Yʉanes 8:44 - Kálar Nzyɛ̌m : Ejwán é Sáá

⁴⁴ Sɔ́ŋ wɨ́n, nye ó sɔ́ŋ meleme. Sá tɨ̂ʼ ó bɨ́n dí ekpɨkpɛ̌l njɨ esâ gwɨ́má mé sɔ́ŋ wɨ́n yɨ́. Nye á boo be ó njʉ̂l bʉr, duho ɨ́ menyɛ̌l. Nyé abe e nkul elɛ́ɛ ótyeetye lʉ́ʉ́ dʉ́o, ebě, otyeetye, wé abe e né. Jɔʼ nyé dí elɛ́ɛ bíbɛr yɨ́, nyě lɛ́ɛ́ ó, sá yé, ánta nye, ebě, nye ó mʉr bibɛr. Nye ntémé, nye ó sɔ́ŋ bibɛr.

Kálara Zyɛ̌m Edwán é mpʉ̌n

⁴⁴ Sɔŋ win, nye ó Njwɨɨ moleme! Ebe no ó bɨn lé ebul kpɛl sa njɨ gwɨma mo sɔŋ win ɨ. Nye a bɛa be ó njʉl bʉr, duho é l'etɔɔrʉ. Nye abe e nkul elɛɛ ocyecye lʉʉ dobo, ebe, ocyecye, wé abe é nye tʉŋlʉ. É jɔʼ nye lé elɛɛ mɨlɔɔ ɛ, nye elɛɛ ó, sa ye anta nye, ebe, nye ó mpʉmpʉl. Nye nteme, nye ó sɔŋ mɨmpʉmpʉl.

Yʉanes 8:44 ပူးပေါင်းရင်းမြစ်များ

Mɨlʉmlʉ 13:10

«Gua mwân mé sɔ́ŋ meleme, ntɨ̂m e mbɨn ɨ́ páʼ sá yɨ́yɛ̂h dí lɨ́ otîtyěl yɨ́! Go ó lwɨ́ŋlá e mikóo le bibɛr mimbi mímyɛ̂h. Nzê gó akǎ gwâʼ édwǐr mbɨambɨa menzɨ̌ mé Tî Yésʉs onzyɛ́h ónzyɛ́h ɛ̌?

1 Yʉanes 3:12

Mɨná bé ayɨ́ be gá mpʉ mé Kayɨ̂n. Nye á duho ó kwá mé Sátan. Nye nzě jʉ̂ mɨ́ɔɔ́ wé, Ábɛl. Nye á pʉgʉ jʉ̂ nye ɨ́ wáǎ lɔ̌b? Ebě, bisyɛ́ɛla mé Kayɨ̂n, byé á be ó, onzyɛ́h ónzyɛ́h; byaá me mɨ́ɔɔ́ wé, tîtyěl.

2 Korɛnt 11:3

Me lɨ́ ejóʼo bʉ́á. Mě kpɛ́ɛ́ ó, bɨ̌n ámû jaá kʉ́ŋɔɔ, ntɔ̂ʼ dwira e Krîst jɔʼ gwár ɨ́ dwirɨ̂, jwɨʼ gwár e gwár e mpʉ nyʉ́a á kʉ́a Éfa, nye ntɔ̂ʼ bil ɨ́ mikóo yɨ́. Bɨ̌n ámû jaá gwâʼ le edwě Krîst dúu ntinɨ̂ e ntinɨ̂.

Yʉanes 8:38

Me lɨ́ elɛ́ɛ ó, sá mé á bee kwá Sɔ́ŋ wǎm yɨ́. Bɨ̌n bɨɛ̌ sá ó, sá wɨ́n sɔ́ŋ á lɛ́ɛ bɨ̌n yɨ́.»

Yʉanes 8:41

Bɨ̌n bé lɨ́ esâ náǎ ó, bisyɛ́ɛla bi sɔ́ŋ wɨ́n.» Bé e né ó: «Bɨ̌h bé abe bwân o b'á byɛ̂l ɨ́ mbɛ̌r bá. Bɨ̌h bé e Sɔ́ŋ ngwár, njɨ Nzyɛ̌m nye omér.»

1 Yʉanes 3:15

Mʉr nyɨnyɛ̂h dí enwim mɨ́ɔɔ́ wé nyá, nye ó njʉ̂l bʉr. Bɨ̌n bé lɨ́ egʉ́a ntémé ó, kâr njʉ̂l bʉr ngwár dí e twǐʼ njʉ̌m dǐ ɨ́ nye mʉr tɨ̂ʼ ɨ́ jɔʼ yɨ́yɛ̂h.

Mataos 13:38

Pemé yé, yé ó sí yɨ̂. Mpǎŋ mpeʼ, yé lɛ́ʼlé ó, nkɔb bʉr o dí ɨ́ Mpóʼo mé Dâ Nzyɛ̌m bá. Bébebébe ká, yé ó bʉr o dí ɨ́ nkɔb mé Sátan bá.

Yʉ̂d 1:6

Símsáá gá ntémé beéngeles o b'á be akpɛl édi ɨ́ mecwɨ́ɨ́ mɔ́ɔ́ bá. Bé á si kpɛ́ɛ bidǐ bimpâ byɔ́ɔ́, kǎ tó gbáŋɔɔ ɨ́ mpǐl. Nzyɛ̌m á si gbâ bé lɨ́ edúrʉ́ʉ́ tʉ́ŋlʉ̌, bé mû mikɛ́ʼá. Okuluu bɔ́ɔ́, bé ódi ó, kɔ́m ti e kɔ́m, atiɔɔtiɔɔ. Tɨ̂ʼ ó beéngeles baá dí ebónǒ tíʼá mílɔ̌b épíhe yɨ́.

1 Yʉanes 2:4

Mʉr dí elɛ́ɛ ó: «Me lɨ́ egʉ́ǎ Nzyɛ̌m,» nyɨɛ yɨ́ɛ abaʼle métié mé nyá, nye ó mʉr bibɛr. Otyeetye, wé abe ɨ́ nye tʉ́ŋlʉ̌.

Mɨngwiha 21:8

Baábʉ́bʉ́á bɨ́ɛ, bé le ohááden, bʉr o dí e milémé mébomo, ojʉ̂l o bʉ̂r, osyɛ̂l o bímolá, oleme ti e baá o dí edwe bíkpɛʼkpɛ̂ʼ bí ónzyɛ̌m kûm bá, ndu e baányâ-mikóo bɨ́bɛ̂h, bɨ́ɛ, bé ójaá kœb ódiá wɔ́ɔ́ ó, njɨ ɨ́ bɨ́ siʼe. Yé ó lwɨ́ŋlá e siʼe ti e pir. Yé ɨ́ buú díʼa. Tɨ̂ʼ ó bʉ̂r dí edwe éswie embá yɨ́.»

1 Pyɛr 5:8

Máráá gá miléme. Diʼee gá ɨ́ doho. Ntɨ̂m e mbɨn wɨ́n, sɔ́ŋ meleme, nye lɨ́ elie bɨ́n ɨ́ mipáʼ mímyɛ̂h mpʉ̌ ngbampɨɨ dí emwóolo wɨ́. Nyě sáá ó, ede mʉ̂r.

Mɨngwiha 9:11

Njwɨ́ɨ wɔ́ɔ́, nye ó éngeles dí e nkul jwɨ́ɨ ɨ́ bɨ́ dí sí ɨ́ kœ́ʼlɛ́ yɨ́. Bé lɨ́ ejébe nyé ɨ́ lwǐb ébrœ̂ ó «Abadɔ̂n». Yé bé ɨ́ lwǐb grɛ̂k yɨ́ɛ nó, lɛ́ɛ́, yé ó «Apoliôn»: «Ángbɛ̌h».

Mɨlʉmlʉ 5:3

Pétrus nzě lɛ́ɛ e né ó: «Ananías, ebe yé Sátan bana nze ní gó ɨ́ léme, bánǎ sâ ó, go kʉ́ŋaa Sísǐm mé Nzyɛ̌m mbǐ nɨ̌ yɨ́ ɛ́? Ebě, gʉ́ bɛ̂ʼ gúú páʼ mɔnɨ́ yô gó á nʉa lɨ́ ebóm é pemé yô yɨ́, komo yé lɨ́ empah.

Yʉanes 6:70

Yésʉs, nye e bé ó: «Ntʉ mɛ̂m mʉr tɨ̂ʼ á twâr bɨ̌n kám le obá ɛ́? Damá jóʼo nó, nyʉ́ʉ́ mʉ̂r ɨ́ sɔ́má yɨ́n, nyě le eleme.»

Mɨngwiha 2:10

Ayɨ́ jóʼo gá bʉ́á ɨ́ lɔ̌b bíntɨ́ʼá bé ngá dwe bɨ́n bí. Paá bee gâ: Sɔ́ŋ meleme ómɛ̂r bɨ́n bʉ́ʉ́ bʉ̂r, gbâ bé ɨ́ mbʉʼ, lɨ́ edǐ bóblo bɨ́n. Bɨ̌n bé ósia e mitúú, tó kumo ɨ́ melû kám. Gwá baʼle gá búʼó, tó kumo lɨ́ eswie. Sá tɨ̂ʼ ó mé ódwe bɨ́n twǐʼ njʉ̌m dǐ yɨ́. Bɨ̌n bé óbi myɛ́na maá, mpʉ̌ nkɔ́ɔ́ dí ebórɔɔ̌ káráá yɨ́.

2 Pyɛr 2:4

Ebě, Nzyɛ̌m á bé abîr bééngeles bé á sâ syóm bá. Nye á jaa guho bé ó, njɨ ɨ́ bɨ́ siʼe. Nye ntɔ̂ʼ gbâ bé ɨ́ mpǐl, lɨ́ ebónǒ móhó étíʼ é mílɔ̌b.

Mɨngwiha 13:14

Ebě, nye á si dweŋɔɔ nkul esâ mésimá nó ɨ́ míh mé tír esôʼ waá. Nye á si bana dímle bʉr ó sí yɨ̂ʼ bɨ́bɛ̂h, lɨ́ elɛ́ɛ e bé ó, bé kpáʼaa mveʼle ngá nwɨɨla e tír esôʼ, waá á pa kparɔɔ e pasoŋ, adwe nyá.

Mɨngwiha 22:15

Nó ó, ompyê, oleme, osyɛ̂l o bímolá, ojʉ̂l o bʉ̂r, baá o dí edwe bíkpɛʼkpɛ̂ʼ bí ónzyɛ̌m kûm bá, le baányâ-bibɛr bɨ́ɛ, bé ódwoowǒ kʉ̌l.

Mataos 12:34

Bɨ̌n bwá ó méjwɨ̂l bâ! Bɨ̌n bé e nkul elɛ́ɛ bísá bímpâ nyá? Ebě, bɨ̌n bé ɨ́ bébe. Sá mʉ̂r dí e yé lwɨ́ŋlá ɨ́ léme yɨ́, yé ó num wé dí epyêl kʉ̌l.

Yʉanes 7:17

Mʉr dí egwɨ̂m ésâ bígwɨ́má mé Nzyɛ̌m nyá, ógʉ́ǎ gúmó lɛ́ʼlá wâm, wé á duho yɨ́: nkʉ̂ wé á duho ó, kwá mé Nzyɛ̌m, nkʉ̂ mě lwǐb ó e nkul nyǎm, mɛm mʉr tɨ̂.

Yʉanes 8:55

Bɨ̌n bɨɛ, bɨ̌n bé agʉ́a nyê. Mɛm ó dí egʉ́a nyê. Mé sí lɛ́ɛ ó, mé agʉ́a nyé nó, lɛ́ɛ́, me ó mʉr bibɛr mpʉ bɨ́n. Sâ gwár, me lɨ́ ekʉ́ gʉ́a nyê. Me ntémé, me lɨ́ ebaʼlě lwǐb yé.

1 Yʉanes 1:8

Mɨ́ná lɛ́ɛ́ gá ó, mɨná bé asâ gá misyóm nó, lɛ́ɛ́, mɨná dímlé gá ó, mɨná bʉr o tɨ̂. Otyeetye, wé abe ɨ́ mɨná gâ.

1 Yʉanes 2:21

Mé acɛma bɨ́n ebě bɨ̌n bé lɨ́ ejéʼe ótyeetye. Mě cɛmá bɨ́n ó, ebě, bɨ̌n bɨ́ gʉ́a wê. Bɨ̌n ntémé bé lɨ́ egʉ́a ó, sâ bíbɛr, yé abe e nkul eduho lɨ́ otyeetye.

Mɨlʉmlʉ 24:9

OYúden, bé á be lɨ́ ekʉ́ kǎm mpʉ nyé á nwâhle Pɔ̂l yɨ́, lɨ́ elɛ́ɔɔ ó, bisâ byaá bíbyɛ̂h, byé á be ó tɨ̂.