Yʉanes 8:47 - Kálar Nzyɛ̌m : Ejwán é Sáá

⁴⁷ Mʉr dí mʉr mé Nzyɛ̌m nyá, jóʼó ó, mekǎn mé Nzyɛ̌m. Sâ gwár, bɨ̌n bé abe bʉ̂r o mé Nzyɛ̌m. Nó yaá ó bɨ́n dí ajóʼo mé yɨ́.»

Kálara Zyɛ̌m Edwán é mpʉ̌n

⁴⁷ Mʉr ndɨ eduho boo Zyɛm ɨ, nye ó ndɨ ejoʼo lwib mo Zyɛm. To kœb ó, bɨn bɛɛ, bé aduho boo Zyɛm. Ebe no ó bɨn ndɨ ajoʼo me e.»

Yʉanes 8:47 ပူးပေါင်းရင်းမြစ်များ

2 Yʉanes 1:9

Nyʉ́ʉ́ mʉ̂r nyɛɛ́ jɨ̂ʼ lɛ́ʼlá mé Krîst, ɨ́ jɨ̂ʼ jɨ̂ʼ, kǎ líʼě lɛ́ʼlá waá, ntaa, tó púma dóló e gúú swîh nó, nyé atíʼe ɨ́ mpúhlá e Nzyɛ̌m. Waá dí ejɨ̂ʼ lɛ́ʼlá waá, alíʼe wé nyá, nyɨ́haá ó dí ɨ́ mpúhlá e Sɔ́ŋ, ti e Mwân bɨ́bɛ̂h.

Yʉanes 18:37

Pilátos, nye e né ó: «Nó ó, go ó njwɨ́ɨbʉr ɨ́?» Yésʉs nzě yala ó: «Yé ó mpʉ gô lɛ́ɛ́ nɨ̌. Me ó Njwɨ́ɨbʉr. Me á byɛ̂l, nze ɨ́ sí yɨ̂ʼ ó, lɨ́ enzě lɛ́ɛ bʉ̂r otyeetye. Mʉr nyɨnyɛ̂h dí egúmo e mʉr dí le otyeetye nyá, jóʼó ó, sá mé dí elɛ́ɛ yɨ́.»

1 Yʉanes 3:10

Ebě, bé gʉ́gʉ́á mbɔ́ʼ páʼ bwán mé Nzyɛ̌m, bé e baá mé sɔ́ŋ meleme ó, mbi wɨ̂: mʉr nyɨnyɛ̂h dí asâ syɛ́ɛla dí tîtyěl yɨ́ nyá, nkʉ̂ waá dí akpɛl mɨ́ɔɔ́ wé nyá, nyé abe mwân mé Nzyɛ̌m.

Yʉanes 8:45

Sâ gwár, mɛ̌m lɛ́ɛ́ bɨ́n ó otyeetye. Nó yaá ó bɨ́n dí abûʼla mé yɨ́.

Yʉanes 8:37

Me lɨ́ ekʉ́ gʉ́a ó, bɨ̌n bé ó onta mé Abraham. Sâ gwár, bɨ̌n bé lɨ́ ekpɛl éjʉ̂ mê, ebě, bɨ̌n bé akpɛl ékǎm lɛ́ʼlá wâm.

Yʉanes 8:43

Bɨ̌n bé lɨ́ ekâr égwá jóʼǒ lwǐb yâm ɨ́ yé? Ebě, bɨ̌n bé abe e nkul ejóʼǒ lɔ́ɔ́ wâm.

Yʉanes 6:65

Nye ntɔ̂ʼ báʼǎ lɛ́ɛ e bé ó: «Sá tɨ̂ʼ ó mê lɛ́ɛ́ e bɨ̌n ó, mʉr, nyé abe e nkul enze kwá nyǎm, nye l'apǎ nyɛɛ́ bi nkûl nyaá kwá mé Sɔ́ŋ wǎm yɨ́.»

3 Yʉanes 1:11

Mbɨambɨa só wǎm, ayɨ́ baŋǎ sá dí ɨ́ bébe yɨ́, njɨ yaá dí ɨ́ mbɨa yɨ́. Mʉr dí esâ bísyɛ́ɛla bi mpâm nyá, duho ó kwá mé Nzyɛ̌m. Syɛ̂l ebébe nyɨɛ, nyé apǎ beě Nzyɛ̌m.

1 Yʉanes 5:1

Mʉr nyɨnyɛ̂h dí ebúʼla ó, Yésʉs, nye ó Mʉ̌r Nzyɛ̌m á lœm múló mé jwɨ́ɨ nyá, nyɨ́ byɛ̂l e nzɨ̌ nkul mé Nzyɛ̌m. Mʉr nyɨnyɛ̂h dí ekpɛl sɔ́ŋ nyá, nye lɨ́ ekpɛl ntémé mwân wé.

Yʉanes 5:25

Mě lɛ́ɛ́ bɨ́n lɨ́ otyeetye ó, jɔʼ, yé lɨ́ enze. Yé ntémé, yɨ́ pyâl: jɔʼ ódwe, bé ójóʼo twíí Mwân mé Nzyɛ̌m yɨ́. Baá bé ójóʼo nyé bá, bé ótiʼe.

Yʉanes 12:48

Mʉr nyɨnyɛ̂h dí eso mê, akǎm lɛ́ʼlá wâm nyá, nyě e mʉr ngá tíʼě lɔ̌b wé nyá. Milɛ́ʼlá mé mû sí dwe bɨ́n mî, myé ó ngá tíʼě lɔ̌b wé ɨ́ móhó ésúʼlá é sí yɨ̂.