Yʉanes 8:14 - Kálar Nzyɛ̌m : Ejwán é Sáá

¹⁴ Yésʉs, nye e bé ó: «Mě damá boʼlǒ lɔ̌b wâm mɛm mʉr tɨ̂, sá mé dí elɛ́ɛ yɨ́, yé kʉ́ be ó tyeetye, ebě, me lɨ́ egʉ́ǎ nko mé á duho, ndu e nko mé dí etô yɨ́. Sâ gwár, bɨ̌n bɨɛ, bé agʉ́ǎ nko mé á duho yɨ́, nkʉ̂ páʼ mé dí etô wɨ́.

Kálara Zyɛ̌m Edwán é mpʉ̌n

¹⁴ Yesʉs, nye e be ó: «Me dam boʼlo lɔb wam me mʉr tɨ, sa me lé elɛɛ ɛ, yé yɛɛ ó cyecye, ebe, me egʉa nko me a duho ndwe e nko me lé eto e. Sa gwar, bɨn bɛɛ, bé agʉa nko me a duho e, nkʉ nko me lé eto e.

Yʉanes 8:14 ပူးပေါင်းရင်းမြစ်များ

Yʉanes 16:28

Me á duho ó kwá Sɔ́ŋ wǎm, me nzě pyâl ɨ́ sí yɨ̂. Me óbáʼǎ mɔa, líʼě sí yɨ̂, bérě nko Sɔ́ŋ wǎm dí yɨ́.»

Yʉanes 13:3

Yésʉs mʉr tɨ̂ʼ á be lɨ́ egʉ́a ó, nye á duho ó kwá mé Nzyɛ̌m. Nye ntémé óbúla kwá mé Nzyɛ̌m. Nó ntémé, Nzyɛ̌m á be ɨ́ gbâ sá yɨ́yɛ̂h sí jwɨ́ɨ́ yé.

Yʉanes 14:10

Nó ó, gó abûʼla ó, me ó ɨ́ mpúhlá e Sɔ́ŋ wǎm, Sɔ́ŋ wǎm ɨ́ mpúhlá e me? Lwǐb mé dí elwib e bɨ̌n óbɛ̂h yɨ́, yé aduho kwá nyǎm. Sɔ́ŋ wǎm, mʉr bɨ́h e nɔ́ɔ́ dí edi nyá, ó dí elóŋlo bísyɛ́ɛla byé.

Yʉanes 8:42

Yésʉs, nye e bé ó: «Yé bé Nzyɛ̌m, nyě tyeetye ó Sɔ́ŋ wɨ́n nó, lɛ́ɛ́, bɨ̌n bé lɨ́ ekpɛl mê, ebě, me á duho ó kwá mé Nzyɛ̌m. Me ntémé, me wâʼ ó ɨ́ nkul nyé. Me á bé anze ɨ́ gwɨ́má yâm, mɛm mʉr tɨ̂. Nye ó b'á lómo me.

Yʉanes 17:8

Ebě, lwǐb gó á lwib e me yɨ́, mɨ́ kala bé yǎ. Bé ntémé, bɨ́ baʼle yê. Bé á si kʉ gʉ́a tyeetye ó, me á duho ó kwá nyǒ. Bé ntémé, bɨ́ kʉ́ bûʼla ó, go ó b'á lómo me.

Mɨngwiha 3:14

«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí ɨ́ Laodiséa wɨ́ nyá. Lɛ́yɨ́ɨ́ nyé ó: Waá dí e díe ó, “Amɛn”, dí ntémé mboʼlo mpâ, mʉr ebúʼlɔɔ. Nye ó waá Nzyɛ̌m á kuho kʉ́ e sí ɨ́ nzɨ̌ nyé nyá. Nyě lɛ́ɛ́ gó ó:

2 Korɛnt 12:19

Táare mélú mé épíhe, kumo ɨ́ báánâ, bɨ̌n jaá gbɨ̂gba ɨ́ milʉ́ mín ó: «Pɔ̂l mû ó lɨ́ esâ mínkar ɨ́ míh gá mɨ́ná.» Yé akúnwo bá nó. Mě jaá kar nkâr nyǎm ó, njɨ ɨ́ míh mé Nzyɛ̌m, ɨ́ mpʉ̌ Krîst dí ekpɛl yɨ́. Bʉr ó kpɛ̌l bâm ɛ̌! Bɨ̌h sá bísyɛ́ɛla bínɨ̌ bíbyɛ̂h ó, lɨ́ esâ ó, búʼó yɨ́n, yé gwɨ́aa.

2 Korɛnt 12:11

Me mû ó gʉʼlʉgʉ́, lɨ́ esí bánǎ lwǐb mbi bílwǐb bínɨ̌. Bɨ̌n ó b'á sâ ó, me díʼee yê, ebě, bɨ̌n ó b'á tíne me lɨ́ esâ nó. Yé bé sá jála nó, lɛ́ɛ́, bɨ̌n ó b'á dwe me dúu, ebě, mé abe píhe bʉr o mílʉ́mlʉ́ o dí enkʉ́na ó, bé ó me dóló bá, damá be ó, mé abě sɔ̂ʼ.

2 Korɛnt 11:31

Waá dí Nzyɛ̌m mé Tî Yésʉs-Krîst, waá dí Sɔ́ŋ wé nyá, nye lɨ́ egʉ́a ó, mé alɛ́ɛ bíbɛr. Nye díʼee e kûm njʉ̌m dǐ e njʉ̌m dǐ.

Yʉanes 10:36

Nó ó bɨ̌n lɛ́ɛ́ ó, me lɨ́ esâ nyé nkěh ɨ́ yé? Nzê ebe mê gwíh bɨ́n ó, me ó Mwân wé yɨ́ ɛ́? Me ó waá Nzyɛ̌m á pɛ̂h, lómo ɨ́ sí yɨ̂ʼ nyá.

Yʉanes 5:31

Yé bé mě boʼló ó lɔ̌b wâm mɛm mʉr tɨ̂ʼ nó, lɛ́ɛ́, mboʼlá waá, wé abe le otyeetye.

Yʉanes 18:37

Pilátos, nye e né ó: «Nó ó, go ó njwɨ́ɨbʉr ɨ́?» Yésʉs nzě yala ó: «Yé ó mpʉ gô lɛ́ɛ́ nɨ̌. Me ó Njwɨ́ɨbʉr. Me á byɛ̂l, nze ɨ́ sí yɨ̂ʼ ó, lɨ́ enzě lɛ́ɛ bʉ̂r otyeetye. Mʉr nyɨnyɛ̂h dí egúmo e mʉr dí le otyeetye nyá, jóʼó ó, sá mé dí elɛ́ɛ yɨ́.»

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.