Yʉanes 8:2 - Kálar Nzyɛ̌m : Ejwán é Sáá

² Ɨ́ mɛ́n kúnó, nye nzě tô mpáh Nzyɛ̌m. Bʉr bɨ́bɛ̂h nzě tô nko nyé á be yɨ́. Nye nzě di sí, nyɛl édwe bé milɛ́ʼlá.

Kálara Zyɛ̌m Edwán é mpʉ̌n

² É mɛn ntuʼkolo, nye ze bâʼle to é jahla bii mo Zyɛm tʉŋlʉ. Bʉr bɨbɛh ze to nko nye a be e. Nye ze di si, taare lé edwe be sikʉlʉ.

Yʉanes 8:2 ပူးပေါင်းရင်းမြစ်များ

Mataos 26:55

Jɔʼ yaá ó Yésʉs á nze lɛ́ɛ le sɔ́má bʉ̂r yaá ó: «Bɨ́n pa nze mɛ́r mé le opasoŋ le mimbɨ́ŋ nó, nzê bɨ̂n jóʼó ó, me ó nzilngǎn? Me á bɨbe ó, dʉ́ó lɨ́lɛ̂h ndîndǐl tʉ́ŋlʉ̌ mpáh Nzyɛ̌m, lɨ́ elɛ̂ʼle bʉ̂r. Bɨ̌n bé á bé amɛ̂r mê.

Lʉkas 21:37

Yésʉs á dwidwe bʉr milɛ́ʼlá ɨ́ mpáh Nzyɛ̌m ó, ɨ́ mimóhó. Nó ɨ́ bibíí bí kʉ̌ʼ bíɛ, nye á to jɨjâ ó, lɨ́ ecwɨ̂ʼ bé jɨ́jébé ó, “Ecwɨ́ʼ lé ólivier” lɨ́.

Lʉkas 4:20

Nó ó Yésʉs á nze dible mekaná maá, dwe mʉ̂r á kʉkomo mekaná maá nyá. Nye ntɔ̂ʼ di sí. Bʉr bɨ́bɛ̂h o b'á be ɨ́ mpáh minjɨʼla bá ntɔ̂ʼ bɨʼɔɔ nyé mejwôʼlʉ ɨ́ nyʉ̂l ɨ́ tooobó.

Lʉkas 5:3

Nó ó Yésʉs á nze kalwo ɨ́ nyʉ́ʉ́ byɛ̂l, waá mé Simon. Nye ntɔ̂ʼ jɨʼla e né ó, bé bâ cɛra e pɨ̌n. Nye ntɔ̂ʼ dǐ ndîndǐl ɨ́ byɛ̂l, nzě nyɛl édwe éntumo e bʉ̂r milɛ́ʼlá.

Yʉanes 8:20

(Yésʉs á lwib bilwǐb bínɨ̌ ó, nyɨɛ lɨ́ edwe bʉ̂r milɛ́ʼlá ɨ́ mpáh Nzyɛ̌m, gúmó mpɔra míndwéá yé á be yɨ́. Abe e mʉr á mɛ̂r nye, ebě, jɔʼ yé, yé á bé apǎ pyâl.)

Yʉanes 4:34

Yésʉs, nye e bé ó: «Mede mâm, mé ó, me sâʼ gwɨ́má mʉ̂r á ntɨh me nyá, le esîl syɛ́ɛ́ nyé á lɛ́ɛ ó, me ntáa nzě séa yɨ́.

Lʉkas 21:38

Nó ó mínzɨnzɨ mi bʉ̂r mímyɛ̂h, myé á kûkuno, le etô mpáh Nzyɛ̌m, lɨ́ etó jôʼlo nyé yɨ́.

Yʉanes 8:3

Olɛ̂ʼla o métié le oFarizyɛ̂n nzě lɛ̂ʼle nyé nyʉ́ʉ́ mʉ́má bé alúno mɛ̂r lɨ́ esâ médyɛ̂n nyá. Bê nzě tyêl nyé tîtyěl témé bʉr memɛ̌n.

Mɨlʉmlʉ 5:21

Ɨ́ dwiné mɛ́n kúnó, bʉr o mílʉ́mlʉ́ ntɔ̂ʼ tó tyɛ̂b lɨ́ ebɛhɛɛ e mpáh Nzyɛ̌m, mpʉ̌ Nzyɛ̌m á pa boo lɛ́ɛ bé yɨ́. Bê nzě nyɛl édwe bʉ̂r milɛ́ʼlá. Ɨ́ dyɛ̂m yaá, njwɨ́ɨ opara, bé e bʉr ó bʉ̌m nɨ́nɨ́ɨ́ nzě syɛŋa ɨ́ bʉ̌m nɨ́nɨ́ɨ́ dí gwɨ́hlá ótɔ́má bʉ̂r bé óYúden yɨ́. Bê nzě lómo bʉ̂r ó, bé tô nʉa bʉ̂r o mílʉ́mlʉ́ ɨ́ mbɛ̌r mímbʉʼ.