Yʉanes 8:31 - Kálar Nzyɛ̌m : Ejwán é Sáá

³¹ Yésʉs nzě lɛ́ɛ le oYúden bé á dyɛ̂ʼwo e né bá ó: «Bɨ́n óbaʼle mékǎn mâm nó, bɨ̌n bé ódi ómpʉ́n bâm lɨ́ otyeetye.

Kálara Zyɛ̌m Edwán é mpʉ̌n

³¹ Yesʉs ze lɛɛ e l'oYʉden bé a jyɛʼ taa buʼo yɔɔ boo nye ó: «ǃBɨn si baʼle mokan mam nɛʼɛ, bɨn bé ódi ompʉn bam cyecye.

Yʉanes 8:31 ပူးပေါင်းရင်းမြစ်များ

2 Yʉanes 1:9

Nyʉ́ʉ́ mʉ̂r nyɛɛ́ jɨ̂ʼ lɛ́ʼlá mé Krîst, ɨ́ jɨ̂ʼ jɨ̂ʼ, kǎ líʼě lɛ́ʼlá waá, ntaa, tó púma dóló e gúú swîh nó, nyé atíʼe ɨ́ mpúhlá e Nzyɛ̌m. Waá dí ejɨ̂ʼ lɛ́ʼlá waá, alíʼe wé nyá, nyɨ́haá ó dí ɨ́ mpúhlá e Sɔ́ŋ, ti e Mwân bɨ́bɛ̂h.

2 Timotɛ 3:14

Nó sá gó á jɨ̂ʼ, gʉ́a ntémé ó, yé ó tɨ̂ʼ yɨ́, yé díʼee go simá ɨ́ lémé gô. Sá ajɨha mímbi mi bʉ̂r gó á nʉa milɛ́ʼlá kwá nyɔ́ɔ́ bá.

Jacques 1:25

Nó ó, mʉr waá dí esâ étié mé Nzyɛ̌m mejóʼo, le esâ sɨ́n lɨ́ ebaʼle lé nyá, nyɨ́haá ó Nzyɛ̌m ngá sʉ métyɛʼ me mpóm. Nye óswɨɨ métyɛʼ me mpóm ɨ́ syɛ́ɛla yé yɨ́yɛ̂h nyé ngá sâ yɨ́, ebě, nyé abě mbi mʉ̂r dí, le nyê jóʼó, le nyê jɨhá nyá. Nye lɨ́ esâ bísyɛ́ɛla bi tɨ̂. Etié laá, lé ó mbɨ̂mbɨá ɨ́ mipáʼ mímyɛ̂h. Lé e nkul etyêl mɨ́ná gá ɨ́ tyé ónzyɛh o bʉ̂r.

1 Timotɛ 4:16

Gwá dwɛ̂ʼ gó mʉr tɨ̂ʼ ndu e lɛ́ʼlá gó dí edwe bʉ̂r wɨ́. Sɨ́sáʼ sɨ́n lɨ́ edû mílɔ̌b mínɨ̌. Gó ósâ nó wá, go ótíʼ gó mʉr tɨ̂, tíʼ ntémé baá o dí ejôʼlo gó bá.

Kolosi 1:23

Bɨ́n ótô dóló le edyɛ̂ʼwo e Tî Yésʉs, le etyɛ̂b mekʉ̌ sí ɨ́ sɨ́ŋ nó, go ó, milémé mín, myé odi ɨ́ puuu. Mʉr apɨ́ŋla gâ! Mʉ̌r sá abîr ó, bé sâʼ ó, bɨ̌n léhee, nkʉ̂ sóŋlǒ Mbɨambɨa Lɔ́ɔ bɨ́n á jóʼo wɨ́. Mbɨambɨa Lɔ́ɔ waá, wé mû lɨ́ etúnɔɔ ó, ɨ́ sí yɨ́yɛ̂h, ɨ́ páʼ bʉ̂r bɨ́bɛ̂h dí sí jʉ́o bá. Mɛm Pɔ̂l á tyélɔɔ ɨ́ syɛ́ɛ́ ó, me lɛ́yɨɨ bʉr wǎ.

Ebrœ̂ 3:14

Sá dí tɨ̂ʼ yɨ́, yé ó: mɨ́ná ódi gá ɨ́ bidǐ gá bíná, apʉʼa tɨ̂, tó pyâl ɨ́ mesíé nó, go ó, mɨná gá be ó bʉr ó njoo mé Krîst ó tɨ̂ʼ yɨ́.

Mɨlʉmlʉ 14:22

Bê nzě gbâ ómpʉ́n nkul ɨ́ miléme, le etɨ́e bé ó, bé tôʼ le edû búʼó gá yɨ́ná. Bé e bé ó: «Mɨ́ná bé ókpɛl gá enî ɨ́ Mpóʼo mé Nzyɛ̌m nó, mɨná bé ɨ́ jala le enyɛɛ́ sia gá e mitúú e mindɛ̌l ɨ́ buo buo.»

1 Yʉanes 2:24

Gwá símsa gá mpáŋla bɨ́n á jóʼo, duho ɨ́ menyɛ̌l nyɨ́. Mpáŋla bɨ́n á jóʼo, duho ɨ́ menyɛ̌l nyɨ́, ódi bɨ́n ɨ́ miléme nó, bɨ̌n bé ódi ntémé ó, ɨ́ mpúhlá nyɨ́n e Nzyɛ̌m Mwân, bé e Nzyɛ̌m Sɔ́ŋ bɨ́bɛ̂h.

Rôm 11:22

Paá bee gá mpʉ̌ Nzyɛ̌m dí elɛ̂ʼle mpâm, le edi, adûhwo bʉ̂r o dí esâ nyé ebɨ̌h, baá bé á twe omyâtyɛ̌ŋ ɨ́ nkɨ́ŋlɨ́m bá. Nyě kʉ́ lɛ̂ʼle mpâm nyé ó, gua. Gúa óbene édi ɨ́ mpam mé Nzyɛ̌m nyaá nó, lɛ́ɛ́, nye ntémé ókʉ́ syɛ̂h gó mpʉ̌ lɔ́ɔ́ lɨ́ e ngɨ́r ɨ́ léme.

Rôm 2:7

Bâʼ bʉ̂r, bé sáá ó kûm, le dúu le twiʼ dí asíesie yɨ́. Bé lɨ́ edûhwǒ sɔ́ɔlʉ waá e bíhwó, lɨ́ esâ mímpaŋ bísyɛ́ɛla. Bé ó baá Nzyɛ̌m ngá dwě twǐʼ njʉ̌m dǐ bá.

Mataos 24:13

Sâ gwár, mʉr ngá dûhwo, tó pyâl ɨ́ mesíé nyá, ótiʼe.

Yʉanes 8:36

Mwân sí táǎ góo, le edwih bɨ́n ɨ́ mpila ótúʼǎ nó, ɨ́ jɔʼ yaá ó bɨ́n ókʉ́ be ónzyɛh o bʉ̂r yɨ́.

Yʉanes 6:55

Ebě, bipúnó byâm, byé ó mede mempâ. Metié mâm, mé ó mpǎŋ sá ébɛble.

Mɨlʉmlʉ 13:43

Jɔ̌ʼ gwɨ́hlá yé á gbɛha yɨ́, oYúden ɨ́ buo buo ndu e baá bé á nî ɨ́ yébé wɔ́ɔ́ bá, nzě dúŋɔɔ̌ Pɔ̂l, bé e Banabâs, le ejôʼlɔɔ bê. Pɔ̂l, bé e Banabâs ó b'á be lɨ́ elwib e bê, le ekʉ́ lɛ́ɛ e bé ó, bé náraa e Nzyɛ̌m ɨ́ lɔ̌b mpâm nyé.

1 Yʉanes 2:19

Bʉr baá, bé á si duho ɨ́ sɔ́má gá yɨ́ná. Bé á bé abe yɨ́ɛ bɨ́ɔɔ́ gá bɨ́ná. Yé bé bé á be ó bʉr ó sɔ́má gá yɨ́ná nó, mpa mɨná gá le onɔ́ɔ́, bé dína ó tɨ̂, kumo mûh. Tó kœb ó, yé á jala ó, bé tôʼ, yé nkʉ̂ nyɨ̂n ɨ́ kpɛŋlɛm ó, abe e mʉr sɔ́má yɔ́ɔ́ á be ɨ́ nkɔ̌m gá nyɨ́ná.

Ebrœ̂ 8:9

Jɔʼ mé á mɛ̂r bimpám byɔ́ɔ́ ɨ́ mebô, pɛʼ bé ɨ́ sí Egɨ̂ptɛn yɨ́, me á si tyêl saá páʼ nyɨ́h le onɔ́ɔ́. Nó ó, edwán é sáá mé ókǎ báʼǎ tyêl lɨ́, lé ákǎ bě mpʉ nyɨ́haá. Bé á bé adû métié mé sáá esôʼ mé á tyêl páʼ nyɨ́h le onɔ́ɔ́ nyɨ́. Sá tɨ̂ʼ ó mé á túmo koo e bé yɨ́.”»

1 Timotɛ 2:15

Mʉ́má ódyɛ̂ʼwo e Nzyɛ̌m, le ekpɛl bʉ̂r, dǐ tí ɨ́ páʼ mé Nzyɛ̌m, le edwe nyʉ̂l nyé medile nó, nye óbǐ twiʼ lɨ́ ebyá nyé dí ebyâ lɨ́.

Yʉanes 1:47

Jɔ̌ʼ Yésʉs á bee Natanaɛ̂l lɨ́ enzě nko nyé á be yɨ́, nye ó: «Beyɨɨ gá nyɛ̂r Ɨ́zraɛ̂l ɨ́! Nyé abe e mikóo.»

Mɨlʉmlʉ 26:22

Sâ gwár, Nzyɛ̌m á si kamle e me, nzě pyâl ɨ́ móhó wɨ̂ʼ mûh. Me dína ó wâ, lɨ́ eboʼlǒ lɔ̌b waá kwá bʉr bɨ́bɛ̂h, táare e bwá ó ntwǒm, kala le otɔ́má bʉ̂r. Mé alɛ́ɛ yʉ́ʉ́ sá swîh, njɨ yaá ógwíha o mílɔ̌b ndu e Moyɨ̂z bé á boo lɛ́ɛ ó, yé ópyâl yɨ́.

Yʉanes 2:2

Bé á si báŋle ntémé Yésʉs, bé le ompʉ́n bé ɨ́ nzɔɔ nyaá.