Yʉanes 8:52 - Kálar Nzyɛ̌m : Ejwán é Sáá

⁵² OYúden, bé e né ó: «Ɨ́ báánâ, bɨ̌h bɨ́ gʉ́a ó, go bánǎ kʉ́ be le eleme! Abraham á si dwe. Ogwíha o mílɔ̌b mé Nzyɛ̌m sí dwe ntémé. Tó kœb ó, guǎ lɛ́ɛ́ ó, “mʉr óbaʼlě lwǐb yâm nyá, nye ákǎ dwe”?

Kálara Zyɛ̌m Edwán é mpʉ̌n

⁵² OYʉden, bé e nye ó: «Banana, bɨh bɨ gʉa ó, go ó bana kʉ be e l'eleme! Abraham a si dwè, ogwiha o mɨlɔb si dwè nteme. To kœb ó, gwɔɔ, go elɛɛ ó, ǃɨ mʉr si baʼle lwib yo nɛʼɛ, nye l'aka dwè!

Yʉanes 8:52 ပူးပေါင်းရင်းမြစ်များ

Ebrœ̂ 2:9

Sá mɨ́ná dí ekʉ́ gwá bee gá yɨ́, yé ó: ɨ́ mâ péh jɔʼ, Nzyɛ̌m á si nyɛɛ sul Yésʉs sí, beéngeles bá laa nyé ɨ́ dúu. Píe tɨ̂, nyɨ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu, ebě, Yésʉs á si sia e mitúú, ntɔ̂ʼ dwe. Ɨ́ mbi waá ó Nzyɛ̌m á cwɨ́a e bʉr bɨ́bɛ̂h yɨ́, lɨ́ esâ ó, Yésʉs dwêʼ lɨ́ esú lɔ́ɔ́.

Yʉanes 9:24

OFarizyɛ̂n nzě báʼǎ jébe mʉ̂r á tiʼɔɔ nyá. Bé e né ó: «Lɛ́yɨ́ɨ́ ótyeetye ɨ́ míh mé Nzyɛ̌m. Bɨ̌h bé lɨ́ egʉ́a ó, mʉ̌r nɨ̌, nye ó syɛ̂l misyóm.»

Yʉanes 8:48

OYúden, bé e né ó: «Nzê bɨ̌h bé abe lɨ́ egwá lɛ́ɛ ó, go ó mʉr Samarî, ndu e ntémé ó, gǒ le eleme ɛ̌?»

Ebrœ̂ 11:13

Bʉr baá bɨ́bɛ̂h, bé á dwe ó, bɨ́ɛ lɨ́ edyɛ̂ʼwo e Nzyɛ̌m. Jɔʼ bé á dwidwe nó yɨ́, bé á bé apǎ bǐ sá nyé á kɛʼ bé yɨ́. Sâ gwár, bé á bee nkɛ̌ʼ nyaá ó, nye dína ká ká lɨ́ ejaa. Bê nzě soho nyê. Bé bʉr o tɨ̂, bé á si gʉ́a lɨ́ otyeetye ó, bé ó ojwóo ti e milaa-nkpǎʼ ɨ́ sí yɨ̂.

Yʉanes 8:51

Mě lɛ́ɛ́ bɨ́n lɨ́ otyeetye ó, mʉr óbaʼlě lwǐb yâm nyá, nye ákǎ dwe.»

Mataos 11:18

Tó kœb ó, Yʉánɛs, nyɨ́ nze: adɨ́na, ade ményoʼ. Bʉr ɨ́ buo buo ntɔ̂ʼ swêʼ nyé ó: “Nyě le eleme!”

Yʉanes 1:19

Yʉánɛs á si yala le opara, le oLevît ɨ́ jɔʼ óYúden ó Yerʉ́zalɛm, bé á lómo bé kwá nyé ó, bé tô dî e né ó: «Gua, go nzé ɛ́?»

Yʉanes 7:20

Entumo e bʉ̂r, lé e né ó: «Gǒ le eleme. Nzé dí egwɨ̂m éjʉ̂ gô?»

Yʉanes 8:22

OYúden nzě táare édíila ó: «Nzê nye ójwɨ́a nyʉ̂l ɛ̌? Ebě, nye lɛ́ɛ́ ó: “Bɨ̌n bé abe e nkul etô nko mé ngá tô yɨ́.”»

Yʉanes 8:55

Bɨ̌n bɨɛ, bɨ̌n bé agʉ́a nyê. Mɛm ó dí egʉ́a nyê. Mé sí lɛ́ɛ ó, mé agʉ́a nyé nó, lɛ́ɛ́, me ó mʉr bibɛr mpʉ bɨ́n. Sâ gwár, me lɨ́ ekʉ́ gʉ́a nyê. Me ntémé, me lɨ́ ebaʼlě lwǐb yé.

Yʉanes 14:23

Yésʉs nzě yala e né ó: «Mʉr dí ekpɛl mé nyá, óbaʼle mílɛ́ʼlá mé á dwe bɨ̌n mí. Sɔ́ŋ wǎm ókpɛl nyê. Nó ó, bɨ̌h e Sɔ́ŋ wǎm, bé ónze kwá nyé le ekomlo ódiá wɨ́h tɨ̂.

Yʉanes 15:20

Símsáá gá sá mé á lɛ́ɛ bɨ̌n yɨ̂: “Yáma, yé áláá njwɨ́ɨ wé.” Yé bé bé á si tíble mɛm nó, lɛ́ɛ́, bé ótîtible bɨ́n ntémé. Yé bé bé á si jóʼo lɛ́ʼlá wâm nó, lɛ́ɛ́, bé ójóʼo ntémé wɨ́n.

Yʉanes 17:6

«Go á si twâr bʉ́ʉ́ bʉ̂r ɨ́ sí yɨ̂, dwe mé bǎ. Me nzě sâ ó, bé gʉ́ŋaa go. Bé á boo be ó bʉr bô. Go ó b'á dwe me bǎ. Nó ntémé ó bé á baʼle lwǐb yô yɨ́.