Yʉanes 8:54 - Kálar Nzyɛ̌m : Ejwán é Sáá

⁵⁴ Yésʉs, nye e bé ó: «Mé sí gúmlo mɛ̂m mʉr tɨ̂ʼ nɛ́ɛ: kûm nyǎm nyaá, nyé abe e nyɔm. Mʉr dí edwe mé kûm nyá, nye ó Sɔ́ŋ wǎm. Nye ó waá bɨ́n dí elɛ́ɛ ó, nye ó Nzyɛ̌m wɨ́n nyá.

Kálara Zyɛ̌m Edwán é mpʉ̌n

⁵⁴ Yesʉs, nye e be ó: «ǃMe si dwe mɛm mʉr tɨʼ kum lé elɛɛ bɨn mbi mʉr me ndɨ nɛʼɛ, lɛɛ ó, kum wam waa, nye abe e nyɔm. Mʉr lé edwe me kum ɨ, nye ó ndɨ Sɔŋ wam! Nye ó waa bɨn lé elɛɛ ó, nye ó Zyɛm win ɨ.

Yʉanes 8:54 ပူးပေါင်းရင်းမြစ်များ

Yʉanes 8:50

Mé abe lɨ́ esáa kûm nyǎm mɛm mʉr tɨ̂. Yé e mʉr dí esâ ó, me nʉ́aa kûm nyá. Nye ó ngá tíʼě lɔ̌b dí páʼ gá nyɨ́ná wɨ́.

2 Pyɛr 1:17

Nzyɛ̌m Sɔ́ŋ á si dwe nye dúu le kûm. Ɨ́ jɔʼ nyé á ntɨh twíí, duho ɨ́ diá kûm nɨ́nɨ́ɨ́ yé yɨ́, nye á lɛ́ɛ ó: «Mwân wǎm mé dí ɨ́ buú kpɛl nyá ó nyâ. Me lɨ́ ekʉ́ mɛɛla e né.»

2 Korɛnt 10:18

Ebě, ntʉ waá dí esêʼle nyé mʉr tɨ̂ʼ nyá, Dâ Nzyɛ̌m dí ekam. Nyě kǎm ó, waá nyé mʉr tɨ̂ dí epǎ sêʼle nyá.

Mɨlʉmlʉ 3:13

Nye tiʼe nó ó, ebě, Nzyɛ̌m mé Abraham, Isaac, ndu e Yákɔb, Nzyɛ̌m bimpám gá bíná, á kpɛl ó, nye dwêʼ syɛ̂l mesâ wé, Yésʉs kûm. Bɨ̌n bɨɛ bé á si bɛ́ma nye kwá mé Pilátos, ntɛŋɔɔ nyé ɨ́ mebó mé ó, nye jʉ́ʼoo nye. Bɨ̌n bé á sâ nye nó ó, Pilátos nyɨɛ, nyé osí tíʼe ɨ́ lémé wé ó, nyě bír ó nye.

Yʉanes 17:1

Jɔ̌ʼ Yésʉs á sil elwib nó yɨ́, nye nzě bɨ̂n mîh kʉ́. Nye ó: «Dâ ɛ̌, jɔʼ, yɨ́ pyâl! Lɛ́ʼláá bʉ̂r kûm me mwân gǒ, mbi dí ó, nye lɛ̂ʼlaa ntémé bʉr kûm nyǒ yɨ́.

Yʉanes 8:41

Bɨ̌n bé lɨ́ esâ náǎ ó, bisyɛ́ɛla bi sɔ́ŋ wɨ́n.» Bé e né ó: «Bɨ̌h bé abe bwân o b'á byɛ̂l ɨ́ mbɛ̌r bá. Bɨ̌h bé e Sɔ́ŋ ngwár, njɨ Nzyɛ̌m nye omér.»

Yʉanes 7:18

Mʉr dí elwib e nkul nyé mʉr tɨ̂ʼ nyá, sáá ó kûm nyé. Nó ó, mʉr dí esáa ébeʼ kûm lɨ́ esú é mʉ̂r á ntɨh nye nyá, lɛ́ɛ́ ó otyeetye. Syɛ́ɛla dí ɨ́ bébe ɨ́ míh mé Nzyɛ̌m yɨ́, yé anyɨ̂n ɨ́ kʉ̌ tyen wé.

1 Pyɛr 1:21

Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.

1 Pyɛr 1:12

Nzyɛ̌m á lɛ́ɛ le ogwíha o mílɔ̌b baá ó, túnó bé á to le etúno wɨ́, wé á bé abe lɨ́ esú lɔ́ɔ́ bé bʉr o tɨ̂, ó bé gʉ́ŋaa wé ɨ́ pébébé. Bé á tyɛ̂b le túnó ɨ́ jɔʼ yaá ó, lɨ́ esú lɨ́n. Bɨ̌n ó dí edirǎ nyɔm e túnó waá ɨ́ báánâ. Bʉr o b'á to le etúno Mbɨambɨa Lɔ́ɔ waá bá, bé á tutúno wé ó e nkul Sísǐm á duho ɨ́ jʉ́o kʉ́ nyɨ́. Lɔ́ɔ́ bé á lɨlɛ́ɛ bɨ̌n wɨ́, wé ó waá bééngeles dí ɨ́ buú gwɨ̂m ésʉ médwôʼlʉ tɨ̂ʼ wɨ́.

Yʉanes 17:5

Nó ó, dâ, ɨ́ báánâ, dwéʼ mé kûm nyǒ, kûm mé á be e né kwá nyǒ, sí yɨ̂ʼ apǎ be nyɨ́.

Yʉanes 7:39

(Yésʉs á lwib ó, ɨ́ lɔ̌b Sísǐm mé Nzyɛ̌m bʉ̂r o ngá dyɛ̂ʼwo e né bá, bé óbi wɨ́. Abe e mʉr á pa bi Sísǐm mé Nzyɛ̌m, ebě, Yésʉs á bé apǎ dweŋɔɔ kûm.)

Yʉanes 5:41

«Mé abe lɨ́ esáa kûm dí eduho e bʉr nyɨ́.

Yʉanes 2:11

Lɨ́haá ó dí esimá lé ésôʼ Yésʉs á nyɛɛ sâ lɨ́, nye ɨ́ Kanâ, ɨ́ sí Galilê. Nye á lɛ̂ʼle nó ó, kûm nyé. Ompʉ́n bé ntɔ̂ʼ báʼǎ buú dyɛ̂ʼwo e né.