Yʉanes 8:29 - Kálar Nzyɛ̌m : Ejwán é Sáá

²⁹ Mʉr á ntɨh me nyá, bɨ̌h e né ó dí. Nye á bé alíʼe mé me omér, ebě, mě sá jɔʼ yɨ́yɛ̂h ó, syɛ́ɛla nyé dí ebee mbɨ̂mbɨá yɨ́.»

Kálara Zyɛ̌m Edwán é mpʉ̌n

²⁹ Mʉr a ntɨh me e, bɨh e nɔɔ ó ndɨ. Nye a baaliʼe me me ome, ebe, me esa jɔʼ yiyɛh ó, njɨ syɛɛla nye lé ebee mbɨmbɨa ɛ.»

Yʉanes 8:29 ပူးပေါင်းရင်းမြစ်များ

Yʉanes 6:38

Ebě, me á bé aduho ɨ́ jʉ́o kʉ́, lɨ́ enzě sâ gwɨ́má yâm, njɨ gwɨ́má mʉ̂r á ntɨh me nyá.

Yʉanes 16:32

Jwɛ́ʼɛ́ɛ́ gâ, jɔʼ, yé múo nzě pyâl. Yé ntémé, yɨ́ pyâl: jɔʼ bɨ́n ngá gbɛha, mʉr e mʉr asyɛŋa nzɨ́ yɨ́. Bɨ̌n bé ólíʼe mé me omér. Me ákóʼó be yɨ́ɛ me omér, ebě, bɨ̌h e Sɔ́ŋ wǎm ó dí.

Yʉanes 4:34

Yésʉs, nye e bé ó: «Mede mâm, mé ó, me sâʼ gwɨ́má mʉ̂r á ntɨh me nyá, le esîl syɛ́ɛ́ nyé á lɛ́ɛ ó, me ntáa nzě séa yɨ́.

Yʉanes 15:10

Bɨ́n sí baʼle métié mâm nó, bɨ̌n bé ódi tʉ́ŋlʉ̌ kpɛ̌l yâm, ebě, mɨ́ baʼle métié me Sɔ́ŋ wǎm. Mě gʉ́á ntémé ó, nye lɨ́ ekpɛl mê.

Yʉanes 5:30

«Mé abe e nkul esâ yʉ́ʉ́ sɔ̂ʼ e mɛm mʉr tɨ̂. Mě tíʼé mílɔ̌b ó, njɨ̌ mpʉ̌ Nzyɛ̌m dí elɛ́ɛ mé yɨ́. Etíʼ é mílɔ̌b lâm, lé ó tîtyěl, ebě, mé abe lɨ́ esâ mpʉ mé dí egwɨ̂m yɨ́, njɨ̌ mpʉ mʉ̂r á ntɨh me nyá dí egwɨ̂m yɨ́.

Yʉanes 8:16

Sâ gwár, yé sí kǎ pyâl ó, me tíʼaa lɔ̌b nɛ́ɛ: tíʼá wâm, wé ó tîtyěl, ebě, mé abe mé omér ɨ́ tíʼá waá. Yé ó bɨ̌h e Sɔ́ŋ wǎm, mʉr á ntɨh me nyá.

1 Yʉanes 2:1

Bwán bâm, mě cɛmá bɨ́n bisá bîʼ ó, bɨ̌n nkʉ̂ gwâʼ ékǎ sâ mísyóm. Sâ gwár, yé ká pyâl yɨ́ɛ ó, mʉr, nyɨ́ sâ syóm nó, gʉ́ŋáá gá ó, mɨná gá bé e mʉr nkɔ̌m kwá mé Nzyɛ̌m: Yésʉs-Krîst, mʉr dí tîtyěl nyá.

2 Timotɛ 4:17

Tî Yésʉs ó b'á kɛm me, le egbâ mé pîm ɨ́ búʼó. Nye á sâ nó ó, nye nkʉ̂ swâhlě túnó waá ɨ́ nzɨ̌ nyǎm, le esâ ó, bʉr o bíkúl bíbyɛ̂h nkʉ̂ jóʼo wê. Nó ntémé ó mé á pɛʼɔɔ ɨ́ nǔm ngbampɨɨ yɨ́.

Yʉanes 14:31

Nó ó, yé jala ó, bʉr ó sí yɨ̂, bé gʉ́ŋaa ó, me lɨ́ ekpɛl Sɔ́ŋ wǎm, le ntémé ó, mě sá ó mpʉ nyé á tɨ́e me yɨ́. «Gbɔlwaa gá sí. Mɨná dúhaa gá wâ.»

Yʉanes 17:4

Me á si lɛ̂ʼle bʉr kûm nyǒ ɨ́ sí yɨ̂. Mɨ́ sîl syɛ́ɛ́ gó á dwe me ó, me séaa yɨ́.

Mataos 17:5

Mpʉ nyé á be, nye dína lɨ́ elwib yɨ́, dwiné ɨ́ ngé ngɨ ngé nzě búblo bê. Ompʉ́n, bé kǎ jóʼo ó, lʉ́ʉ́ étyêl lɨ́ eduho ɨ́ dwiné tʉ́ŋlʉ̌, lɨ́ elɛ́ɛ ó: «Nyâ, nye ó mwân wǎm mé dí ɨ́ buú kpɛl nyá. Me lɨ́ ekʉ́ mɛɛla e né. Jʉ́jóʼáá gá nye!»

Mataos 3:17

Píe tɨ̂, nyě kǎ jóʼo ó, etyêl nzě duho ɨ́ jʉ́o kʉ́, lɨ́ elɛ́ɛ ó: «Nyâ, nye ó mwân wǎm mé dí ɨ́ buú kpɛl nyá. Sʉhʉʉ yâm yɨ́yɛ̂h, yé e né.»

Ebrœ̂ 4:15

Ebě, njwɨ́ɨ opara gá wɨ́ná, nye ó waá dí e nkul ejɨ̂ʼ nkóó e mɨná gá ɨ́ jɔʼ nyé dí ebee étyɛʼ gá lɨ́ná yɨ́ nyá. Nye á si bóblɔɔ mimbi mímyɛ̂h, jwɨʼ gwár e gwár e mɨná gâ; sâ gwár, nyɨɛ l'aduma, nkʉ̂ sâ syóm.

Ebrœ̂ 7:26

Nye ó mbi njwɨ́ɨ opara wé á kʉ jala e mɨná gá wɨ́: nye ó mʉr dí tí, waá dí akúnwo e mpɨŋ nyá. Sá mébomo, yé abe ɨ́ nye. Nyé akúnwo bá le osyɛ̂l o mísyóm. Nye ntémé, nye ó mbɨ́ná kʉ́, laǎ jʉ́o le ejwoo le baántɛ́n.

2 Timotɛ 4:22

Tî Yésʉs díʼee e go ɨ́ sísǐm. Nzyɛ̌m sʉ́ʼoo bɨ̌n metyɛʼ me mpóm.

Mataos 3:15

Yésʉs nzě yala e né ó: «Bírɨ́ɨ, yé syɛ́yɨɨ nó, ebě, yé jala ó, mɨná lóŋlaa bisyɛ́ɛla bi dí ejala le esyɛ́ɛ bí, bíbyɛ̂h.» Yʉánɛs ntɔ̂ʼ kam.

1 Yʉanes 3:22

Mɨná bé óbi gá ntémé sá yɨ́yɛ̂h mɨ́ná ógwâm gá nye yɨ́, ebě, mɨná bé lɨ́ ebaʼle métié mé, le esâ bísyɛ́ɛla nyé dí ebee mbɨ̂mbɨá bí.