ́hlá nzě kamɔɔ. Bê nzě jébe bʉ̂r o mílʉ́mlʉ́, bíŋɔɔ bê, gbáŋɔɔ bé mpéné ó, bé l'anyamlě kǎ báʼǎ lwib ɨ́ díé mé Yésʉs, ntɔ̂ʼ bírɔɔ bê.

Mɨlʉmlʉ 5:13

Bʉr ɨ́ buo buo, bé á be lɨ́ esêʼle bê. Damá jóʼo nó, bé á bé adûhwo étiʼe ɨ́ mpúhlá e bê.

Mɨlʉmlʉ 4:18

Bê nzě báʼǎ jébe bê, nzě lɛ́ɔɔ e bé ó, bé gwáʼaa elwib le edwe bʉ̂r gúú lɛ́ʼlá swîh ɨ́ díé mé Yésʉs.

Yʉanes 20:19

Ɨ́ bíí kʉ̌ʼ ɨ́ móhó sóno ngwár waá, ompʉ́n bé, bé á bě sí tó syɛŋa ɨ́ gúú mbɛ̌r, pɨrɔɔ mébê e mengʉŋ, ebě, bé á be ó lɨ́ ekpɛ́ɛ óYúden. Yésʉs nzě pyâl, tyɛ̂b páʼ nyɔ́ɔ́. Nye ó: «Mepyɛbla, mé díʼee bɨ̌n ɨ́ miléme.»

Yʉanes 19:38

Píe tɨ̂, Yóseb, mʉr Arimatê, nzě dî e Pilátos mʉ́ʉ́ mé Yésʉs, ó nye tôʼ dɨl wé ɨ́ soo. (Yóseb á be ó mpʉ́n mé Yésʉs, á dyɛ̂ʼwo e né ɨ́ mesǒ nyá, ebě, nye á be ó lɨ́ ekpɛ́ɛ óYúden.) Pilátos nzě kam. Yóseb ntɔ̂ʼ nkɛ́ɛ̌ múú mé Yésʉs, tô e wê.

Yʉanes 1:19

Yʉánɛs á si yala le opara, le oLevît ɨ́ jɔʼ óYúden ó Yerʉ́zalɛm, bé á lómo bé kwá nyé ó, bé tô dî e né ó: «Gua, go nzé ɛ́?»

Yʉanes 9:18

(OYúden, bé á be ɨ́ jɔʼ yaá ó, akpɛl ébûʼla ó, nye á bɨbe ó ántím, nye ntɔ̂ʼ kǎ bee.) Bê nzě jébe sɔ́ŋ ndu e nyɔ̌ŋ wé,

Yʉanes 9:21

Sâ gwár, bɨ̌h bé agʉ́ǎ sâ sá ó, nye béyɨɨ yɨ́. Bɨ̌h bɨɛ, bé agʉ́a mʉ̂r bɛ́ɛ́ nyé mîh nyá. Jíʼéé gá nye mʉr tɨ̂. Nye mû ó mbi mʉ̂r jálá le ebɛ̂ʼ myé mílɔ̌b wɨ́.»

Yʉanes 9:35

Yésʉs ntɔ̂ʼ jóʼo ó, mʉr nyé á tiʼ nyá, bé á be ɨ́ so nyé ɨ́ mpáh minjɨʼla nyɔ́ɔ́. Nye nzě bɔma e né. Nye e né ó: «Nzê go lɨ́ edyɛ̂ʼwo e Mwân mé Mʉr ɛ̌?»