Yʉanes 9:16 - Kálar Nzyɛ̌m : Ejwán é Sáá

¹⁶ Bâʼ óFarizyɛ̂n, bé ó: «Mʉr sá mbǐ syɛ́ɛla wɨ̂ʼ nyá, nyé abe e nkul eduho kwá mé Nzyɛ̌m, ebě, nyé adû mémpéné mé móhó sábat.» Bʉ́ʉ́, bé ó: «Nyá? Syɛ̂l misyóm, nyé abe e nkul esâ mbi ésimá wɨ̂.» Bʉr ntɔ̂ʼ bɔ́ʼa ménkɔb mebá.

Kálara Zyɛ̌m Edwán é mpʉ̌n

¹⁶ Baʼ oFarizyɛŋ, bé ó: «Mʉr sa mbi syɛɛla wiʼ ɨ, nye abe e nkul eduho boo Zyɛm, ebe, nye adu mompene mo moho saba.» Bʉʉ, bé ó: «Nyá? Syɛl mɨsyem, nye abe e nkul esa bɨdweʼle bɨ nkul mbi wi.» Bʉr ntɔʼ bɔʼa monkɔb moba.

Yʉanes 9:16 ပူးပေါင်းရင်းမြစ်များ

Yʉanes 10:19

OYúden nzě báʼǎ bɔ́ʼa métwíí ɨ́ lɔ̌b lwǐb nɨ̌.

Yʉanes 7:43

Entumo e bʉ̂r nzě bɔ́ʼa métwíí ɨ́ lɔ̌b mé Yésʉs.

Yʉanes 7:12

Entumo e bʉ̂r nzě pahle páʼ nyɔ́ɔ́. Bâʼ, bé ó: “Nye ó mbɨambɨa mʉr.” Bʉ́ʉ́, bé ó: “Kâr! Nye lɨ́ edímle bʉ̂r ɨ́ buo buo.”

Yʉanes 3:2

Nye á nze ó kwá mé Yésʉs ɨ́ pum. Nye e né ó: «Lɛ̂ʼla, bɨ̌h bé lɨ́ egʉ́a ó, go ó lɛ̂ʼlǎ Nzyɛ̌m á ntɨh, lɨ́ enzě lɛ̂ʼle bɨ́h nyá, ebě, yé abe e mʉr ngwár dí e nkul esâ mésimá mbi gó dí esâ wɨ́, Nzyɛ̌m bé abe e né nó.»

Mataos 12:2

Jɔʼ óFarizyɛ̂n, bé á bee syɛ́ɛla yaá yɨ́, bê nzě lɛ́ɛ e Yésʉs ó: «Paá beě mpʉ ómpʉ́n bô dí esâ sá dí ajala le esyɛ́ɛ ɨ́ móhó sábat yɨ́!»

Yʉanes 15:24

Yé bé me á bé asâ páʼ nyɔ́ɔ́ mbi bísyɛ́ɛla nyʉ́ʉ́ mʉ̂r á be apǎ sâ bí nó, lɛ́ɛ́, bé á bé agwá be e misyóm. Tó kœb ó, ɨ́ báánâ, bɨ́ bee bísyɛ́ɛla byâm. Bɨ́ɛ ntémé dína ó, lɨ́ ebene bɨ́h e Sɔ́ŋ wǎm.

Yʉanes 14:11

Búʼláá gá me ɨ́ jɔʼ mé dí elɛ́ɛ ó, “Me ó ɨ́ mpúhlá e Sɔ́ŋ wǎm, Sɔ́ŋ wǎm ɨ́ mpúhlá e me” yɨ́. Yé bé bɨ̌n bé abûʼlǎ lɔ́ɔ waá nó, bûʼláá gá ɨ́ lɔ̌b bísyɛ́ɛla byâm.

Yʉanes 9:24

OFarizyɛ̂n nzě báʼǎ jébe mʉ̂r á tiʼɔɔ nyá. Bé e né ó: «Lɛ́yɨ́ɨ́ ótyeetye ɨ́ míh mé Nzyɛ̌m. Bɨ̌h bé lɨ́ egʉ́a ó, mʉ̌r nɨ̌, nye ó syɛ̂l misyóm.»

Yʉanes 6:52

Jɔʼ óYúden bé á jóʼo nó yɨ́, kʉ́ nzě táarɔɔ épére mékǎn páʼ nyɔ́ɔ́. Bé ó: «Mʉr nyâ, nyě e nkul edwe mɨ́ná gá bipúnó byé ó, mɨná dêʼ gá byé nyá?»

Yʉanes 5:36

Sâ gwár, mɛm, mě e mboʼlá, laá mboʼlá mé Yʉánɛs, ebě, bisyɛ́ɛlǎ Nzyɛ̌m Sɔ́ŋ á dwe me ó, me sâʼ bí, byé ó mé dí esâ. Byé boʼlo ó, Nzyɛ̌m Sɔ́ŋ ó b'á ntɨh me.

Mɨlʉmlʉ 14:4

Bʉr ó nkana nzě bɔ́ʼa ménkɔ̌m mebá. Nyɨ̂ʼ nkɔ́m, kɛm óYúden; nyʉ́ʉ́, kɛm bʉ̂r o mílʉ́mlʉ́.

Mataos 12:10

Tɨ̂ʼ ó nyé á bee nyʉ́ʉ́ mʉ̂r á be e mbô ɨ́ swâm swâm nyá. Nó bʉr o b'á be tɨ̂ʼ bá, bé á be ó lɨ́ esáǎ sá épur nyé e tɨ̂, bé nkʉ̂ dwe nyé mebě. Sâ yaá ó bé á dî e né ó: «Nzê metié gá mɨ́ná, mé kam ó, mʉr óbɛ̌m sáŋɔɔ dʉ̂m ɨ́ móhó sábat ɛ̌?»

Lʉkas 13:14

Njwɨ́ɨ mpáh minjɨʼla ntɔ̂ʼ jóʼo ébébe é léme, duho ɨ́ syɛ́ɛla mé Yésʉs, ebě, nye á si tiʼ mʉr ɨ́ móhó sábat. Njwɨ́ɨ mpáh minjɨʼla waá ntɔ̂ʼ lɛ́ɛ le entumo e bʉ̂r ó: «Ɨ́ sóno nyɨnyɛ̂h, yé e móhó ngwár dí móhó sábat wɨ́. Mimóhó mísaman, myê mɨná gá e nyɔm ó, lɨ́ esú ó, mɨná séaa gâ bisyɛ́ɛ́. Ntaá nzě joma gá ɨ́ mimóhó myaá, abe yɨ́ɛ móhó sábat.»

Yʉanes 2:11

Lɨ́haá ó dí esimá lé ésôʼ Yésʉs á nyɛɛ sâ lɨ́, nye ɨ́ Kanâ, ɨ́ sí Galilê. Nye á lɛ̂ʼle nó ó, kûm nyé. Ompʉ́n bé ntɔ̂ʼ báʼǎ buú dyɛ̂ʼwo e né.

Yʉanes 5:10

oYúden ntɔ̂ʼ lɛ́ɛ e mʉr á tiʼɔɔ nyá ó: «Mûh, yé ó móhó sábat. Nó ó metié gá mɨ́ná, mé akam ó, go nkɛ́yɨɨ kala yô.»

Yʉanes 7:23

Bɨ̌n pǎ nyɛɛ́ tíʼe mʉ̂r mpʉ́n ɨ́ móhó sábat, agbah étié mé Moyɨ̂z, á dwɛʼra e mɛm, mʉr á tiʼ mʉr ntinɨ̂ ɨ́ móhó waá nyá! Nzê mɛm ó b'á gbah lé ɛ̌? Bɨ̌n kpaa ébúʼ e me ɨ́ yé?