Yʉanes 8:26 - Kálar Nzyɛ̌m : Ejwán é Sáá

²⁶ Me ɨ́ buo bísá bí élɛ́ɛ ɨ́ lɔ̌b wɨ́n. Milɔ̌b mín mé jálá le etíʼe mí, myé ɨ́ buo. Mʉr á ntɨh me nyá, lɛ́ɛ́ ó otyeetye. Mɛ̌m jaá lɨlɛ́ɛ ó, njɨ sá mé á jɨ̂ʼ kwá nyé yɨ́.»

Kálara Zyɛ̌m Edwán é mpʉ̌n

²⁶ Me é buo bɨsa bɨ elɛɛ é lɔb win. Mɨlɔb min me lé ejala le edwe bɨn mobe tɨʼ ɨ, myé nteme, myé é buo. Mʉr a ntɨh me e, nye elɛɛ ó ocyecye. Sa me a joʼo nye lé elwib ɨ, yé ó me lé ebula lwib kaʼ é si nwaʼ ɛ.»

Yʉanes 8:26 ပူးပေါင်းရင်းမြစ်များ

Yʉanes 15:15

Me ákǎ jébe bɨ́n “osyɛ̂l o mésâ bâm”, ebě, syɛ̂l, nyé agʉ́ǎ sá njwɨ́ɨ wé dí esâ yɨ́. Me ókǎ jɨjébe bɨ́n ó, “osó bâm”, ebě, mɨ́ lɛ́ɛ bɨ́n sá yɨ́yɛ̂h mé á jóʼo kwá mé Sɔ́ŋ wǎm yɨ́, ó bɨ̌n nkʉ̂ gʉ́a yê.

Yʉanes 8:40

Sâ gwár, ɨ́ báánâ, damá jóʼo ó mpʉ mé mû sí kala bɨ́n otyeetyě Nzyɛ̌m á lɛ́ɛ me wɨ́ yɨ́, bɨ̌n bé lɨ́ egwɨ̂m éjʉ̂ mê. Abraham á bé asâ yʉ́ʉ́ syɛ́ɛla nó.

Yʉanes 17:8

Ebě, lwǐb gó á lwib e me yɨ́, mɨ́ kala bé yǎ. Bé ntémé, bɨ́ baʼle yê. Bé á si kʉ gʉ́a tyeetye ó, me á duho ó kwá nyǒ. Bé ntémé, bɨ́ kʉ́ bûʼla ó, go ó b'á lómo me.

Yʉanes 7:28

Yésʉs á be ó lɨ́ edwe bé milɛ́ʼlá ɨ́ mpáh Nzyɛ̌m. Nye nzě tyɛ̂b le etúno ó: «Bɨ̌n bé lɨ́ egʉ́a mê? Bɨ̌n ntémé, bɨ́ gʉ́ǎ páʼ mé á duho wɨ́? Me á bé anze e mɛm mʉr tɨ̂. Sâ gwár, mʉr á ntɨh me nyá, nye ó tyeetye. Bɨ̌n bé agʉ́a nyê.

2 Korɛnt 1:18

Ɨ́ mekǎn bɨ́h á lɛ́ɛ bɨ̌n má, bɨ̌h á bé alɛ́ɛ bɨ́n «Eee!» ti e «Heʼé!» ɨ́ jɔʼ gwár. Nzyɛ̌m ó dí eboʼlo nó.

Yʉanes 16:12

«Me dína ó, ɨ́ buo bísá bí élɛ́ɛ bɨ́n. Sâ gwár, bɨ̌n bé apǎ be e nkul edûhwo byé ɨ́ báánâ.

Yʉanes 7:16

Yésʉs, nye e bé ó: «Milɛ́ʼlá mé dí edwe mî, myé abě njɨ milɛ́ʼlá myâm. Myé duho ó ɨ́ mʉr á ntɨh me nyá.

Yʉanes 3:11

Me lɨ́ elɛ́ɛ gó lɨ́ otyeetye ó, me lɨ́ eboʼlo mílɔ̌b mé dí egʉ́a mí. Mě lɛ́ɛ́ ntémé ó, sá mé á bee yɨ́. Sâ gwár, bɨ̌n bé akpɛl ékǎm lɔ́ɔ́ wâm.

Yʉanes 8:25

Bé e né ó: «Gua, go nzé?» Yésʉs, nye e bé ó: «Nzê mé alɛ́ɛ bɨ́n yǎ, duho ɨ́ menyɛ̌l ɛ̌?

Yʉanes 8:27

Bé á bé agʉ́a ó, nye á lwib e bé ó, dumo e Nzyɛ̌m Sɔ́ŋ.

Yʉanes 18:20

Yésʉs, nye e né ó: «Me á jaa lwilwib ó, njɨ ɨ́ hwɨ́m, bʉr bɨ́bɛ̂h lɨ́ ejóʼo. Me á lɨlɛ̂ʼle bʉr ó, ɨ́ mempáh mínjɨʼla mɔ́ɔ́ ndu e mpáh Nzyɛ̌m, bigúmó óYúden bɨ́bɛ̂h dí egwɨ̂hlǎ jɔʼ yɨ́yɛ̂h bí. Me á bé alɛ́ɛ yʉ́ʉ́ sɔ̂ʼ mesǒ.