Yʉanes 8:34 - Kálar Nzyɛ̌m : Ejwán é Sáá

³⁴ Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, mʉr nyɨnyɛ̂h dí esâ syóm nyá, nye ó túʼǎ mísyóm.

Kálara Zyɛ̌m Edwán é mpʉ̌n

³⁴ Yesʉs, nye e be ó: «Me elɛɛ bɨn cyecye ó nɛɛ: mʉr nyiwɛh lé esa syem ɨ, nye ó elʉa mo Syem.

Yʉanes 8:34 ပူးပေါင်းရင်းမြစ်များ

Rôm 6:16

Bɨ̌n bé lɨ́ egʉ́ǎ mbɨ̂mbɨá ó, bɨ́n séá e mʉr, sâ nyé mejóʼo nó, bɨ̌n mû ó bitúʼǎ ɨ́ páʼ njwɨ́ɨ bɨ́n sɨ́sá méjóʼo nyá. Bɨ́n ósâ mâ twíí misyóm mejóʼo nó, lɛ́ɛ́, bɨ̌n mû ó sí dâʼre éswie ɨ́ menyʉ́l mɨ́n ó tɨ̂ʼ yɨ́. Bɨ́n sí sâ ó, bɨ̌n sá ó Nzyɛ̌m mejóʼo nó, lɛ́ɛ́, bɨ̌n bé óláŋɔɔ ɨ́ sɔ́má ótîtyěl o bʉ̂r.

2 Pyɛr 2:19

Bé kɛʼ bé ó, bé ópɛʼ bé lɨ́ otúʼǎ, dil bé ɨ́ dǐ ónzyɛh o bʉ̂r. Tó kœb ó, bé bʉr o tɨ̂ʼ, bé ó mpǎŋ bitúʼǎ, lɨ́ edû métum me dí etyen mʉ̂r lɨ́ eswie má, ebě, sá yɨ́yɛ̂h dí ejwɨ́ɨ mʉ̂r yɨ́, mʉr waá, nye ó túʼǎ sâ yaá.

Rôm 6:12

Mpʉ yé dí nó yɨ́, ayɨ́ kǎ kam gá ó, syóm, wé báʼa jwɨ́ɨ bɨ́n. Wé ayɨ́ kǎ nʉǎ jwɨ́ɨ ɨ́ nkǒ páʼ ményʉ́l mɨ́n, maá me dí edwe má. Ayɨ́ kǎ bîr gá ó, syóm, wé ntáŋaa bɨ̌n ɨ́ nkul, ó bɨ̌n sâʼ wé mejóʼo, nkʉ̂ dû bíbɨ́bla bígwɨ́má byé.

Rôm 6:6

Mɨná bé lɨ́ egʉ́a gá ó, ɨ́ jɔʼ bé á jʉ̂ Yésʉs-Krîst, lɨ́ ebomlo nyé e binzâŋ, le ebɨ́nɔɔ nyé ɨ́ kolôs kʉ́ yɨ́, Nzyɛ̌m á si bomlo metum me myâ gá mɨ́ná tɨ̂ʼ ntémé ɨ́ kolôs gwár yaá. Nye á sâ nó ó lɨ́ esú lé éteʼle nyʉ̂l dí egwɨ̂m mísyóm nyɨ́, le ntémé ó, mɨná ayɨ́ kǎ báʼǎ di gá bitúʼǎ lɨ́ esâ mísyóm myaá.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

Éfɛsɔs 2:2

Bɨ̌n bé á be lɨ́ edudû kʉ̌ tyen ébébe bʉ̂r ó sí yɨ̂ʼ bɨ́bɛ̂h. Bɨ̌n bé á dudû ɨ́ bíi yaá ó, sísǐm édúrʉ́ʉ́ dí tyélá ɨ́ diá jwɨ́ɨ́ yé páʼ jʉ́o le ejwoo wɨ́. Sísǐm waá ó dí etyɛ̂b bʉ̂r ɨ́ miléme ɨ́ báánâʼ ó, bé bénaa edyɛ̂ʼwo e Nzyɛ̌m.

Rôm 7:25

Mɨná dwêʼ gá Nzyɛ̌m nzyǒo ɨ́ nzɨ̌ mé Yésʉs-Krîst, Tî gá wɨ́ná. Yé ó mpʉ mé dí e nkul elɛ́ɛ ó: bijwɨʼ bí lémé wâm, byé kpɛl éséǎ syɛ́ɛ́ ó, yaá métié mé Nzyɛ̌m dí etɨ́e yɨ́. Njwɨr myâ wâm wɨ́ɛ jaá kam ó, njɨ me jóʼaa mpʉ̌ syóm dí ekpɛl ó, me sâʼ misyóm yɨ́.

Rôm 8:21

Bisá bíbyɛ̂h byaá, byé e mpûʼla nyɨ̂ʼ ɨ́ miléme: ó Nzyɛ̌m ópɛʼ byé ɨ́ bébebébe tyé yaá. Byé ópʉʼa ɨ́ mpila yaá ɨ́ fá, bé e bwán mé Nzyɛ̌m bɨ́bɛ̂h. Byé ábo. Byé óbáʼǎ dweŋɔɔ kûm ɨ́ jɔ̌ʼ Nzyɛ̌m ngá dwe bwán bé kûm yɨ́.

Rôm 7:14

Mɨná bé lɨ́ egʉ́a gá ó, metié, mé ó sá dí eduho kwá mé Sísǐm mé Nzyɛ̌m yɨ́. Nó ó, twiʼ yâm yɨ́ɛ, yé duho ó, njɨ ɨ́ nkǒ páʼ nyʉ̂l bipúno. Mɨ́ boó dímlě dǐ ótî yâm. Nó ó mé á ka lîʼ e sɔ̂ʼ njɨ dǐ ótúʼǎ lɨ́ esú é mísyóm.

Mɨlʉmlʉ 8:23

Ebě, mě beé ó, go ó lwɨ́ŋlá le ebébe. Go ntémé, go ó mbilá ɨ́ menkara mé ébébe.»

Yʉanes 3:3

Yésʉs, nye e né ó: «Me lɨ́ elɛ́ɛ gó lɨ́ otyeetye ó, mʉ̂r bé abáʼǎ byɛ̂l jɔʼ dwân nó, nyé abe e nkul enî ɨ́ Mpóʼo mé Nzyɛ̌m.»

Mataos 5:18

Mě lɛ́ɛ́ bɨ́n lɨ́ otyeetye ó, tó pyâl ɨ́ jɔʼ kʉ́ e sí ngá síe yɨ́, kaŋá gwár tɨ̂, nkʉ̂ mâ etɔ́n égwár e tɨ̂, byé ákóʼó pʉʼa, tó pyâl ɨ́ jɔ̌ʼ sá yɨ́yɛ̂h ngá syɛ́ɛ yɨ́.