Yʉanes 8:19 - Kálar Nzyɛ̌m : Ejwán é Sáá

¹⁹ Bé e né ó: «Á sɔ́ŋ gǒ, nye nkoó?» Yésʉs, nye e bé ó: «Bɨ̌n bé agʉ́a, damá jóʼo mê, damá jóʼo Sɔ́ŋ wǎm. Yé bé bɨ̌n bé lɨ́ egʉ́a mé nó, lɛ́ɛ́, bɨ̌n ntémé bɨ́ gʉ́a Sɔ́ŋ wǎm.»

Kálara Zyɛ̌m Edwán é mpʉ̌n

¹⁹ Bé e nye ó: «A foŋ, nye nko?» Yesʉs, nye e be ó: «Bɨn bé agʉa dam be me, dam be Sɔŋ wam. Nkʉ bɨn be ó be, gʉa me nɛʼɛ, mpa bɨn mu ó si gʉa nteme Sɔŋ wam.»

Yʉanes 8:19 ပူးပေါင်းရင်းမြစ်များ

Yʉanes 16:3

Bé ósɨsâ nó ó, ebě, bé á bé agʉ́a, damá be Sɔ́ŋ wǎm, damá be mê.

1 Korɛnt 15:34

Yé jala ó, bɨ̌n bírɨɨ lɔ̌b ógʉ̌ wɨ́n. Bɨ̌n a gwáʼ ésâ mísyóm. Bʉ́ʉ́ bʉ̂r ó sɔ́má yɨ́n, bé agʉ́ǎ Nzyɛ̌m. Mě lɛ́ɛ́ mpʉ́nʉ̌ ó, lɨ́ egbâ bɨ́n sôn ɨ́ nyʉ̂l.

Yʉanes 7:28

Yésʉs á be ó lɨ́ edwe bé milɛ́ʼlá ɨ́ mpáh Nzyɛ̌m. Nye nzě tyɛ̂b le etúno ó: «Bɨ̌n bé lɨ́ egʉ́a mê? Bɨ̌n ntémé, bɨ́ gʉ́ǎ páʼ mé á duho wɨ́? Me á bé anze e mɛm mʉr tɨ̂. Sâ gwár, mʉr á ntɨh me nyá, nye ó tyeetye. Bɨ̌n bé agʉ́a nyê.

Yʉanes 1:10

Lwǐb á be ó ɨ́ sí yɨ̂. Nye ó mʉ̌r Nzyɛ̌m á lómo lɨ́ ebono kʉ́ e sí nyá. Nó ó, bʉr ó sí yɨ̂ʼ bɨ́ɛ, bé á bé adweʼe nyê.

Mataos 11:25

Jɔʼ yaá ó Yésʉs á nze lɛ́ɛ ó: «Dâ, me lɨ́ edwe gó kûm, gua Njwɨ́ɨ kʉ́ e sí, ebě, go á si lɛ̂ʼle bʉr o dí mpʉ bwá ó ntwǒm bá bisá gó á sol ocwóó le ogwɨ́a ó sí yɨ̂ʼ bí.

2 Yʉanes 1:9

Nyʉ́ʉ́ mʉ̂r nyɛɛ́ jɨ̂ʼ lɛ́ʼlá mé Krîst, ɨ́ jɨ̂ʼ jɨ̂ʼ, kǎ líʼě lɛ́ʼlá waá, ntaa, tó púma dóló e gúú swîh nó, nyé atíʼe ɨ́ mpúhlá e Nzyɛ̌m. Waá dí ejɨ̂ʼ lɛ́ʼlá waá, alíʼe wé nyá, nyɨ́haá ó dí ɨ́ mpúhlá e Sɔ́ŋ, ti e Mwân bɨ́bɛ̂h.

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

Galásia 4:9

Damá jóʼo nó, ɨ́ báánâ, bɨ̌n bɨ́ gʉ́ǎ Nzyɛ̌m mpâ. (Me bé lɨ́ edǐ lɛ́ɛ ó, Nzyɛ̌m, nyɨ́ gʉ́a bɨ́n mpʉ bwán bé.) Bɨ̌n bé lɨ́ ebáʼǎ dû mílɛ́ʼlá bʉ̂r ó sí yɨ̂ʼ dí ekûhlo, myaá dí abe e nkul mí ɨ́ yé? Bɨ̌n bé lɨ́ ebáʼǎ kpɛl édi bítúʼǎ byɔ́ɔ́ ɨ́ yé?

Yʉanes 17:3

Twǐʼ njʉ̌m dǐ, yé ó, bé gʉ́ŋaa go, gua mpǎŋ Nzyɛ̌m dí ngwár e ngwár nyá. Bé gʉ́ŋaa ntémé Yésʉs-Krîst, mʉr gó á lómo nyá.

Kolosi 1:10

Nó ó, bɨ̌n bé óbɛ̌m tyě mpʉ Tî Yésʉs dí ekpɛl yɨ́, le esâ ɨ́ jɔʼ yɨ́yɛ̂h sá nyé dí ekpɛl yɨ́. Bɨ̌n bé ótô dóló le egúmo mímpaŋ mi mpúmó ɨ́ bisyɛ́ɛla bimpâ bín bíbyɛ̂h. Tóʼ gá dóló le egwɨ́e ɨ́ pɨʼ le ngwɨ́á mé Nzyɛ̌m.

Yʉanes 15:21

Sâ gwár, bé ótîtible bɨ́n nó ó ɨ́ lɔ̌b wâm, ebě, bé agʉ́a mʉ̂r á ntɨh me nyá.

Ebrœ̂ 1:3

Nye ó dí e mentyɛnwa ndu e kûm mé Nzyɛ̌m. Nye ó dí gulo dí elɛ̂ʼlě mpʉ̌ Nzyɛ̌m mʉr tɨ̂ʼ dí yɨ́ nyá. Nyě baʼlé sá yɨ́yɛ̂h ó, ɨ́ nzɨ̌ lwǐb yé, dí e nkul yɨ́. Nye á si sîl ekomlo nzɨ̌ epubo bʉ̂r misyóm myɔ́ɔ́. Nye nzě bɨ́nɔɔ ɨ́ jʉ́o kʉ́, tó di sí ɨ́ mbó éjʉ́m mé Nzyɛ̌m kûm nɨ́nɨ́ɨ́.

Kolosi 1:15

Yésʉs-Krîst ó dí gulo mé Nzyɛ̌m Sɔ́ŋ. Nzyɛ̌m waá, nyé abe lɨ́ ebeɔɔ yɨ́ɛ. Nzyɛ̌m á tyêl nye ó ɨ́ dǐ médwéʼé mé mʉ̂r, kʉ́ sá yɨ́yɛ̂h nyé á komlo yɨ́.

Éfɛsɔs 1:17

Me lɨ́ ejɨʼla e Nzyɛ̌m dí e kûm, waá dí Sɔ́ŋ mé Tî gá wɨ́ná, Yésʉs-Krîst nyá, ó nye tyɛ́bɨɨ bɨ̌n ɨ́ miléme, ó bɨ̌n twólwaa, le ntémé ó, nye gwíhɨɨ bɨ̌n misolá mílɔ̌b myé. Myé óbe bɨ́n e nyɔm, lɨ́ esú ó, bɨ̌n gʉ́ŋaa nye.

Yʉanes 1:18

Abe e mʉr ngwár dí sí pǎ beě Nzyɛ̌m Sɔ́ŋ. Etíʼé é Mwân é kpɛ̌l lé, lé omér, laá dí ntémé Nzyɛ̌m lɨ́ ó b'á lɛ̂ʼle mɨná gá Nzyɛ̌m.

1 Yʉanes 2:23

Mʉr dí ekɛ́la ó, Yésʉs, nyé abe Mwân mé Nzyɛ̌m nyá, nyé agúmo e Nzyɛ̌m Sɔ́ŋ. Tó kœb ó, waá dí elɛ́ɛ ó, Yésʉs, nye ó Mwân mé Nzyɛ̌m nyá, Nzyɛ̌m Sɔ́ŋ le Nzyɛ̌m Mwân, bé ó ɨ́ nkɔ̌m nyé.