Yʉanes 8:24 - Kálar Nzyɛ̌m : Ejwán é Sáá

²⁴ Sá tɨ̂ʼ ó mê lɛ́ɛ́ e bɨ̌n ó: “Bɨ̌n bé óbúra e misyóm mín” yɨ́. Bɨ́n bé abûʼla ó, mɛm ó dí Me-ó-tɨ̂ʼ nó, bɨ̌n bé ókʉ́ búra e misyóm mín.»

Kálara Zyɛ̌m Edwán é mpʉ̌n

²⁴ Ebe no, me elɛɛ bɨn ó nɛɛ: “Bɨn bé ójala e mɨsyem min” ɨ. ǃBɨn si bene lé ebuʼla ó, mɛm ó ndɨ Me-ó-tɨʼ nɛʼɛ, bɨn bé ókʉ jala e mɨsyem min!»

Yʉanes 8:24 ပူးပေါင်းရင်းမြစ်များ

Yʉanes 3:36

Mʉr dí edyɛ̂ʼwo e mwân waá nyá ó ngá bǐ twǐʼ njʉ̌m dǐ. Mʉr dí adyɛ̂ʼwo e né nyá, nye ákóʼó bǐ twiʼ yaá. Nyɨ́haá ójaʼra e nkpaǎ Nzyɛ̌m ngá lɛ̂ʼle nyé nyɨ́.»

Yʉanes 3:18

Mʉr dí edyɛ̂ʼwo e Mwân mé Nzyɛ̌m nyá, nyé akǎ be e mebyaʼ. Mʉr dí adyɛ̂ʼwo e né nyá nyɨɛ ó dí e mebyaʼ, ebě, nyé apǎ dyɛ̂ʼwo le Etíʼé é Mwân mé Nzyɛ̌m.

Markus 16:16

Waá ngá dyɛ̂ʼwo e me, ntɔ̂ʼ duŋɔɔ nyá, ótiʼe. Waá ngá be, adyɛ̂ʼwo e me nyá, nyɨ́haá ó ngá dweŋɔɔ bíntɨ́ʼá bi dí ɨ́ buú bébe bí.

Ebrœ̂ 12:25

Nó, gwá di gá le ocwóó, ó bɨ̌n sá abene mʉ̂r mû lɨ́ ecɨ̂l bɨ́n nyá. Ɨ́ mimbú mí píhe, bé á si bene ejóʼo mʉr á nze ɨ́ sí yɨ̂ʼ nyá, akpɛl éjóʼo ɨ́ jɔʼ nyé á boo lɛ́ɛ bé sá nyé óntɨh bé yɨ́. Jɔʼ yé á ka pyâl yɨ́, bé ntɔ̂ʼ sáa ékɨ̂ŋ ntɨ́ʼá. Yé á bé akǎ bána. Mʉr á nze ka lwib e mɨná gá nyá, nyɨ́haá, nyé twíí, nye á duho ó kʉ́. Mɨ́ná bé óbene gá lɔ́ɔ́ wé nó, nzê mɨná bé ókɨ̂ŋ gá ntɨ́ʼá tɨ̂ʼ yɨ́ɛ ɛ̌? Nzyɛ̌m pǎ nyɛɛ́ ntɨ̂ʼ bímpám gá bíná ɨ́ lɔ̌b ajóʼo wɔ́ɔ́, á dwɛʼra e mɨná gá bɨɛ!

Yʉanes 13:19

Me lɨ́ eboó lɛ́ɛ bɨ́n nó, ɨ́ jɔ̌ʼ syɛ́ɛla yé yaá dína apǎ syɛ́ɛ yɨ́. Mě lɛ́ɛ́ nó ó, ebě, ɨ́ jɔʼ yé ókǎ syɛ́ɛ yɨ́, bɨ̌n bé óbûʼla ó, mɛm ó dí Me-ó-tɨ̂.

Yʉanes 4:26

Yésʉs, nye e né ó: «Me ó dí nye, mɛm, mʉr dí elwib e go nyâ.»

Ebrœ̂ 2:3

Mɨná gá bɨɛ bé á be ó sí ntɨhɔɔ̌ lɔ́ɔ́ twiʼ dí elaa mpáŋla bééngeles bé á túno nyɨ́. Mʉr á nyɛɛ lɛ́ɛ lɔ́ɔ waá nyá, á be ó Tî Yésʉs mʉr tɨ̂. Ntémé, bʉr o b'á jóʼo nye bá ó b'á lɛ́ɛ mɨná gá ó, wé ó lɔ́ɔ dí e nkul wɨ́. Á nó, mɨ́ná ópyêh wé nó, mɨná bé okǎ swab gá nkoó?

Yʉanes 8:21

Yésʉs nzě báʼǎ lɛ́ɛ e bé ó: «Mɛm múo nzě tô. Bɨ̌n bé ósáa mê, ɨ́ sáa sáa, abee. Bɨ̌n ntɔ̂ʼ búra e misyóm mín. Bɨ̌n bé abe e nkul etô nko mé ngá tô yɨ́.»

Mɨlʉmlʉ 4:12

Bʉr o dí ebǐ twiʼ bá, bé jaá bi yé ó kwá nyé. Ebě, yé abe e lʉ́ʉ́ díe eswîh Nzyɛ̌m á lɛ̂ʼle mɨná gá ó, lé e nkul ebáʼǎ dwe bʉ̂r twiʼ lɨ́.»

Markus 13:6

Ebě, bʉr ɨ́ buo buo, bé ónzɨnze e díé lâm, lɨ́ elɨlɛ́ɛ ó: “Mɛm ó dí nye.” Bé ókʉ́a bʉ̂r ɨ́ buo buo.

Lʉkas 21:8

Nó ó Yésʉs á lɛ́ɛ ó: «Diʼee gá mekʉá ɨ́ binyâ. Bɨ̌n ámû jaá dímlɔɔ, ebě, bʉr ɨ́ buo buo, bé ónzɨnze e díé lâm, le elɨlɛ́ɛ ó: “Mɛm ó dí nye!” Bé óbáʼǎ lɛ́ɛ ntémé ó: “Jɔ̌ʼ jwɨ́ɨ́ yâm, yɨ́ pyâl!” Sâ gwár, mʉr adû gá bê.

Mataos 24:5

Ebě, bʉr ɨ́ buo buo, bé ónzɨnze e díé lâm, lɨ́ elɨlɛ́ɛ ó: “Mɛm ó dí Mʉ̌r Nzyɛ̌m á lœm múló mé jwɨ́ɨ nyá!” Bé ódímle bʉ̂r ɨ́ buo buo.

Yʉanes 8:25

Bé e né ó: «Gua, go nzé?» Yésʉs, nye e bé ó: «Nzê mé alɛ́ɛ bɨ́n yǎ, duho ɨ́ menyɛ̌l ɛ̌?

Yʉanes 8:28

Yésʉs nzě lɛ́ɛ e bé ó: «Jɔʼ bɨ́n ngá bɨ̂n Mwân mé Mʉr kʉ́ yɨ́, ɨ́ jɔʼ yaá ó bɨ́n ngá gʉ́a ó, mɛm ó dí Me-ó-tɨ̂. Bɨ̌n bé ogʉ́a ó, mé abe lɨ́ esâ yʉ́ʉ́ sɔ̂ʼ ɨ́ mɛm mʉr tɨ̂. Mě jaá lwilwib ó, njɨ sá Sɔ́ŋ wǎm á lɛ̂ʼle me yɨ́.

Yʉanes 8:58

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, Abraham dína apǎ byɛ̂l, mɛm á boo be ó Me-ó-tɨ̂.»